كلية إدارة وإقتصآد ( قسم إدارة أعمآل ) هـنآآآ .. استفسار هآم

[Ms.Boring]

السلام عليكم اختي

انا مره مع الاخ بدر انو اهم شي ميولك الشخصيه
لانو مهما كانت الماده صعبه بس انتي حابه دا الشي راح تمشي في وتبدعي كمان
وعلى كل حال انا مااقتنع بكلام الناس عن انو دا قسم سهل ودا قسم صعب
كل الاقسام فيها المواد الصعبه وفيها السهله وانتي وميولك وشطارتك


بنسبه للاقسام انا طبعا راح اقلك من الناحيه الوظيفيه كدراسه انا مااعرف الصراحه

انا بفضل ادارة اعمال عن اداره عامه

لانو ادارة الاعمال
مجالها جدا واسع راح تفديك في القطاعين الخاص والحكومي والقطاعات الخاصه يحتاجو دا القسم اكتر من الحكومي وطبعا الخاص هوا الي تلاقي فيلو وظايف وممكن كمان تقدري تفتحي مشروعك الخاص لو حابه
بعكس اداره عامه
مجالها محدود في القطاعات الحكوميه والعامه وعشان تتوظفي فيها لازم تاخديلك حبتين فيتامين واو XD


بنسبه للمسارات انا بس حقلك عن مسارين الباقي مااعرفهم عنهم شي كتير

مسار موارد بشريه << دا تخصصي طبعا

فيلو مواد فهم تبعت رياضيات بس لو انتي متخرجه قسم علمي فحتسهل عليكي المواد لانو الاساسيات تبعتها معظمها درستيها في المدرسه همه بس يعلموكي كيف تطبيقها في المجال الاقتصادي وبس

اما المواد الحفظ فشوف انو في كتير منها ممكن تفهميها كمان <<يعني لو انتي عندك مشكله مع الحفظ زي
مثلا عندك مادة ادارة اعمال لو انتي قبل كده اشتغلتي راح تفهمي التقسيم الاداري راح تفهمي المسؤليات تبعتهم وكل دي الحاجات

من الناحيه الوظيفيه زي ماقلك الاخ بدر كل شركه كل مؤسسه في العالم سواء قطاع خاص او حكومي
يحتاجو دي الوظيفه انا اشوف انو قسم الموارد البشريه من اساسيات الشركه لو كان دا القسم مهو قوي الشركه ماراح تستمر بذات في الشركات الكبيره
واختي كمان بتقلي انو مدير قسم الموارد البشريه يعتبر تاني اكبر راتب بعد المدير العام في اي شركه ^^



مسار التسويق

كدراسه انا مااعرف عنو شي بس يدخل من ضمنو ( المبيعات ) << ودا السبب الرئيس الي ماخلاني اخد دا التخصص
لانو بحكم اني اشتغلت في دا المجال مره ماحبيت المبيعات
انا اشوف الي يتوظف في قسم التسويق والمبيعات لازم يكون حاب دا الشي ولا ماراح يمشي
لانو فيلو ضغط ومنافسه مره شديده عشان تحققو البدجت وتجيبي تارجت كويس فيحتجلو واحد يحب دا الشي عشان يبدع لاني لمن كنت اشتغل في التسويق لاحظت انو الموظفين الي اساسا حابين دا الشي بيجبو تارجت يفجع
يعني تلاقيهم في الشهر اقل شي يدخلو 200 الف دا طبعا في الشهور الشبه ميته *_*
حتى مديري كان يقلي لمن كان يدرس they teach us how to sell a poop

ان شاءالله اكون افدتك بحاجه
على كل حال انتي شوفي ايش ميولك اولا وايش الوظايف الي انتي تبغي توصليلها في المستقبل
وعلى اساسها اختاري القسم
وقبل كل شي استخيري ربنا
واسألي الناس الي بيشتغلو فدي المجالاتي
وربنا يوفقك ان شاءالله