"بنات أ. أمجاد السليماني & أ. سيدة عنبر(e)<<<تعالو نوروني يا حلوات"

[ماروكو الصغيرة]

السلام عليكم ورحمة الله وبركاته



كيفكم ياحلوين ؟؟؟ إن شاء الله تمام

وكل عام وانتو بخير <<<بدري

الموضوع وما فيه اني غبت يوم السبت والأحد

وحابة أعرف ازا احد حضر ولا لأ ؟

واللي حضرت تقولي اش اخدو ؟ وكيف نسبة الغياب ؟ والبرزنتيشن؟ والكويزات ؟ ووووو... إلخ

ومبنى 13 كيف كان ؟ فاضي ولا مليان ؟ والكلاسات ماشية والوضع تمام ولا كيف؟

يعني كل شي بالتفصيل الموميل

وكل وحدة تقول الليفل تبعها واستازاتها عشان الكل يستفيد

وياليت بنات أ. أمجاد السليماني & أ. سيدة عنبر... يقولولي ايش اللي صار معاهم

لأني ناوية احضر بوكرا بإزن الله وما أبغى شي يفوتني

بلييز ردو عليا أو ارفعو الموضوع عالأقل وبلاش تنطيش

والله يوفق كل من رد على موضوعي

تحياتي

[hallo]

امممم انا كماان عند الكائنتين دوول بس زيك للافس الشديد ماحضرت... يعني شاريه دماغي.. فياريت اللي راحت تتفضل مشكوره وتقولنا ايش اللي حصل بالزبط الزبيط ..

[ماروكو الصغيرة]

هههههههه

حلوة الكائنتين دول

و أخيرا لقيت أحد زيي في دا العالم خخ

يعطيكي العافية عالرد وان شاء الله البنات يفيدونا

الموهيم

يللا يابنات شدو حيلكم وقولولنا اش صار معاكم بالزبط الزبيط هع

[ماروكو الصغيرة]

للرفع

شكلو مافي احد غيرنا يا hallo

[hallo]

هههههههههههههه من جد شكلو كده.. المشكله ما اعرف ولا وحده من اللي معاايا فالكلاس معرفه شخصيه.. ولاكان كلمتهم وسالت ورديت لك خبر ..:

[ماروكو الصغيرة]

^
^
^

حتى انا نفس الحاااااااااالة

نفسي اغير عنوان الموضوع لعل وعسى القى شوية تفاعل

[W.M.B]

هاااااااااااااااااااااااي كيفكم انا من دا الكلاس برضو روحت اليوم وكاعادتنا طنشنا سيده وسحبنا عليها بس مافي بنات كتييير حضرو بس طبعا ضروري بكره تجو لان ترا في الدراسه وكلو ماشي شفلو والاستاذات اذا شافو 5 بنات يعطو ع طول محاضره وياخدوحضور وغياب
بس انتو متى وقت كلاسكم عشان اعرف اذا افدتكم ولا لا؟؟؟

[ماروكو الصغيرة]

اهلييييين حبيبتي w.m.b



كلللللللللوش <<<لاتلوموني ماصدقت

وأخييييرن لقينا احد معانا يا hallo

الموهيم ياقلبي

انا وقت كلاساتي سبت و اتنين و ربوع من 8 - 11

ويوم الاحد والتلوت من 11 - 2وتلت

وعلى فكرة كاني عرفتك اسمك من تلاتة حروف صح ؟؟؟

وحابة اسألك اش سويتو في البرزنتيشن ؟؟؟

يعني أ. امجاد نقصت اللي ما جابولها الموضوع ولا ؟؟؟

ومرررة شوكرن عالرد

[يارب بكره أحلى]

اهلييين يا قمر

انا يدرسوني الاتنين بس عكــــــــــس وقتك تماما ..!!

وحضرت اليوم عند سيدة وكالعــــادة ..!!

من 8 الى 11 .. وخلصت يونت 5 كــــامل ..!! تخـــــيلي ..!!

وقالت لنـــا على اختبار يونت 4 يـــوم الثلوث الجاي ..!!

وعلى الرايتينق الاسيسمنت ..!! ومصيبته ..!!


shEmoO

[ماروكو الصغيرة]

اهلين يارب بكرة أحلى

انتي ليفل كم ياحلوة ؟؟؟ انا ليفل 3

وتعالي هنا قبل ما تخرجي ! اش المصيبة اللي قالت لكم عليها سيدة ؟؟؟؟

اصلا محنا ناقصين مصايب

دوبي طبعت التست بانك تبع الأحياء وجاتني صدمة عصبية نفسية

خلاص ما اقدر اتحمل اكتر من كدا

الله يوفقني ويوفقك يارب