النصيب

[ملك المتعه]

(( النصيب))

أبد ماجيت أبارك ولكن جيت باوصّيك..

على الليناويً تدخل بها الليله..مُعذّبتي ..

ترى لولا الظروف اللي عطتك وحدّت محاكيك..

قسم بالله ماتدخل عليها لوعلى رقبتي ..

ولكنّ النصيب اقوى ولاادري ويش اسوّي فيك..

نعم..صارت معزّبتك..ولاصارت معزّبتي ..

كذا شاءت الآقدار تحرمني لجل تعطيك..

كذا لازم عشان تفوز إنت .. أخسر بتجربتي

تراها غاليه جداً .. وتكفى .. والله يخليك

تدللها .. تدلعها.. تنّسيها مصاحبتي

أنا من كثر مااغليها أحس اني بديت اغليك

ولاتسأل بأية حق؟ ولاّ وش مناسبتي؟

لإنك لو بتسألني بتسمع شي مايرضيك

لذا ياخوي لاتسأل ولاتسمع لأجوبتي

أبيك تحطها في داخل عيونك وبين ايديك

وهي دلوعة اعتادت على كثرة مداعبتي

فداعبها شوي شوي حتى تشتهي طاريك

وشاغبها إلين تقول لك: بطّل مشاغبتي

واذا هي مالها خلقك..ولاتضحك ولاتسلّيك

تحمّلها وإسألها: ياعُمري ليه عصبتي

وبالك اسمع انّك يوم تضربها وهي تشكيك

مايحتاج اورّي لك بفن الضرب موهبتي

صحيح انك بتملكها ومعك العقد بالتمليك

وانا عارف حدود الله ومن حقك معاقبتي

ولكن قلّها المجنون وصّاني وهو يعينك

يقول انّه بينتظرك ولو شيّب وشيّبتي

وانا مجنونها اللي مانساها وانت مايمديك

تغطي ذكرياتي في هواها.. وربع تجربتي

أحس اني تماديت بكلامي.. والغضب حاديك

لو انّك في مكاني ماتفكّر في محاسبتي

كفاك اني تركت الليلة اشغالي عشان اجيك

دخلت القاعه برجلي ولاادري ويش عاقبتي

وانا ماجيت اخرّب عرسك الليلة ولاأذّيك

أنا جيتك عشان أخاطبك واسمع مُخاطبتي

توّصى.. وانتبه .. واحرص عليها والله يهنّيك

ترى كل الكلام اللي طّلع من ضيقيَ وكبتي

ولكن ماقدرت انّي أقوله وانت مايخفيك

أخاف انّي إذا قلته تقوم وتقطع رقبتي

.. (( اتمنى ان تنال اعجابكم ))..

[طالبة محاسبة]

كلمات لم ينسجها من خياله وتاليفه
كلمات كتبها قلبه وترجمتها انامله واحمرت عن الموقف عيناه
وحكى الوجه بتعابير الالم والحزن وتكلم الفم رغما عنه لانه مامور بالكلام
كلمات تحكي قصه فراق مؤلمه
اهنئك على نقلها

[ملك المتعه]

للتنويه فقط هذه القصيده من كلمات
الشاعر الكبير محمد الشهري

[:. مآء السمآء .:]

يمنع رفع المواضيع القديمة والتي كان اخر رد فيها قبل شهر إذا كان الرد عبارة عن وجه مبتسم أو كلمة شكر وخلافة إلا إذا كان الرد يثري الموضوع أو الرد باستفسار أو سؤال وليس رد لمجرد الرفع فقط .

،
،،