ملخصات للعربي والثقافة ومواد اخرى

[فيصل66]

السلام عليكم اخواني في التعليم عن بعد

انا جار لكم في الجامعة لكني قسم انتساب..دخلت قسمكم ابحث عن ملخصات للإنجليزي north star لكن ما اعتقد ان هذا اسم كتابكم

المهم عرفت ان بعض الكتب عندكم مثل الي عندنا وفي قسمنا قسم السنة التحضيرية انتساب قسم الملخصات فيه نماذج اسئلة وشرح لأغلب المواد
http://www.skaau.com/vb/forumdisplay.php?f=142
هذا هو الرابط اذا بغيتوا تستفيدون منه

ودي اعرف كيف طريقتكم في المذاكرة.. احنا في الانتساب يحددون لنا الكتاب كامل ونذاكرة بنفسنا يعني الجامعة ما تعطينا محاضرات ولا تحديد ولا شي..

انتم هل لكم محاضرات او شي محدد من الجامعة اتمنى تفيدونا؟؟

اخوكم:فيصل66..

[yan220]

الاخ فيصل
كل يوم لنا ثلاث محاضرات الا يوم الاربعاء واحدة فقط تبداء من العصر لمدة اربع ساعات وعشرين دقيقة
كلها عبر النت مثل غرف الدردشة الصوتية بس خاصة بالجامعة والدكاترة وتحاور وتسأل الدكتور افضل مما كنت عنده

[فيصل66]

تسلم اخوي على الرد ..

يعني كلها صوتية ..ومافيه روابط شرح او ملخصات عشان تراجعون منها؟؟

إذا كان عندكم ياليت لو نقدر ناخذها ونستفيد منها لأننا والله مره ضايعين تخيل بس الاستاذ يقولك كل كتاب الانجليزي معاك يعني ما يتعب نفسه بشرح او نماذج اسئلة او اي شي!!

اغلب المواد نشوف الدفعات السابقة ونحاول نجمع منهم شوي معلومات لكن الإنجليزي مره حايسين فيه..

فياليت لو تخدمونا..

اخوكم:فيصل66

[طالبه متوتره]

اهو على حسب الدكتور اللي يدرسكم يااخوي

احنا فيه بعض الدكاتره مثل الحااسب راافضه اننا نذااكر من الملخصات او الايميس لازم الكتااب وفيه طبعاً ناس وانا منهم

اسجل المحااضرات واذا فيه احد تعرفهم نفس الخطه حقتك او يدرس مع نفس الدكتور اللي يدرسكم خله يعطيك تسجيل

المحااضره اذا كنت مااتقدر تحضر معهم وبكذا تستفيد ويتسهل عليك مذااكرة الكتب وانت خلك مع الدكتور واسئله اذا اي

شي ماافهمته اذا صار منك الاهتمام صدقني يستحي منك الدكتور وبااذن الله يعطيك

معليش كثرت كلام بس حبيت افيدك عشان مااتضيع في الاختباارات وعلى فكره بعض الدكااتره مثل الثقاافه والانجلش

ينصحو بالملخصات فقط للمرااجعه انت اسال وشوف اذا واحد من الشباب زيك بس تعليم عن بعد وان شاء الله مااحد يقصر

معاك وبالتوفيق للجميع ياارب

[فيصل66]

اختي عندنا الأنتساب غيركم ..يعني ما اشوف دكتور ولا اسئلة ولا شي محدد لي.. كتاب واذاكره وخلاص..وكل الخطة الأسئلة نفسها وما عندنا محاضرات في النظام مثلكم ولا شي..يعني انت دبر نفسك وذاكر وتعال اختبر..

اغلب المواد فيه شرح من طلاب في السنوات السابقة لكن الإنجليزي جديد هذي السنة وما اعرف مثل كتابكم ولا لا..اسمه ((نورث ستار))والكتاب كامل معنا!!

فإذا كان مثل كتابكم والجامعة موفرة لكم شرح او ملخصات او نماذج اختبارات فتسون فينا خير ((قسم الإنتساب)) إذا اعطيتونا هي..

جزاكم الله خير..

اخوكم:فيصل66

[bshayr]

اهلين
اول شي لا تتحس مرا وتاخذ بخاطرك هههههه بي ايزي
ثاني شي كتابنا مو زي كتابكم وكان ودي اساعدك

لي رجعه ان شاء الله

[فيصل66]

تسلمين اختي.. طالما الكتاب مختلف يعني ما اقدر اخذ ملخصات منكم مشكورين ما قصرتوا..

طيب انتوا ما تحتاجون ملخصات او نماذج اسئلة القسم عندنا مليان منها

ودي اعرف المناهج المتشابهة بيننا

العربي والثقافة نفس الكتاب..

الرياضيات والحاسب ايش اسماء الكتب المطلوبة منكم؟؟

وجزاكم الله خير

أخوكم:فيصل66

[Budoor]

اخوي فيصل صح هم زي ما قالوا لك الكتاب تختلف
بس انا سمعت معلومة ويمكن تكون صح ان في محاضرات مكثفه ممكن انت تستفيد منها بالجامعه قبل الاختبارات
بس مو متاكدة من المعلومه ممكن انت تتاكد مع الجامعه
وبالتوفيق يارب