مجرد طيف

[إحسـ رسامه ـاس]

عوافي يا مجرد طيف أشوفـه مـر قدّامـي ...

.... اصّدق كذبتي بشوفه واصافح بالوهم يمناه

*

عوافي يا السراب اللي سكن في أجمل أحلامي ..

.. سراب (ن) عانقه حلو الأماني و الوله ناداه

*

.. يقول أبقى معي بالحلم يا مستقبـل ايامـي

و داوم في زياراتك و خلك بالوصـل رجـواه

*

تصدق رغم ياقربك أشوفك صرت بأوهامـي

و رغم انّك معي دايم احسك طيف ابي القـاه

*

و رغم إنّي معك أصدق و ناظر بصمة ابهامـي

على كل الكلام بمجمله او ما سبـق فحـواه

*

تحسّسني قبل لا اعيش مـن موتـي باعدامـي

و يسبقني غموضي لك و هذا اللي تبي تقـراه

*

وضوحي ما قدر يوصل وكنّه من ورى لثامـي

و حتّى الطرحه اللي تحجبه عافتـه مـا تبغـاه

*

عجزت اوصل لتفكيرك ولا ساندنـي الهامـي

و كل اللي تشوفه في عيوني لو بغيـت انسـاه

*

خلاص اللي أبي قلته وحتـى جفّـت اقلامـي

و صرت أصّدق الكذبه و طيفك مدّ لي يمنـاه

*

عوافي يالسراب اللي سكن في أجمـل احلامـي

سراب (ن) عانقه حلو الأماني و الولـه نـاداه

مما أسر مشاعري

[الناااايف]

عوافي يالسراب اللي سكن في أجمـل احلامـي

سراب (ن) عانقه حلو الأماني و الولـه نـاداه

تسلم هالمشاعر ياأحساس

[إحسـ رسامه ـاس]

النايف يسلمك
ومشكور على المرور