الفيزياء وعلاقتها بالهندسة والطب؟

[Hero of San Siro]

السلام عليكم ورحمة الله وبركاته







لو الموضوع مخالف اتمنى ماتحذفوه لانه مهم بالنسبة لي




ياخوان جبت في الفيزايء 23

والاختبار الاول جبت

13





السؤال هل اقدر اخذ طب ولا هندسة ولا راحت علي


مع العلم المواد الباقية من25 فما فوق والحمدلله



يعني الطب ياخذ النسبة العامة ولا كل مادة لحاله



وشكرااا

[د. أسامة]

عامة

[Glamor Mada]

امممممم.. والله اعتقد يا اخويا انو خلاص راحت عليك الاثنين لأنو حتى لو جبت في الفاينل 40 من 40 رح يكون مجموعك 76 درجه .. الطب طالبين فوق ال 85 والهندسه فوق ال 80 .. بس لا تزعل نفسك يا سيدي عوااافي .
انا نفس حالتك .. الاختبار الاول 15 والثاني 23 ... مشكلة حياااتي هي الفيزيا والمصيبه. انه الطب والهندسه مشترطين درجات عاليه فيها ... ايش دخل الفيزيا في الطب نفسي اعرف !!
الحمدلله انا شاطر بكل شي الا الفيزيا هيا المصيبه خلاص الطب راحت عليا باقي الهندسه نشوف ايش اخرتها مع الاختبار الفاينل..
تيك كير

[شمس الربيع]

شوف هذا الرابط وهو يشرح لك كل شي
http://admission.kau.edu.sa/content....www.kau.edu.sa

[د.الفريدو]

تقدر تدخل طب ان شالله اذا شديت حيلك الترم التاني وحاولت تجيت معدل 5

[شمس الربيع]

المشاركة الأصلية كتبت بواسطة glamor mada امممممم.. والله اعتقد يا اخويا انو خلاص راحت عليك الاثنين لأنو حتى لو جبت في الفاينل 40 من 40 رح يكون مجموعك 76 درجه .. الطب طالبين فوق ال 85 والهندسه فوق ال 80 .. بس لا تزعل نفسك يا سيدي عوااافي . انا نفس حالتك .. الاختبار الاول 15 والثاني 23 ... مشكلة حياااتي هي الفيزيا والمصيبه. انه الطب والهندسه مشترطين درجات عاليه فيها ... ايش دخل الفيزيا في الطب نفسي اعرف !! الحمدلله انا شاطر بكل شي الا الفيزيا هيا المصيبه خلاص الطب راحت عليا باقي الهندسه نشوف ايش اخرتها مع الاختبار الفاينل.. تيك كير

لا ماراحت عليكم في حاجة اسمها بونس انشاء ماراحت

[مراد الجنيد]

والله يا ابو الشباب بالنسبة للطب هو راح عليك بس الهندسة ما اعرف الصراحة عظم الله اجرك

[Hero of San Siro]

ياساتر يعني ...

لاحولا ولاقوة الابالله

طيب اقدر اسحب المادة واخذها في الترم الصيفي ولا؟


بالله ساعدوني ياهوو


الا عنده فكرة ولا شي يوضح لي الرؤيا

[مراد الجنيد]

المشاركة الأصلية كتبت بواسطة د. أسامة عامة

لا يا اسامة الخاصة بيجمعوا الاحياء والكيمياء والفيزياء والانجلش 101 و 102 وتنقسم على 5
اذا جبت اقل من 90 اعتقد انه مافي طب بحكم انو السنه دي الطلاب الدوافير مليان

[مراد الجنيد]

لو اخدت ترم صيفي يعني حكمت على نفسك انه مافي لا كليات صحية ولا هندسة فما عندك الا انك تشد حيلك