السكن الجامعي

[الباسل3003]

على خبري بهم باقي يستخدمون وسائل العصر الحجري
تروح مكتب إدارة السكن و يعلقون أوراق بأسماء الطلاب الحاصلين على السكن اذا لقيت اسمك يدخلونك المكتب و يطلبون منك مجموعة أوراق منها صور لك و أظن إفادة من الجامعة و سند قبض توديه لبنك سامبا فرع الجامعة تسدد 1500 للبنك و يختمون لك على السند ترجعه للمكتب و يعطونك ظرف فيه مجموعة أوراق توديها للسكن عندهم مكتب برضو مدري ايش اسمه بس على ما اذكر في مبنى 102 (المبنى في السكن مو في الجامعة) هم بيعلمونكم كل شيء تحتاجونه لا تقلقون .
اذا خلصت كل شيء و باقي لك تروح السكن في باصات تروح للسكن كل ربع ساعة تدور داخل الجامعة .

اذا وصلت للسكن و سلّمت الظرف لهم يعطونك بطاقة تكتب عليها معلوماتك و رقم غرفتك و المبنى والكلية و تاريخ الإصدار و ياخذون منك صورة يحطونها على البطاقة يبقى عليك تغلف البطاقة عشان تحافظ عليها و بس

رزقنا الله و إياكم قصوراً في الجنة .