أبغى رأيـــكم . . . وأعتقد في حرية في إبداء الآراء . .

[MNMO0ONA]

حبايبي معليش
لازم نتحمل مونجلس كل ماشوفنا شي في الجامعه نجلس نقول الجامعه فيها وفيها
واتحطمنا واحبطتنا
لاء دي اشياء بسيطه المفروض مانتحطم ولا نزعل عشانها بالعكس نخلي دي الاشياء هيا اللي تقوينا وتصبرنا
تيب انتو زعلانين من الزحمه ومن لطعه الشمس واحبطتو واتحطمتو من البدايه
تيب بكرا جبتو معدلات عاليه 4 وفوق
ان شاء الله يارب
و مادخلوكم التخصص اللي تبغوه ايش راح تعملو مو بس راح تتحطمو راح تنهارو
فمنجد نصيحتي لكم لاتضايقو نفسكم وتتحطمو من اشياء صغيره
حطو في بالكم بكرا راح تقابلك اشياء اصعب وامر كيف راح تواجهوها
ولاتنسو المسل اللي يقول
لاتحسبن المجد تمرا انتا اكله لن تبلغ المجد حتى تلعق الصبرا
واتمنى ننقبلو وجه نظري برحابه صدر ^_^

[TURKI ALharbi]

انا مع الاخ صمت الغروب بكل شيء قالو انا مثل حكايتو من مكه وكل يوم طالع ونازل من جده واول يوم بكل المعايير فاشل يعنى وقت الاختبار انا الصراحه من اول الناس الى دخلت صحيح حطمونا بشغله المرسمه بس مو مهمه المرسمه المهم في الاختبار انت تعطينى اللسيننق الواحد ما يقدر يجاوب عليه الصوت عالى اكثر من الزوم لدرجه صار مو واضح والسرعه الخياليه يعنى انا الحمد لله بلانقلش اعتبر جيد جدا بس بسرعه هذيك لا بصراحه احبطه وصرت اجاوب قبل اسمع بسبب انى تلخبطه لخبطه وثانى شيء انا والله من الساعه 7 احاول اعرف مكان القاعه الى فيها الاختبار ماعرفتو وقلت مافي غير حراس الامن اكيد الناس هذى تعرف وربي واحد منهم احبطنى وكسر خاطرى تقول باشحت منو باسالو قلي ماعرف ماعرف مثل الحارس الى كلمنى المفروض يتغير لانه مو كفو يكون بالجامعه ولا اسلوبه الاكثر من ردى في التعامل وبعد عناء ومشقه وصلت لمكان الاختبار وتصدقون لو ماشفت زحمه عند الاستاد الرياضي كان ماعرفت الموقع ودخلت واختبرت وطلعه راضي القليل القليل عن نفسي وقلت الاحد اكيد في محاضرات المهم وصلت الجامعه جلست ممكن نص ساعه الين لقيت مبنى 30 دخلت جلست ربع ساعه من وقت المحاضره انتظر الدكتور وصل اتكلم معانا شويه وطلعت على اساس انو باقي لى محاضره كرهت كل شيء بدنيا بسبب محاضره قالو لى محاضرتك بمبنى 31 قلت كويس انا بمبنى 30 واكيد من التسلسل ان المبنى بيكون على بعد خطوه قررت امشي واترك السياره مشيت وبديت ابعد عن مبنى 30 مــــــــــــره الى ان سالت شخص ووصف لي المبنى وصلت المبنى وانا تعبان من الشمس والمشيء قلت خلاص ادخل الكلاس اريح والله العظيم كل ماسال شخص بالمبنى عن مكان الكلاس يقولى مادرى في الاخير سالت في الدور التانى قلي انت محاضرتك مو هنا انت محاضرتك بمبنى كليه علم الارض قلت طيب مو مشكله فين المبنى وصفو ليه وصلت المبنى ودخلت وسالت قال لى واحد من المسؤلين مو بهذا المبنى المبنى الى قدامنا مبنى تابع لكليه علم الارض دخلت والله العظيم مافي غير 5 اشخاص بالمبنى جلسنا ندور على الكلاسات مالقيناها صابنى ارهاق وتعبت من البحث على الكلاس عصبت وزعلت وقررت انزل مكه لانها كانت اخر محاضره المهم قلت برجع لمبنى 30 موقف سيارتى هناك المهم بديت امشي وبداء معايا مسلسل من سنوات الضياع ضعت وصرت مو عارف انا في اى اتجاه مافي اى لوحات ارشاديه مافي اى بنايه امامى مبين عليها رقم المهم صرت امشي والله ممكن نص ساعه امشي تتخيلو الساعه 11 والجو حار وعطشت ومافي كافتيريا المهم مابي اطول عليكم لقيت شخص الله يجزاه كل خير وصف لى المبنى وقلى اطلع اوصلك ووصلنى الى سيارتى بكل صراحه اول اسبوع انا احبطت فيه وشكرا على موضوعك الجميل جدااااااااااااااا واسف على الاطاله

