Oracle-10g DataBase Course

[هشهوش]

سلام عليكم ورحمة الله وبركاته
انا حاب افيدكم كثير عشان كذا قررت اني انزل لكم سلايدات جدا مفيده ومهمه
ذي السلايدات حتتكلم بالتدرج عن شيء اسمه Oracle database administrator
ذا كورس من شركة اوراكل "" الغنية عن التعريف " وكان مدة ذا الكورس خمس اسابيع ولمدة 6 ساعات يوميا
لكن انا حنزل المواضيع حبه حبه عشان تفهم وتتخيل الوضع
عشان تتعلم داتابيس ادمينيستريتور لازم اول شيء تعرف ايش هوا الــSQL
واعتقد بعضكم او اغلبكم يعرفها
لكن ذي المره حتعرفها مزبووط .
انا حنزل الموضوع حبه حبه عشان حجم الملفات كبير + ابغاك تفهم وحده وحده ولا حتتلخبط لانالموضوع مرره كبير
ذي الكورسات عادة تكون غاليه جدا "" فوق 10000 ريال ""

المطلوب منك يا حبيبي حاجتين :
1- انك تصبر ع الموضوع لانه كبير بس مهم وممتع صدقني
2- ابغاك تروح تشتري برنامج oracle database 10g releas 2
اللي جهازو اي كلام ما ينفع
لازم رام كويس اقل شيء ون قيقا والمعالج كوويس
ولمن تنصب البرنامج لازم بشكل معين عشان ينزل مزبوط وما يسوي مشاكل ع جهازك زي التهنيق مثلا

المرفقات حيكون فيها ثلاث حاجات
SQL Fundamentals I
SQL Fundamentals II
Oracle Database 2 Day DBA

الاول والثاني يعلموك sql من الالف الى الياء بالتفاصيل
تحت كل سلايد تلقى تفاصيل اسحبها بالماوس شوووف
قبل ما تبدأ اقر ملف Oracle Database 2 Day DBA
اللي يهمك الان شبتر ون وتووو 1 و 2 فقط
للأسف الملف بالانقليزي لكن اتوقع انكم تتغلبو ع ذي المشكله بطريقة او اخرى
في شبتر ون مقدمة مهمه اقراها وحاول تفهمها حيقلك ايش اوراكل وايش الداتا بيس
في شبتر تو يعلمك كيف تنزل البرنامج بالتفصيل وكل خيار وايش دلالاته

ذي البداية واتمنى انكم تتحمسو عشان انزل الباقي "" الباقي كثير ""
حملو المرفقات البرنامج عليكم تقدرو عن طريق الموقع تحملوه www.oracle.com لكن حجمو مرره كبير "" عاد حقين الافلام بيقولو عاادي ههههههههههه ""
اشتري السوفت وير افضلك oracle database 10g releas 2
2 مو 1 الاصدار الثاني

على العموم لأي سؤال انا جاهز !

[رااايق]

الله يعطيك الف عافية يااخي
هذي الموضوع تبسط الواحد

[dr.yaser]

ياسلام عليك يا هشوش ..

ألف شكر لك على جهودك لمساعدة الطلاب ..

يعني ممكن نعتبر هذي دورة صيفية في الأوراكل ..

متابعين معاك إن شاء الله .. وفي إنتظار الباقي ..

بس عندي لك سؤال كبداية .. إيش مميزات الأوراكل .. يعني ليش ما نركز على ال SQL Server أو MySQL ؟ وهل فهم DBMS واحد يمكنك من تعلم البقية بسهولة ؟؟

[فنـــــــــــــــــار]

أستمر ونحن معك

وفقت

[عاشق البرمجة]

فعلا مواضيع تستحق رفع القبعة


إلى امام أخي هشهوش

[العُمري]

الله يعطيك العافيه .. استمر يااخ هشهوش . محتاجين مثل هذي الدروس في هذا المنتدى والله يجزاك بالخير

[رعبوب السعودية]

الف شكر يابو الهش

ومتابعين

[feel the beat]

Thanks Hashosh
Keep It Up
we are waiting for you and we are supporting you

Regards

[هشهوش]

السلام عليكم ورحمة الله وبركاته
مشكور على مروركم الكريم وردكم الحلوو
بالنسبه لسؤال اخوياdr.yaser
إيش مميزات الأوراكل .. يعني ليش ما نركز على ال SQL Server أو MySQL ؟ وهل فهم DBMS واحد يمكنك من تعلم البقية بسهولة ؟؟

لازم تعرف انه فيه حاجتين لازم تعرفها عندك الداتا نفسها "database"
وعندك DBMS

الاول هيا الداتا بحد ذاتها زي بيانات الطلاب والموظفين ... الخ لكن هذه الداتا اصلا ملفات مشفرره وان شاء الله راح تتعلم مستقبلا اذا تابعت معايا شيء اسمو datafile

اما بالنسبه DBMS عباره عن برنامج يتيح لك انك تتصفح الداتا وتديرها وتسوي مختلف العمليات عليها سوا كان حذف او اضافه او او او

ابسط انواع DBMS هوا مايكروسوفت اكسيس برنامج صغير تدير من خلاله البيانات.. يعني عباره عن سوفت وير + داتا

بالنسبه ليش او ايش الافضل انك تتعلم هل اوراكل او SQL SERVER او My SQL

دائما لمن تتعلم تعلم الافضل والاقوى في كل شيء سوا كان في اداره الداتا او في الاوامر الكثيره الخاص بيها في ادارت ملفاتها او الواجهه اللي تستخدمها " حيكون فيه واجهتين للبرنامج واحد منها عن طريق صفحات نت زي MY SQl انما بشكل اكبر بكثير ووحتلقى نفسك فعلا متحكم بكل شيء مو فقط البيانات انما في المستخدمين او الجداول او الاداء او عمليات backup او recovery وغيرها من الملفات المهمه بجانب ملفات الداتا وحتعرف البنيه التحتيه وايش اللي يسير في جهازك مو بس تحذف وتضيف وتنشىء جداول " (حيكون فيه ملف يشرح مميزات اوراكل بالتفصيل )
الشركات اغلبها تتعامل مع اوراكل ويكفيك انه اوراكل سار لها نظام تشغيل خاص فيها زيها زي اللينكس او الوندوز وهذا شيء جديد له يمكن اربعه شهور
اعتقادي انك لمن تتعلم اوراكل راح تكون الباقي عليك موويه لانه تعلمت الافضل
اتمنى ان الصوره اتضحت لك وانا اشكرك على سؤالك الحلوو !

حاليا افضل انكم تتعلموا لغة الاستعلام الموجوده في كل DBMS اللي هيا SQL واعتقد انكم حتلقو سلايدات كثيره وبالهبل وحتعلمكم كل كبيره وصغيره

فيه معلومه صغيره بس خطيره" اوراكل مصممه انها تشتغل على سيرفرات خاص بيها(لانها تحتاج اجهزة الأداء فيها عالي عشان يقدر يدخل عليها مستخدمين كثير جدا مو مستخدم واحد) مو على جهاز عادي لكن عشان تجرب وتشوف كيف يسير لازم تستخدم جهازك !! "

وتحياتي لكم

[*مستشار*]

طيب فين الشرح يا ابو الهش

تقبل مروري