الى طلاب الانتظام والانتساب ادراة اعمال تسويق

[abunowaf]

المشاركة الأصلية كتبت بواسطة دانــــة واخيرا لقيت تجمع لاداره اعمال تسويق طيب ممكن سوال متى دوامنا وقتنا يكوون مثل السنه التحضيريه بعد الظهر بليزز جاوبونى؟؟ادري سوالي غبي بس حابه اعرف وجدولي لسى مانزل

ماني عارف ايش تقصدين بدوامنا والأنتساب مالهم دوام اذا كان قصدك على الدورة التأهيلية فطبيعي انها تبدا من الساعة 5 عصرا وحتى 11 ليلا هذا بالنسبة للطلاب والجدول اذا تم التسديد قبل وقت كافي ولم ينزل الجدول ((يعني يجب اعطاءهم فرصة من 3 ايام الى اسبوع )) اذا لم ينزل بعدها فأبعثي بمعاملة عن طريق الأودس للجامعة والله ولي التوفيق

[rahal500]

المشاركة الأصلية كتبت بواسطة الحب الخالد يعطيك العافيه اخوي وربي مادري وش اقولك ا الله يجزاك خير ادري طفشتك بكثر اسئلتي بس وش نسوي جامعتنا ضايعه وضيعونا معهم سوالي الساعات المسومح لي كحد ادنى وحد اعلى للحذف والاضافه كيف ع حسب المعدل؟؟ وتحياتي لك ياغالي

لا ولايهمك بأفيدك باللي أقدر عليه

أكيد على حسب المعدل اذا كان فوق ال3 تقدر تنزل 18 ساعة واذا كان تحت 2.75 اكثر شي 15 ساعة اما اذا عندك واسطة تقدر تنزل حتى 25 ساعة

[الحب الخالد]

يعطيك العااافيه اخوي rahal500
ولا خلا ولاعدم


تحياتي لك

[فهد_الرياض]

صباح الفل..

ياليت أحد يفيدنا بخصوص الكتب والمؤلفين
بالماد التالية:

مبادئ المحاسبة acct 101
القانون التجاري bl 211
مبادئ الادارة bus 101
تحليل كمي(2) econ 204
اللغة العربية(2) arab 201

للجميع، وافر الشكر والتقدير

فهد،

[دافور الشمال]

للرفع

[سالم الاوصاف]

السلام عليكم ومساء الخير لكل الزملاء
نتمنى يكون عندنا قروب خاص للتسويق لفائدة الجميع

[الأزرق]

وين الاقي مفردات المواد؟ اللي يعرف لا يبخل علي؟

بالتوفيق...

[فهد_الرياض]

وينكم ياشباب التسويق؟

[Francesco82]

السلام عليكم ورحمه الله وبركاته هلا وغلا فيكم يا اخوان
بالنسبة للاخوان والاخوات اللي في المستوى الثالث والرابع ضروري جدا انكم تشدو الهمة والعزيمة لانها بصراحة وعلى حسب قناعتي وخبرتي السابقة فيها اصعب مرحلتين في الجامعة بالنسبة لكلية الادارة والاقتصاد مسار إدارة اعمال بالرغم من سهولة بعض المواد لكن كثرة النظريات بالنسبة لمادتي القانون التجاري ومبادئ الادارة تخليها شوية صعبة الحفظ لكن القراءة مع التركيز أفضل لطريقة للتغلب على كثر الكلام اما بالنسبة لمادة الثقافة الاسلامية 201 فهي في نظري أسهل من 101 وبالنسبة للمحاسبة acct101 تعتبر متطلب فا لازم تاخذها وانا اشوف انها جدا سهلة بس تحتاج منك حضور الدورة وتلخص كل اللي يكتبه دكتور المادة او انك تجتهد وتجيب لها مدرس لانها بصراحة من غير مدرس ما راح تفهمها خصوصا انها مادة جديدة عليك وحاول يا اخي انك تحل أمثلة كثير عشان تستوعب اللي تذاكره وركز على اسئلة الترم اللي قبله لانها دائما تكون مشابهة بس تتغير في الارقام وفي برضو معلومة حابب اوضحها في اخر الكتاب المقرر فيه اسئلة واجوبة راجعها تمام قبل ما تدخل الاختبار لان فيها اشياء كثير تجي في الامتحان.

