بنااات اللي رااحو اليوم الدورة ( خطة أ )

[Ro0ose]

للرفع

[تسالي]

والله صار لي نفس الشي وتأخرت على اول محاضره الرياضيات بس دخلت والحمد لله ما فاتني كثير بس عن جد الزحمه كانت قاتله

[yanaso.3alya]

أنا الحمدالله حضرت كل المحاضرات رغم انو كان زحمه بس قدرت اوصل قبل المحاضره

اخدت لغه عربية مع استاذه مافهمت اسمها بس شرحها كان مره حلو
وقالت انو من الجلده للجلده وداخله معانا المقدمات للطبعتين الاولى والثانيه

بعدين اخدنا رياضيات مع دكتورة وفاء بركاتي
هي كويسه بس كنت مو مركزه مدري ليه
يمكن عشان انا والرياضيات مو اصحاب
وقالت لازم تحفظوا جداول الضرب من اليوم

والانجليزي كانت دكتوره نائله ماشاءالله عليها كانت ممتازه
يعني المعلومه غصب عنك تدخل في عقلك لو كنتي مركزه
وبس دا اللي اخدتو اليوم

وبالنسبه ليا انا دخلت من بوابه 16 من الجامعه
وبعدين رحت بوابه غربيه 2 زي ماقالتلي اختي تسالي

تسالي قوليلي ايش سار معاكي

[ام حموووود]

لالالا جدول الضرب بعد هالعمر ماتخيل ؟؟؟؟
الله يعطيك العافيه يارب

[sky22]

تسالى ايش سويتي اليوم بالتفصل الممل وايش صار على الكتب خلاص اتوكل واشتري ؟؟

[سـجـايـا]

طيب اللي حضرت الرياضيات والانجليزي ايش الكتب اللي قالوا عنها الاستاذات

عشان اشتريها بكره

[منيرة عبدالعزيز]

ألحين سؤال ممنوع ندخل الألة الحاسبة في الامتحان ؟؟؟؟؟

[Salha]

مرآآحـب

سجآيا , كتاب الرياضيات اسمـه مبادئ الرياضيات وتطبيقاتها للتخصصات النظريه ( الطبعه الثانيه )

منيره عبدالعزيز , الالـه الحاسبه احنا استاذتناا قالت ممنوع ونحفظ جدول الضرب
شفت وحده من البنات بالمنتدى تقول استاذتهم سمحت , يعني الظاهر انها تختلف من استاذه للثانيـه
عموما هو بس ترجعي تزاكر ي جدول الضرب وخلآص , مافي شي صعب ن شاء الله , والاسئله اختيارات

موفقـين ,,

[من خيوط الحرمان أنسج صبري]

أختي Ro0ose ولا يهمك تتعوضك
لكن خلي شعارك " اصل متأخراً خير من أن لا أصل " - والله يوفقك لكل خير

حتى انا حضرت محاضرة الرياضيات متأخرة
و الله يعين بنات الأبي الي مثلي ! والي مو اصحاب مع الرياضيات
الاستاذة طيبة و تشرح من قلب
بس لازم تكوني في الصفوف الأمامية عشان تستوعبي اكثر
وكمان عشان الاستاذة تعرفك

الثقافة الإسلامية
الاستاذة قالت مافي حذف كله معاكم
واسئلة الاختبار ( صح و خطأ ) و اختياري
يعني مافي حفظ ادلة بس وجه الدلاله

الانقلش
شرح الاستاذة كان رائع بس ما تكلمت عن الاختبارات

و نصيحة مني للكل الي يقدر يحضر الدورات
حضروا المادة قبل ما تروحوا
حتستفيدوا جدا ً جداً
و تكوني مركزة مع الاستاذة

وفقنا الله و إياكم لكل خير
وعذرا ع الإطالة

[فارسة الحب]

المشاركة الأصلية كتبت بواسطة ro0ose طيب مبنى t09 وين موقعه ؟؟

حبيبتي هدا مبني 9 ويكون استاذ الي يعطيكي الماده الي عليكي الانه كل مبنى 9 دكاتره الي يعطو مو دكتورات

ان شاء الله قدرت افيدك