استفسارات طالب محول مـــــــــــــــــــــــــهـــــــــــــــــــــــ م

[Eng.alone]

على فكرة يامهندس المدينه داه الشيء بيرجعلك اذا انت جيء هنا للدراسة تعال ام تجي وتلعب وتخرب على نفسك لاتجي .

الفررررررررق كبير بين هندسة طيبة وهندسة جامعة الملك عبد العزيز.

وبالنسبة لسكن في دحين تجديد للسكن والمطعم كويس والبقالة كويسة نوعا ما الكفتريا كويسة تسد الجوع والحمد لله .

السكن كووووويس .

[Eng.alone]

انت من قسم الكهرباء صح في جامعة طيبة.

[مهندس الزعيم]

انا طالب هندسة وساكن في السكن :
وانا ابكلمك فقط عن سكن الجامعة ..
طبعا السكن موجود في خارج الجامعة في حي ابرق الرغامة .. قريب من الجامعة .. يعني مشوار ابو 10 دقايق ..
شوف انا في المباني الحالية توجد غرفة واحدة على شكل مربع 7في 6 يوجد داخلها حمام الله يكرمكم 3.5 في 3 الغرفة يكون فيهاطالبين وبعض المباني يجبرن ان يكون فيها 3 طلاب نت ..
الخدمات :
- يوجد بوفيه واحد اسمه بوفيه ابو جمال اغلب الطلاب ياكلون منه لكن انا مستحيل لانه عزفته بالعامي ...البوفيه تقريبا شغال للساعه 1 بالليل ويفك بعد الفجر...
- يوجد بقالة انا حاس انهم نصابين لان الاسعار احس انها تختلف عن الاسعار اللي برا
يوجد مغسلة ملابس غسيل وكوي اي ثوب بريالين ..
يوجد مقهى نت > لكن والله النت عنده زفت وضعيف والاجهزة قديمة
يوجد ملعب كرة قدم كبير للطلاب يلعبون فيه الطلاب تقريبا يوميا
توجد صالة بلياردو وتنس اللعب مجاني > لكن ما تعرفلهم يوم يفكون واسبوع ما يفكون
يوجد مطعم مركزي في السكن > يعني مطعم تاكل منه بتذكرة تذكرة الغداء 5 ريال والعشاء اظن ب4 ريال > المطعم جدا سئ لكن وقت الزنقة مالنا الا هو ...
يوجد مسجد واحد لكن المشكلة الميكرفوات مي شغالة برا يعني تكون جنب المسجد ولا تسمع الاذان الى درجة الى ا صلوات كثيرة فاتتنا والسبب ما نسمع الاذان ..المسجد تقام فيه صلاة الجمعة ..
- توجد بوابتين للسكن واحدة امامية والاخرى خلفية ... طبعا ممنوع دخول السيارات الى داخل السكن .. تدخل السيارة في حالة ان معاك عفش بتنزله او بتاخذ عفش من غرفتك ..
- في بعض الاوقات تكون زحمة برا يعني ما تلقى مكان توقف فيه سيارتك برا السكن الا بعيد عن السكن ..
-ممنوع ادخال الدش للغرفة > هم يمنعون انك تدخله لكن يقولون اذا دخلته بطريقتك الخاصة ما نجي ونشيله .. يعني المشكلة في تدخيل الصحن والعامل ... بعدي ما يكلمونك ولا يسوون شئ .. بس صحن دش وعامل ما يمر من عندهم
نت وايرلس ما فيه > يعني الله يعينك تشتغل على الجوال نت او موبايلي نت ... لكن ذحين اغلب الطلاب ماخذ مودم يشتغل على ابراج الجوال تحطه في الشباك وتدفع 200 ريال شهريا للاتصالات ونت مفتوح وتخلي 4 طلاب معاك يقطون ..
-الغرفة يوجد بداخلها مكيف وسريرين نوم ومخدات ودولاب ملابس كبير وطاولتين وكرسيين للكتب ... الغرفة غير مفروشة .. بس اكيد ان بيحطونك مع واحد مجهز غلرفته لا ما فيه غرف جديدة فاضية

- توجد ثلاث مباني تحت الصيانة تقريبا اثنين منهم خلصوا او قرب يخلصوا .. لكن المشكلة فيها انهم غيرو نظام الغرف فيها بحيث قسمو الغرف القديمة كل غرفة الى غرفتين والغوا الحمام الله يكرمكم يعني كل غرفة فيها فقط طالب واحد .. ويوجد بالغرفة مكيف وسرير واحد ودولاب ملابس الغرفة تقريبا مساحتها 6 في 3.5 بس تحسها جدا ضيقة بوجود السرير والدولاب .. لا يوجد في الغرف الجديدة حمامات الله يكرمكم .. وانما توجد حمامات مشتركة في نفس الدور تقريب كل دور فيه 6 حمامات مشتركة وكمان يوجد مطبخ مشترك في في كل دور .....
نظام الغرف الجديدة جدا لم يعجبني ....
- بالنسبة للمويه تنقطع احيانا وتاخذلها 10 ساعات وترجع
- الكهرباء نادرا ما تنقطع ..
- توجد باصات امام البوابة تتحرك كل 15 دقيقة من الساعة 7 الصباح الى الساعة 10 بالليل تروح لها مسار خاص تروح للجامعة عن طريق حي السليمانية ( يعي اذا تبغى شئ من برا تروح بالباص ) وتصل الى موقف الباصات اللي في الجامعة ... طبعا في مسارة يمر بمباني الجامعة اللي غالبا فيها محاضرات ... ومن موقف الباصات اللي في الجامعة يتحرك كل ربع ساعة باص ايابا للسكن ...... وهكذا

وبالتوفيق ان شاء الله ...

[مهندس الزعيم]

صح ونسيت اقولك ان السكن موبلاش
تدفع 1000 ريال كل ترم مع 500 ريال تدفعها في البداية تامين ويردون الــ500 اذا تركت السكن ...
وتقدر تخلي انهم ياخذو الــ 1000 من المكافاة بحيث ياخذو ها في ثلاث شهور 350 350 300 او 250 250 250 250 في اربع شهور
واذا ما دفعت الــ 1000 هم بنفسهم يسحبونها من المكافاه ..

[مهندس المدينة]

شكرا للاخ مهندس الزعيم وللاخ Eng.alone
وانا اول لسه المستوى الاول لسه ماتخصصت لاكهربا ولا شي