فاتن خورشيد >> بنات الطب مين يعرفها أو درستو ؟؟

[Dr~NanoOok]

د.فاتن درستني بسنة أولى
تقريبا كان تاني أو تالت كورس ناخده بالجامعة في البيولوجي
يعني لسه ما اتعودنا على الدراسة بالجامعة والانجلش والمصطلحات دي

وزي ما قالوا اللي سبقوني.. اسلوبها شوية كبير
حتى شيتاتها كانت فيها حاجات معقدة شوية.. بس يمشي الحال

وهي ماشالله عليها دكتورة ليها أبحاثها ودورها في الطب
واكتشفت علاجات من بول الإبل في السرطان
واتذكر كانت تقولنا انها مو دايما تكون بالجامعة.. أغلب وقتها في مركز الأبحاث
فإذا تبغوا تتواصلوا معاها.. لازم في الأوقات المكتبية حقتها

لكن زي ما قلتلكم يمشي حالها وتشرح
وانتوا أهم شي ركزوا معاها وأي شي مو فاهمينوا اسألوها فيها , وهي ما عندها مشكلة ترجع وتعيد شرحه ليكم تاني

.

ود. حنان الشاذلي
ربي يذكرها بكل خير , رائعة مرررره و مخلصة في عملها
في أشياء علمتني هي وما زلت أتذكرها من شرحها