الفرق بين التحويل الداخلي وتقديم طلبات التخصص

[تخصص 13]

السلام عليكم ورحمة الله وبركاته

اكيد بعضكم دار في بالوا بعض الاسئلة عن تقديم طلبات التخصص في الكليات و تقديم طلبات التحويل الداخلي في الكليات ..
الي موجودة في التقويم الجامعي
7 7 7 7
http://www.kau.edu.sa/admission/MAINPAGE/new_cale1.aspx

أمس رحت وسألت وحدة القبول في العمادة
وقالتلي الحرمة ان تقديم طلبات التخصص في الكليات هوا لنا احنا الي خلصنا التحضيري
قالت انتوا دحين تختاروا تخصصكم
ولمن قلتلها ان احنا خلاص اتخصصنا
قالت ايوة يعني الي تبغى تحول من القسم الي هيا فيه للقسم ثاني بس داخل الكلية حقتها نفسها

يعني الي شكلها تقصدوا أن تقديم التتخصص للكليات هو للتحويل داخل كليتك نفسها
والتقديم ورقي من نفس كليتك << على حسب كلامها مع ان في التقويم مكتوب من النت واصلا الاودس مو منزل خانة جديدة للتحويل

أما التحويل الداخلي في الكليات يعني من التحويل من كلية لكلية
<<< مع ان من المسميات تحس المعنى عكس الي الحرمة قالتلي عليها بس مشي حالك .. حالك يمشي

المهم طبعا بعد التجارب من جامعتي الكريمة ماسرت اثق باول كلمة اسمعها لان دائما الاقي طرف اخر ينفيها
فانا كنت ناوية اليوم اروح نفس كليتي واسئلهم بس مع اختباري نسيت الحكاية من الاساس
فبحاول بكرا ان شاء الله واذا قالولي الكلام دا صح حقالكم


إن شاء الله اكون اجبت عن بعض اسئلتكم
و بالتوفيق للجميع
دعواتكم عندي اختبار بكرة

[GOGOANA]

مشكوررررررررررره بصراااااحه أفدتيني مرررره تسلمــــي

لأني بحول من كليــه لكليــه

واللــه يوفق الجميع

[بنت الخليج..]

التقديم للتخصص يعني مثلاً عندكـ كلية الاقتصاد والإدارة في قسم إدارة أعمال، إدارة عامة، محاسبة، اقتصاد، قانون، سياسة و يكون التقديم في نهاية المستوى الثاني وبعد الاختبارات النهائية وبعد مايحسبوا المعدل يحطونكـ بالتخصص على حسب معدلكِ وطبعاً هذا التقديم يكون عن طريق النت وطبعاً وضع التخصصات حسب الرغبات..
لكن في تخصص فرعي وهذا يكون عن طريق تقديم ورقي من نفس كليتكـ يسمى (المسارات)، يعني مثلاً عندكـ مسارات إدارة الأعمال: إدارة الموارد البشرية، إدارة الأعمال الدولية، إدارة العمليات والجودة، نظم المعلومات الإدارية، والتسويق ويكون التقديم في المستوى الرابع وعالمستوى الخامس يثبتون لكـ المسار وطبعاً على حسب الرغبات والمعدل..
وبالنسبة للتحويل الداخلي بين الكليات هذا يكون من نفس الموقع اتوقع على نهاية المستوى تفتح هذه الخانة..
هذا اللي اعرفه عن التخصص والتحويل الداخلي..
تحيااتي،،

[تخصص 13]

المشاركة الأصلية كتبت بواسطة بنت الخليج.. التقديم للتخصص يعني مثلاً عندكـ كلية الاقتصاد والإدارة في قسم إدارة أعمال، إدارة عامة، محاسبة، اقتصاد، قانون، سياسة و يكون التقديم في نهاية المستوى الثاني وبعد الاختبارات النهائية وبعد مايحسبوا المعدل يحطونكـ بالتخصص على حسب معدلكِ وطبعاً هذا التقديم يكون عن طريق النت وطبعاً وضع التخصصات حسب الرغبات.. لكن في تخصص فرعي وهذا يكون عن طريق تقديم ورقي من نفس كليتكـ يسمى (المسارات)، يعني مثلاً عندكـ مسارات إدارة الأعمال: إدارة الموارد البشرية، إدارة الأعمال الدولية، إدارة العمليات والجودة، نظم المعلومات الإدارية، والتسويق ويكون التقديم في المستوى الرابع وعالمستوى الخامس يثبتون لكـ المسار وطبعاً على حسب الرغبات والمعدل.. وبالنسبة للتحويل الداخلي بين الكليات هذا يكون من نفس الموقع اتوقع على نهاية المستوى تفتح هذه الخانة.. هذا اللي اعرفه عن التخصص والتحويل الداخلي.. تحيااتي،،

ايوة اعتقد هو كده

لاني اليوم لمن سالت وحدة الشؤون في الاقتصاد المنزلي
قالولي ان التحويل من قسم لقسم ما فتح لسع وهو غير عن تقديم الطلبات التخصص

وقالت هيا ماهي متاكده اذا حيكون في تحويل للترم الجاي لانهم لسع يبغوا يشوفوا هل في امكانية ان الاقسام تقبل بنات ولا لاء

ومشكورة ع التوضيح

[لوحة مفاتيح..]

طيب يعني مو معناته إنو هذا لنا اللي دووبنا سنة تحضيرية مستوى أول؟


والبناااات يقووللوو فتح ومادري شوو

الله يرجهم هم وإشاعاتهم:)

[تخصص 13]

^^^
لا مو لكم
لسع اصلا بدري عليكم

وأصلا لو كان صح كان لقيتي خانة في الودس لتقديم الطلبات