رحاب عنقاوى ... ايش تعرفوا عنها ؟ الله يسسسسسسسسسسسعدكم

[*~M!sS Mfa76a]

شوفي يا قمر
انا رحاب اخذت عندها التيرم اللي فات

__________________

بقول لك على الوضع كيف كان ( يصير تعيشيه قبل لا تقرري تاخذي عندها أي ماده مو شرط 231 )

ما يكفي انك تكوني مذاكره المحاضره اللي قبلها
يعني لازم تكوني عارفه اللي راح و اللي جاي

توقعي في اي لحظه
تبطل تشرح و تقلكم جاوبوا
و يكون السؤال عن شيء جديد وسط المحاضره الجديده
و ما قد اخذتيه في محاضرات سابقه

و اذا ما جاوبتوا ...!!!

ماااااراح تشرحه
و تروح للنقطه للي بعدها

و على فكره الحركه هذي سوتها 3 مرات معنا
و الأسئله اللي ما انشرحت
جات في الإختبارات
-> (مدري كيف..!! مع انها تقول انها ما تجيب شيء ما شرحته عشان ما تظلمـّـنا خخخخ)

و غير كذا
أول الغيث بيكون تعذيـــــب في الكتب

3 كتب و يلا روحوا اختاروا اية واحد
يعني ابفهم اش كان نقص منها لو كلمت مكتبه و اتفقت معها و طلبت نسخ من الكتاب بعدد الطالبات
و صرنا كلنا زي العالم و الناس نفس الكتاب و نذاكر سوا و نحل سوا و نستفسر عن نقاط
تكون موجوده عند الكل و في نفس المكان و نتابع معها خطوه بـ خطوه عشان ما نضيع.
-> اما 3 كتب و اختاروا ( هذا تشتيت للطالبات )

و بتقولون الشرح و السلايدز

طيب كلنا نكتب معاها
بس اذا شافتنا نكتب من السلايدز غيرتها

و اذا قلنا عطينا اياها يمكن تنفعنا بدل الكتاب اللي ضايعين فيه
تقول لا تعبي مالكم حق تسرقوه (( تعبك ذا عشان مييييين طيب كل شيء بحقه ما تتعبين بلاش انتي ))..

يعني ما طلبناها اسئلة الإختبار و إلأ تحديد و إلأ مراجعه

هي كلها سلايدات عدي و اغلطي في عدد شباترها يعني حتى ماهي قليله
بس انك على الأقل تكوني عارفه انتي اش قاعده تدرسي
مو تمسكي الكتاب و تفرييييييه كله و تركزي ع الأشياء اللي انتي تحسي انها مرت عليك

( أسئلتها كيف كانت )
شوفي هي اسئلتها في الدوريات جيده
يعني تجيب اشياء تصدمك
ما تتوقعينها تجي تكوني مذاكره اشياء اصعععب و متعمقه
و تقري الأشياء البسيطه و تفهميها
في النهايه الأشياء البسيطه تجي مع لفات

بس انها يعني من طريقة كلامها عن الأختبار
تحسسك انها بتجيبه من كوكب ثاني
فـ تخليك تركزين على اشياء تنصدمين انها ما تجي

و الفاينل كان مايل للصعوبه في
افكار كثيره و حركات تحول شويتين
______

و بس هذا اللي عندي عنها

و للأمانه كل حرف كتبته فوق ما بالغت فيه
اسألي اي وحده من طالبات الترم اللي فات هم كلهم كانوا شعبه وحده
و على مسؤوليتي
بـتقول لك نفس الكلام يعني ما ظلمتها في كلامي عنها

ع العموم انا حالفه
(( ما انـــــــــــزل عندها اي ماده مره ثانيه ))

_____