تشورون اغير قسم انجليزي ؟؟؟؟؟؟وكيف الطريقه

[حمامه بيضاء]

ايوه ابغى لغه اجل ابغى العب كوره كيف مو مكاني ايش التحطيم هذا وليش مايدرسونا ترجمه ايش رح نسوي بالادب هم الامريكان او الربطانين بيدرسوا ادبنا وثقفاتنا احنا وش دخلنا احنا ناخذ اللي يفدينا ونرمي الباقي ليه يخلوا دراستنا عالفاضي ليش يدرسونا شي مارح ينفعنا في حياتنا ليه ييضيعوا قوتنا ويجبرونا على شي لانا مضطرين ندرس ليه مافي تخصصات ليه يحددوا هم اللي يبغون انا


ياربي ريحني من هذي المعمه

[الغلا الطاير]

اذا هما هنا ما بيدرسو لغه اجل ليه ان شاء الله مسمينو قسم اللغه الانجليزيه ليه ما سمو قسم الادب الانجليزي ولا قاعدين يفتو من عندهم دول العهبل خليهم يشوفو قسم الاولاد افضل بكثيير منهم

[فتى الغربه]

المشاركة الأصلية كتبت بواسطة الفتى هي ثلاث اسئلة اذا جاوبتي عليها بنعم , لا تحولي واستمري بالقسم : عندك رغبة بتعلم اللغة الانجليزية ؟ عندك الوقت الكافي لتعلم اللغة ؟ عندك الاستعداد المادي لاكمال تعليمك بالقسم ؟ الله يوفقنا وياك يا رب ...

عزالله انك جبتها على الجرح
اتبعي كلام الاخ الفتى انا بصراحة كانت ثقافتي انجليزيا تقريبا 20% واكون مبالغ شويه
لاكن بصراحة كان عندي رغبة قوية في اللغة
وكان عندي وقت وكل واحد يقدر يرتب وقته على كيفه
والماده الحمدلله متوفره
وقبل هذا كله توكلت على الله حق الإتكال ولم يخيب الله املي الان قاربت على التخرج ولله الحمد وقد اصبحت ثقافتي انجليزيا ادبيا لغويا من 80% الى 85% وهذا من فضل ربي
بعدين ما فيه قسم سهههههههههههههل انا شفت طلاب بعيني
نصيحة لك اصري وقوي عزيمتك وما راح تندمي

[nour al3mr]

غاليتي والله اعرف شعورك ومقدرة حكاية الزعزعة النفسيه اللي تصيب البنى آدم بالذات لما يذاكر ويجتهد وتعب لكن ما يلقى النتيجه المرجوة اللي يتمناها..نصيحتي لك ياعسل من وحده مجربه معانيه من ذا القسم ..
جميع الاقسام في الجامعه تحمل مستويات متعدده من الصعوبه تقريبا مشابهه للمعاناه والصعوبه في قسمنا..
وهذا الشيء شفته من خلال صديقاتي لانه كل وحده منهم بقسم ولما يجوا يحكوني ويشتكوا أعرف انه الكل يحمل نفس المعاناه يمكن احنا زياده عليهم باعتبار ان اللغه مختلفه ...واشيء الثاني الله يهديهم اسلوب التعامل عند البعض..
لكن حطي في بالك انه العزيمة والاصرار وحدها اللي بتكون لك دافع انك تحققي مرادك ..
اذا انتي عندك حب للغه ومتمكنه منها اضمن لك انه بإذن الله بتعدي فيها ..بس بشرط انك تشتغلي على نفسك ..
لانه زي ماقالوا في ذا التخصص عندهم مبدا احنا ما نعلمكم اللغه الاساسيه باعتبار ه درسنا مستويين انجليزي في البدايه ..وما بعد التخصص يعتمد على الثقافه والخبرات الشخصيه ويقيس مدى تمكنك من اللغه...
لا تخلي اول موقف وصعوبه تواجهيها بالقسم تحطمك<والله اعرف انهم محطمين للانفس البشريه<<لكن خذي الشغله عناد مع اصرار وعزيمة قويه وقبل هذا كله التوكل الحق على الله واستمري وثابري لتحقيق هدفك لانه ما احد انولد متعلم ...
كوني من تزرع الأمل في الانفس المحبطه ..دوري دايم على نقطه الضوء في وسط الظلام الحالك ...
اذا لقيتي احد يحبطك اسمعي من اذن وخرجي من اللثانية ..خذي الكلام اللي بيكون في صالحك وارمي الباقي اللي راح يأثر عليك ولا كانك سمعتيه واثبتي لنفسك وللكل انك قادره على كل شيء ولا في شيء بيوقف في وجهك ..
اعتذر ع الاطاله بس في بالي كلام كثير وهذا اللي طلع منه ..
ربي يوفقك ويهدي سرك ويديم عليك كل خير ويرزقك الصبر للانه من المتطلبات الاساسيه في ذا القسم ..
دمت في حفظ الرحمن....

[abohalah2020]

المشاركة الأصلية كتبت بواسطة حنين الود ناس تقتل نفسها ووقتها وامنياتها تدخل القسم دا وناس تتنازل عنه بكل سذاجه لمجرد كم بنت بتشتكي من القسم ؟؟؟ انتي البنات الي بتتكلمي عنهم انتي زيك زيهم ؟؟ انتي بتتركي محاضراتك عشان تفطري مع البنات ؟؟ للمعلوميه في بنات متساهلات ويبغوا كل حاجه تجي لحد عندهم الدرجات ويبغوا الاستاذات على كيفهم .. بصراحه انا اسفه على اسلوبي المعفن معاكي بس لازم اصحيكي من العبط الي انتي فيه حعاملك زي اختي واكتر كمان لانو انتي حتضيعي نفسك الوقت الي تفكري في الافكار السودا دي ليه ماتروحي تشوفي ايش منهج الرايتنق والريدنق وتبدأي من دحين تحفظي المواضيع في المفضله وتبدأي تدوري اسماء الكتب وتعرفي مين افضل استاذات وطريقه كل استاذه وتتعرفي على بنات اخدوا الماده قبل كدا وتشوفي خبراتهم ؟؟ تبدي تعودي نفسك على الكتابه كم كلمه في اليوم تقرأي قصايد بالانجلش تسمعي قصص بالانجلش تطوري نفسك تتابعي افلام مو افضل من التفكير الأسود الي لو استسلمتيله حتكوني ورا دااايما ولا عمرك حتتغيري وحتقعدي تمشي ورا الافكار السودا لحده ماتجلسي في البيت من دون شهاده .. على فكره لو كنتي في البيت مافيه شي صعب ولا فيه بنات بيشتكوا من القعده في البيت وترى القعده في البيت راحه ولا عمر اي بنت حتدخل المنتدى تشتكي من القعده ؟؟ هاه ايش رايك حلو البيت ؟؟ جايه هنا تقولي ابغى احول ؟؟قولي ابغى منهج الماده الفلانيه قولي ايش رايكم كيف ارتب جدولي قولي ابنات ابغى ماده حره سهله اخذ فيها الدرجه الكامله عشان ترفع المعدل

افضل نصيحة
ولا بد دون الشهد من ابر النحل