اللي تخصصه إنجليزي شوركم تكفووون الله لايهينكم

[يامن007]

وانا انصحك تساوي استخارة بس براي الانكليزي ماهو شطارة هو قبل كل شي موهبة وحب تعلم وبعدين الجهد بتعلم المادة

ودمتم .....

[.. بيســـان ..]

المشاركة الأصلية كتبت بواسطة فتى الغربه يا سلمان تبغى كلمة ولا كلام لا تسمع كلام فلان ولا كلام علان من غير تجريح في كلام الاخوان الذين ردوا انا بعطيك كلمة ورد غطاها قالها لي دكتور اول ترم نصيحة وانا اقولها لك الحين ما فيه حاجة اسمها مستحيــــــــــــــــــــــــــــــــــــــــــــل في هذا الدنيا واذا انت عندك رغية قوية جدا في تعلم اللغة الانجليزية فتخصص انجليزي وراح تمشي فيها يعني راح تمشي واسئل مجرب بس لازم تقرأ وتشجع نفسك وتقرأ تجارب وسير اشخاص غامروا ونجحوا بعد خسارة انا الحمدلله بدأت تقريبا قريب من الصفر+حب للغة والان من فضل الله اجيد المحادثة والقراء وقليلا من الاستماع علما انني استفدت من دراستي في الجامعة ولا امارس المحادثة الا في الانترنت وليس دائما وصدقني اجازة شهرين او ثلاثة خارج المملكة الا وترجع وانت بلبل بس افهم الاساسيات قبل السفر واضيف لك مقوله فيه طلاب من الزملاء يختبرون معي حريفه في اللغة لانها طبيعة عملهم وبعد الاختبار يرسبون وانا اعدي فيها بتوفيق من الله لان لغتهم بنيتها زي ما يقولوا مكسره مجرد وجهت نظر فقط والاختيار لك

معليش اسمحلي أخوية الكريم .. مو كل الناس زي ( فتى الغربة )
سمعنا ده الكلام كتير .. ما في شيء مستحيل ..
لكن الناس بدأت تنسى الواقع بسبب ده الكلام و تنسى قدراتها الشخصية
و كلام أم حمدان صحيح مليون في المية .. الدكاترة بيعاملونا على أساس احنا ملمين باللغة
حتى رئيسة القسم قالت إنو الجامعة مو لتعليم الانجليزي أبدا

كن واقعي ،،

شخص بيقلك انو ( زيرو ) في اللغة الانجليزية .. كيف تقلو اتخصص و اتعمق فيها

هادا شيء خارج عن نطاق المنطق و الحكمة
اذا انت سوبر فغيرك لأ .. تبغاه يجلس في القسم 10 سنين
اتخيلو ده الشخص في اختبار الرايتنج ولا الريدينج اللي تكون الأسئلة كلها من برة
و لمن يعدي بيقوة يتفاجأ أنو لازم يقرأ روايات و قصص و يحلل الشخصيات و ينقدها لحاله
من دون أي خبرة او تدريب و معاه شهر للمذاكرة ولا اللغويات كيف بيستوعب شيء مناقض
اذا انجليزيته صفر ..

حرام عليكم والله في ناس اتبهذلو في القسم من ورى كلام الكتب و الجرايد اللي ينسيك واقعك
صحيح بالإرادة و الهمة يقدر يوصل الإنسان للي يبغاه كلنا متفقين على ده الشيء
لكن لازم نراعي القدرات الشخصية و سرعة التعلم و الاستعياب احنا بشـــرر
مو كائنات خارقة

اخي صاحب الموضوع ،،

انا الآن في المستوى الخامس و كل الدكاترة بلغونا سواء في اللغويات أو في الأدب
يبغوا إجابات خالية من الأخطاء الإملائية لانو في نطرهم أصبحنا من المستويات المتقدمة
و أيام قبل الجامعة لمن كانو بينقصوا ربع عن كلمة غلط ... ولى ده الزمن
صار ممنوع الكلمة لو فيها حرف غلط بيشطبو عليها
السبب كما قالت الدكتورة : في فرق بين طالب الانجليزي في المعهد و بين طالب التخصص في الجامعة

هل انت مستعد لهذا الشيء بعد سنيتن من الآن ؟؟

صدقني لا مكان للمبتدئين في التخصص
و ينقسمو قسمين

1- قسم أعرفهم شخصيا 7 سنوات في الجامعة لحد الآن
2- قسم تاني بيجتهدو و بيسارعو الزمن لكن مافي رحمة لهم معتمدين عالحظ في النهاية يا يكون اجتهادهم نجّحهم أو يكون مو كافي لسة

قبل أمس الدكتورة قالتلنا
ما في أي تساهل لازم تدفعو ضريبة تخصصكم للانجليزي انتو بروفيشنال

و في النهاية اسمع كلام أم حمدان أول مشاركة لها وبس

[Atyaf]

صراحه ماانصح بالتخصص انجليزي ومشكوره ياام حمدان بس انا اشوف احسن لك مررررررررره ادارة اعمال احسه افضل واسهل وله مستقبل

اهم شي ماتتحطم نفسيا مع الانجليزي

والانجليزي لاااااحق عليه


Thanks