اللي انقبلو في الماجستير ممكن من وقتكم شوية

[shada_Ak]

عند يشوية اسئلة ياليت تجاوبوني عليها اذا ما عندكم مانع

هل سبق لك وقدمت على الماجستير قبل كدا وما انقبلت ولا اول مره ؟


كم معدلك في البكالوريوس ؟

ايش تخصصك في البكالوريوس؟


هل قدمت على نفس تخصصك في الماجستير او تخصص تاني ؟ اذا تخصص تاني هل التتخصص في نفس كليتك أو كلية اخرى؟( وايش التخصص اللي قدمت علية)


بالنسبه لكليه الاداب او كلية الاداره هل احضرت درجه اختبار التوفيل مع اوراقك او كنت تستنى تسجل في دوره اللغه لطلبه الماجستير ؟


اخر سؤال واللي عاملي احباط

هل في احد منكم تقديره العام جيد مرتفع وقدم على الماجستيرالعام وانقبل ؟؟



و بس خلصت اسئلتي اتمنى تجاوبوني عليها

الله يوفقكم ويوفقنا ويكتبلنا اللي فيه الخير كلنا

[رائدة المستقبل]

عندي شوية اسئلة ياليت تجاوبوني عليها اذا ما عندكم مانع

هل سبق لك وقدمت على الماجستير قبل كدا وما انقبلت ولا اول مره ؟

قدمت الترم اللي فات و لم أقبل والحمد الله انقبلت هدا الترم
كم معدلك في البكالوريوس ؟
4.39
ايش تخصصك في البكالوريوس؟
كيمياء

هل قدمت على نفس تخصصك في الماجستير او تخصص تاني ؟ اذا تخصص تاني هل التتخصص في نفس كليتك أو كلية اخرى؟( وايش التخصص اللي قدمت علية)
نفس تخصصي

بالنسبه لكليه الاداب او كلية الاداره هل احضرت درجه اختبار التوفيل مع اوراقك او كنت تستنى تسجل في دوره اللغه لطلبه الماجستير ؟


اخر سؤال واللي عاملي احباط

هل في احد منكم تقديره العام جيد مرتفع وقدم على الماجستيرالعام وانقبل ؟؟

لا تيأسي و قدمي مرة ثانية و اتمنى لك التوفيق

و بس خلصت اسئلتي اتمنى تجاوبوني عليها

الله يوفقكم ويوفقنا ويكتبلنا اللي فيه الخير كلنا

آميييييييين

[الشامخ101]

هل في احد منكم تقديره العام جيد مرتفع وقدم على الماجستيرالعام وانقبل ؟؟

نعم انقبلت والحمد لله,تخصص علوم

[shada_Ak]

هل في احد منكم تقديره العام جيد مرتفع وقدم على الماجستيرالعام وانقبل ؟؟ نعم انقبلت والحمد لله,تخصص علوم

الحمد لله الف مبروك القبول اخ شامخ

واستنى منك الاجابة على الاسئلة

[shada_Ak]

لا تيأسي و قدمي مرة ثانية و اتمنى لك التوفيق

إن شاء الله المره الجايه

شكرا لكي رائده والف مبروك القبول الله يجعله لكي قبول في الدنيا والاخره

[shada_Ak]

فين البقية ؟

[cute myth]

الأخ الشامخ كيف انقبلت؟
أنا علوم جيد مرتفع وعملت المستحيل عشان أنقبل بدون فااااااااااااااااايدة

[shada_Ak]

اللي انقبلو البقية يلا ياجماع شاركو في الموضوع

[عماد الحسن]

موضوع جميل وممتع ، ويعطي إحصائية سريعة عن الدراسات العليا
فلكم كل الشكر والتقدير أختي الكريمة وهذه مشاركاتي معكم:

ايش تخصصك وكم معدلك في البكالوريوس ؟ تخصصي علوم أحياء بتقدير جيد جداً مرتفع.

هل قدمت على نفس تخصصك في الماجستير او تخصص تاني ؟ اذا تخصص تاني هل التتخصص في نفس كليتك أو كلية اخرى؟( وايش التخصص اللي قدمت علية)؟ قدمت تخصص مختلف هو ماجستير تقنيات التعليم ، وهو يقبل كل التخصصات لأنه ماجستير خاص.

بالنسبه لكليه الاداب او كلية الاداره هل احضرت درجه اختبار التوفيل مع اوراقك او كنت تستنى تسجل في دوره اللغه لطلبه الماجستير ؟ بحمد الله وتوفيقه دخلت اختبار التوفل فبل تقديم الماجستير ونجحت فيه ونفس الشئ للدكتوراه، وأنصح الكل بهذه المحاولة بدلاً من تأجيل التوفل لآخر لحظة والله أعلم بالظروف وقتها.

اخر سؤال واللي عاملي احباط: هل في احد منكم تقديره العام جيد مرتفع وقدم على الماجستيرالعام وانقبل ؟؟نعم أعرف الكثير من زملائي تقديرهم جيد وقبلوا حسب النظام وهذا أمر عادي جداً.

و بس خلصت اسئلتي اتمنى تجاوبوني عليها والله يوفقكم ويوفقنا ويكتبلنا اللي فيه الخير كلنا.جزاكم الله خيراً أختي ووفقكم لما يحبه ويرضاه.

[راسين]

موضوع يزيل الملل الي نشعر فيه ومبرروك لاخوي الشامخ وعقبالنا كلنا الترم الجاي
انا نسبتي 4.69وابغى اقدم ماستر ومرتبكه من ا لعثرات
لكن ان شاء الله نقدم و نتوكل على الله