رأيكم يهمني...هل ينفع ادرس هالمواد مع بعض.....؟

[مدير إقتصادي]

السلام عليكم ورحمة الله

أنا أخذت المواد هذي المستوى الماضي وراح أعطيك رأيي وتجربتي

مادة المحاسبة 101 حلوه وشيقة واذا كنت لك بالأسهم تنفعك جدا وتمكنك من قراءة مابين السطور لتحليل وضع الشركات المدرجه في السوق تحليلا أساسيا

مادة الاقتصاد الجزئي اذا كان كتابها مازال نفس الكتاب اللي درسته أنا ( اللي مؤلفه ماجد المنيف ) فهو بصراحه حلو وشيق ، لكن المادة يبغالها روقان وتركيز كثييييييير لأنها تلخبط شوي و اخذت مني مده طوييييله الين فهمتها

مادة التحليل الكمي مالقيت لها كتاب لكن مذكرة هاني عرب جيده ولو أن فيها بعض الأخطاء الاملائية والحسابية

القانون التجاري مادة أعجبتني مرررررره حلوه ولذيذه حتى في حياتك العامه

مبادئ الادارة كتابها كبير جدا ولازم تقرأه كاملا ومشكلتها ان الاختبار جاء 100 سؤال والوقت 90 دقيقه يعني مافي وقت للتفكير أبدا عشان كذا لازم تكون فاهم المادة مزبووووط

أنا شخصيا لا أنصحك باضافه كل هذي المواد لييييييييش ؟؟؟؟ أنا أبقول لك ليش

الحين باقي على الاختبارات حوالي شهرين ونصف وهذي المده من وجهة نظري قليلة اذا كنت بتنزل كل هالمواد خصوصا اذا كنت تعتمد أساسا على الكتب

أما اذا كنت تعتمد على المذكرات يمكن يكون وضعك مختلف من ناحية الوقت

الخلاصة : اذا كنت من هواه الفهم انصحك باختيار : المحاسبة 101 و التحليل الكمي والاقتصاد الجزئي و القانون التجاري
ولو كنت من هواه الحفظ اختر : المحاسبة 101 والقانون التجاري ومبادئ الادارة والثقافه الاسلامية