-->آجمل مافي المشاعر..تكــتـبك آبيات وقصايـــد <--

[ليال...]

إختصار نهاية اللي ببتديه :
...........حب غيرك والله إن مابه حلا
إنت تسمع للعواذل قول ! إيه
........ياحبيبي آصل هذولا آعذلا
"الخلا" كلمه وتنطق للسفيه
.........والعواذل "مالهم إلا الخــلا"
يابداية حبنا اللي بنتهيه
..........ياحبيبي مل قلب ٍ ماسلا
في بداية حبنا نحرص عليه
.......ومن تشدد حرصنآ جانا بــلا ...!

[ليال...]

عمري غلط كله وياكثر ماخطيت
..........وياكثر ماكثر من خطاي ظلموني
لو ماترجى رحمة الله توفيت
.........من كثر مافاض الندم من عيوني
كان القلوب بيوت ماعاد لي بيت
...........يالغربه اللي ماتعيشين دونــي

[ليال...]

طموح طفل..

قضى "عمر الطفوله" ماحلم في كسرت البسكوت
........ولا إهتموا به إهله : لن عيبه إوسط إخوانه
مضى خامس ربيع من الطفوله مالبس له بوت
.............تعود يضرب أطراف الثرى بآقدام حفيانه
يشكل بالحصى والرمل قرية من ثلاث بيوت
................ويضحك للبروق وتضحك الغيمه على شانه
طموحه في حياته لعبة تمشي على الريموت
...................لو يضحي بدمه من وريده لين شريانه
دخل سن البلوغ ولا شراها والسنين إتفوت
................ولكنه عشق عبدالحليم وجاب شرطانه
آسره العندليب إبرقة إحساس ونبرة صوت
.................تخلي كل عين بالدموع الزرق غرقانه
كبر والحلم كبر وقامة الدنيا تشوته شوت
..............خذت منه البراءة وإعطته جرحه وحرمانه

[ليال...]

شيـــن المواصــل من "ماسنجر لجوال"
........ وزين التواصــل بين" إحاسيس وشعور "