فضيحة كمبيوترات الأقساط ( اللابتوب )

[x_bioc]

السلام عليكم و رحمة الله و بركاته


اخويا abd0099

انا اتكلمت على موضوع الابتوبات الي جايبتها الجامعة في ملتقى الطلاب و الطالبات

و كتبت رأيي الشخصي فيها و ما بدي اعيد و ازيد


بس نصيحة مني و اعتبرها لوجه الله ادا قدرت ترجع فلوسك و تلغي القسيمة فاتوكل على الله

اللاب توب ملحق عليه و اسعارو كل مالها بتنزل و كل يوم نازل موديل جديد


ترا اللابتوبات الي جايبتها الجامعة استغلال لشيكات الطلبة و الاسعار الي منزلينها اغلى من السوق

و الرامات قديمة و يبغو يصرفوها عالطلاب

حاجة تانية المفروض انو يكون المشروع دا خيري و الاسعار تكون اقل من كدا

كمان الي جابين الاجهزة محل اتصالات يعني بلل الضمان و اشرب مويتو


و عشان اثبتلك انو ما همهم الا الفلوس الي حتجيهم من ورا الطلاب


روووح و اطلب ال 4500 ريال منهم كاش و خليهم يقسطولك هيا حسب الشروط الي فارضينها عليك

و قلهم ابغى اشتري لاب توب من برة و على اتم الاستعداد اني اجبلكم الجهاز عشان تعتمدووه


مو هما هدفهم تطوير الطلاب و انو كل طالب في الجامعة يملك لاب توب


شوف ايش حيكون ردهم ..... و تعال قلي


حبيبي تبغى تشتري لاب توب اشتري من الوكيييل حتى مكتبة جرير لا تشتري منهاا

عندك العليان وكيل توشيبا و في الباروم تحصل وكيل Dell و غيرهم


و ما انصحك تبعد عن الجهازين دوول توشيبا و ديلل حتى HP مو بطال


بس اهم شي لا يضحكو عليك السوداني و المصري


و ادا احتجت اي مساعدة انا موجود

بالتوفيق