[صمت الغـروب]

[quote=mnmo0ona;1199653]حبايبي معليش
لازم نتحمل مونجلس كل ماشوفنا شي في الجامعه نجلس نقول الجامعه فيها وفيها
واتحطمنا واحبطتنا
لاء دي اشياء بسيطه المفروض مانتحطم ولا نزعل عشانها بالعكس نخلي دي الاشياء هيا اللي تقوينا وتصبرنا
تيب انتو زعلانين من الزحمه ومن لطعه الشمس واحبطتو واتحطمتو من البدايه
تيب بكرا جبتو معدلات عاليه 4 وفوق
ان شاء الله يارب
و مادخلوكم التخصص اللي تبغوه ايش راح تعملو مو بس راح تتحطمو راح تنهارو
فمنجد نصيحتي لكم لاتضايقو نفسكم وتتحطمو من اشياء صغيره
حطو في بالكم بكرا راح تقابلك اشياء اصعب وامر كيف راح تواجهوها
ولاتنسو المسل اللي يقول
لاتحسبن المجد تمرا انتا اكله لن تبلغ المجد حتى تلعق الصبرا
واتمنى ننقبلو وجه نظري برحابه صدر ^_^[/quote]

بلعكس رأيك فوق الراس والعين وكلامك كلو 100 % بس لين متى نبقى كذا شعب محنا منضمين .
طيب سوولنا دي الحركات حلو حنصبر ان شاء الله طيب الجيل اللي بعدنا السنة الجايه اللي بعدهم . .

لازم يغيرو من تعاملهم لازم يحسو انو هادا الطالب اللي قدامهم هو بكره بيقودهم هو بكره بيمسك شي في الأمه وبيسوي شي يمكن ماسوووه ولايفكرو انهم يسوووه . . .

صراحه لازم يكون فيه شوية احتراااااااااااااااام وتقديـــــر لكيان الطالب . . .

وان شاء الله مافي اي احباط بس قههههههر . . واللي بهمتو بيوصل ان شاء الله لو اش ماصار . .

بس بلأول وبلأخير لازم يكون فيه اعتبار للطالب . .

يعطيك الف وخمسية وخمسين ونص عافيه على ردك وصراحه رأيك فوق راصي . . . هو الصح بس يبقى فيه اخطاء مانسكت عنها . . .

اشكركـ بعمق على ردك وعلى اخلاصك في الرد على الأعضاء ومشاكلهم والأجابة على أسألتهـــم ...

دمت بهاذه الروح الطيبه الطاهرة اللتي تحب الخير للناس . .

mnmoOooOn الله لايحرمنا منك ومن قلمك . .

[صفاء الحازمي]

السلام عليكم
انا بصراحه ماحضرت الزحمه اللي صارت لاني جيت متاخرة اصلا ع الساعه 9 >> ضيعت الطريق
ثاني شي انا معاكم في انوو المفروض يحطوا لوح ارشادات لانوو مو الكل يعرف اماكن المباني وكذا
انا مثلا جيت متاخرة وفوق هذا كلو ادور ع المبنى اللي يخابروا فيه لا وكمان لما شافوونا متاخرين > مو انا لوحدي متاخرة بنات كثيييير كانو معايا متاخرين
قالوا المفروض ماندخلكم الاختبار اصلا لانو بدا من الساعه 8 >> ماعرف هذا كلامهم
وع المراسيم هما وزعولنا في القاعه
بس المشكله كانت في ايش ان اختبار الليسينينغ كان بسماعات عادية وصوتها مو عالي مرة غير باقي القاعات يقولوا احمدوا ربكم لانكم متاخرين المفروض اصلا ماندخلكم الاختبار
وبــــــــس
الله يعين وبعدين كمان انا علمي وحطوني مع الادبي ولا احد نادى وقال بنات العلمي في قاعه لوحدهم ولا شي