بالنسبة لمادة econ 101 زي السهل الممتنع تحسها سهلة لكن مِشكلتها دايما في اللي يحط الامتحان عموما التركيز على البابين الاولى والثاني النظري يجي منه كثير والرسم البياني أهم مافي هذه المادة وتقدر تستفيد اكثر لو تشتري المساعد في الاقتصاد الجزئي راح يشيل الخوف لو ذاكرته تمام.

بالنسبة للتحليل الكمي لو كان الدكتور حقها الأستاذ عبدالله قربان تركستاني فا اضمن لكن النجاح والدرجة الحلوة لان اغلب المادة يركز على المسائل الرياضية ومافي شيء نظري ونصيحة مذكرة هاني عرب للتحليل الكمي جدا طيبة واتمنى لكم التوفيق اخواني.


على فكرة الاخوان والاخوات اللي متخصصين إدارة أعمال مسار تسويق راح يحسو بمتعة المسار هذا في المستويات القادمة باذن الله تعالى من خلال مواد التسويق وسلوك المستهلك واتصالات تسويقية وقنوات التوزيع وادارة المبيعات وبحوث التسويق والتسويق الدولي.

[tiger21]

المشاركة الأصلية كتبت بواسطة الحب الخالد مبادى محاسبه قانون تجاري تحليل كمي 2 مبادى اداره مبادى الاقتصاد الجزئي ثقافه اسلاميه

اولا اقولك الله يوفقك ان شاءالله وتعديها كلها المواد ،،
طبعا للمعدل اكيد راح يرتفع اذا جبت درجات مرتفعه وخاصة
في المواد ( 3 ساعات ) وعن طريق الاوديس تقدر تحسب
معدلك تجريبي وتعرف كم الدرجات اللي لازم تجيبها عشان
ترفع معدلك ان شاءالله وزي ماقال فرانسيسكو المستوى الثالث
والرابع من اهم المستويات لانها تحدد بشكل كبير معدلك لباقي الاترام ،،

بالنسبة لموادك القانون التجاري والثقافة والادارة كلها مواد
نظريه وزي ماذكر احد الاخوان اقراها بتركيز عالي وحاول
انك تفهم المكتوب اكثر من حفظه ،،
طبعا القانون التجاري فيه اشياء حفظ ومذكرة هاني عرب راح تفيدك
كثير في القانون التجاري بس لايغني عن الكتاب باي حال من الاحوال ،،
يعني تخلي المذكرة للمراجعة ،،

بالنسبة للمحاسبة حضرت الدورة عند الدكتور مجبور النمري وبصراحة
فهمت منه كثير والاهم في المحاسبة تعرف المدين والدائن ولاتلخبط بينها
وكمان تفهم الترحيل ودفتر اليومية وهي سهلة بشكل عام بس المهم تفهمها
وتحل امثلة كثير مع نفسك وراح تسهل المادة ان شاءالله ،،
لانه فهمك للمحاسبة 101 راح يسهل عليك 102 كثير جدا ،،

الاقتصاد الجزئي نفس الشي للمحاسبة افهم اكثر من انك تحفظ لانها زي ماقال
احد الاخوان ( السهل الممتنع ) عن نفسي تعبت مع المادة بس الحمدلله عديتها
على الحافة لاني اخذتها مع محاسبة 102 وتحليل كمي 101 ورياضيات واحصاء
خمس مواد كانت ثقيله لكن عدت والحمد لله ،، يعني اذا ركزت راح تسهل عليك
ان شاءالله ،،

التحليل الكمي 204 نزلته الترم ذا وان شاءالله نعدي المادة كلنا ونبارك لبعض نهاية الترم
لكن اذا كان نفس نظام 114 نختصر السالفة على الفهم وحفظ القوانين ونحاول
نحل مسائل كثيرة

من ناحية الحذف والاضافة ،، نزل ملخصات المواد من مكتبة هاني عرب واطلع
على الملخصات بنظرة سريعة ومركزة وشوف هل تقدر تآخذ جميع المواد او انك تحذف
مثل المحاسبة والتحليل او الاقتصاد الجزئي وتنزل مكان المادة المحذوفة مادة نظرية ..

ومن وجهة نظر شخصية لو تبدأ تذاكر من الآن وتركز على المواد لاتحذف ولامادة
لان باقي في المسار مواد أخرى لها اهميتها هي ايضا ،،



آسف على الاطالة مع كامل ودي وتقديري ،،