[Joda Majed]

انا ضيعت البوابه ههههههههههههههههه

وجلست الف في الجامعه الين ماتعبت وكنت برجع البيت

بعدين قلت بدخل مع الشماليه ورحت ودخلت فعلا ,,

وكانت الساعه 9 يعني داخله متأخره عن الاختبار بساعه كامله

وحمد لله مالقيت اي عائق في طريقي الحمد لله وبسرعه من اول ما وصلتني القلف كار ع المبنى

دخلت استريت ع القاعه قابلتني وحده قلت لها انا ادبي ابي ادخل الاختبار قالت لي استني اشوف لك قاعه فاضيه ,,

وفعلا ع طول لقيت ومن حظي كان المسجل خربان فيها وبدو ع الـ Reading ع طول

وخلصته سريع الحمد لله وجلست عشر دقايق وجابو مسجل تاني وحليت سريع والله

وثالث وحده سلمت الورقه انا ,,

صح المسجل كان صوته واطي شوي بس لو ركزتي فيه والله تسمعين والاسئله جدا تافهه

ماتحتاج حتى ثواني تفكير فيها الاجابات مرررررررررررررا صريحه واضحه ,,

مادري انا يمكن هادا تسهيل ليا من ربي ودعاء ماما ليا لانها مرررا كانت خايفه اني مادخل ويروح عليا الاختبار ,,

بس يلا حمد لله انو عدا ع خير ,,

[محمد باوزير]

والله صادق

حتى انا يوم جيت سألوني بطاقتك قلت في مرسام قلت ما جبت قالي الراجل الشايب برا

عصبني وجيت صرخت وكان الطريق جدآ زحمه طيب ايش اسوي وروحه ورجعه

والله جا قعدني في قاعه انا وكم واحد الين ما جابو لنا مراسم

والمهم دخلت الأختبار


طيب جامعه بكبرها ما تجيب مراسم

انا الخطه ب

ورحت كل المحاضرات بس مافي احد

امس رحت 73 كان عليا انجليزي بس قالو مافي اليوم كويس قالو

ورحت بعدو مبنى 44

الدنيا حوسه

وصراحه يا شباب الي جاي اليوم يبلغني برساله خاصه او حتى نتواصل بالأرقام ونسوي قروب

ترا التعاون لازم وفي النهايه كلنا اخوان

ياريت احد يتواصل معاي من الخطه ب ممكن نتقابل في الجامعه

[Ghadeer A]

على الاقل كلكم كنتو عارفين شي اما انا والله ماكنت عارفه ولاشي حت ماادري انو في اختبار تحديد مستوى ولاني مو من جده اصلا ماعرفت مكان الكليه رحت الكلية اللي في الفيصليه اللي هيا اصلا للعلمي ولمن رجولي اتكسرت وانا امشي وانحرقت من الشمس قالتلي وحده انو انا اصلا مو هنا ولمن خرجت ودورت على الكليه التانيه صارت الساعه 9 ولمن وصلت وجلست اسال وقالولي ان في اختبار ولمن دخلت مافهمت ولاشي المفروض كانو يشغلوا البورجكتور لا هما ايش عملوا شغلوا الاب توب والسماعات طبعا احنا محنا سامعين شي وانا ماحليت حاجه المهم لمن خرجت الحوسه الحقيقيه مني عارفه اروح البيت والا اجلس والا ايش اعمل اروح اسال وحده اقولها في دوام يعني استازه اعتقد تقولي والله ماادري بس اعتقد انو فيه يعني انتي استازه او مين ماكنتي ماتعرفي ازا في دوام والا لا ازانتي مااتدري مين يدري يعني؟؟ والله من جد مااحد عندو استعداد يساعد احد والبنات متجمعين كاننا ضايعين ولا فيه احد معبرنا يعني ظلم لابعد الحدود الله يسامحهم بس

[محمد باوزير]

الله يكون في عونكم يا البنات

خذي نصيحه مني وابدأي في الأسبوع الجاي

لأنو اغلبيه البنات كذا

وهذا الاسبوع اتعرفي ع المباني

[ana-vip]

ما شاء الله ماقصرتوا

بس لاحياة لمن تنادي كلو ولا قهرك تدجي تتلطع من الساعه 8 وبالنهايا والله مافي آآآه بس