تعالو خشو هنا ابغاكم شويتين << ماراح اطول بلييز

[العندليب]

بدري بدري با عزيزتي
اذا استلمتي الشهادة و طلعت نتائج القدرات وانقبلتي ذيك الساعة لكل حادث حديث ماراح نقصر معك
لا تتحمسين نصيحة >>> تراها جامعة تجيب الملل
موفقه بإذن الله ... لك مني أجمل تحية .

[THE LAWYER]

ربي يوفقك وتنقبلي فالجامعه وبالعكس الحماس يدفعك للبداية بقوة
وكلية الإقتصاد والإدارة كلية حلوة وظريفه
فيها ستة أقسام ..محاسبة ..قانون .. إدارة أعمال .. إدارة عامة .. إقتصاد .. علوم سياسية
وكل قسم يوجد فيه أكثر من مسار مثلا قسم إدارة أعمال مسار تسويق وزي كذا

بالنسبة لك في حال دراستك بالكلية ما أعرف عن النظام الجديد بس حتدرسي مواد عامه فالبداية قبل لا تدخلي فالتخصص
والتخصصات كل واحد على حده ما أعرف إنتي تميلي لايش بس ممكن انك تزوري موقع كلية الإقتصاد والإدارة
وتستعرضي الخطط الدراسيه وتشوفي الأقسام وكل شي عن طريق رابط الكليه

http://economics.kau.edu.sa/Default...._ID=120&lng=AR

ولو أشكل عليكي أي شي احنا موجودين هنا وبالخدمة وكلنا كنا زي كذا
تحياتي ..

[tofa7a]

الله يعطيكم العافيه يااحلى اعضاء يسعدكم ربي

[عبدالعزيز الصالح]

المشاركة الأصلية كتبت بواسطة bnota nigga مشكوور عزوز والله رفعت معنوياتي طيب باي قسم موجود دا الشي ؟؟؟

ماقلتلكم الاخت متحمسة وحتشوفوها مشرفة بالمنتدى ، وحتاخذ الخمسة خميسة باذن الله

وبسم الله نبدأ ..

الخطط موجودة على الرابط

http://www.economics.kaau.edu.sa/fea...outes_cill.asp

بعدين ابحثي عن الملخصات في الموقع هذا وفي مواقع اخرى متعلقة بالجامعة .. حتلقي الكثير من الملخصات بشان المواد وخاصة في مكتبة البحث العلمي حتلقي مكتبة خاصة بالاخ هاني عرب .. اعطي اهتمام كبير لملخصات الاخ هاني عرب .. كما ان هناك ملخصات كثيرة تستحق القراءة لغير الاخ هاني عرب .. ولكن مايميز ملخصات هاني عرب: شموليتها ، بساطتها ، من فلسفة الكتاب ، متفق عليها كافة الطلبة ، وان استطعتي قراءة الكتاب فقد يكون افضل .

وبالتوفيق ..

الحماس هذا باذن الله سيكون له اثر كبير فلا تقتلية

وحنشوفيك مشرفة بالمنتدى ان شاء الله اذا كنت من المتميزات في الجامعة وصاحبت الملخصات الجيدة

وعطائك لاعضاء المنتدى غير عن الكل ..
وحنشوف هدول الذين يراهنوا على المتحمسين كيف يموتوا بغيضهم

[charming lady]

هااااااااي خيتووووو

ياهوووووووو ارحمو البنت قولو ماشاءالله .. كلكم حماس حماس ايش دا حتصكوها عين

شي طبيعي تكون متحمسه مو دفرنه بس لانه شي جديده عليها.. الجامعه تعتبر مرحله جديده بحياتها واكيد حتكون متحمسه لها وتبغى تعرف كل شي

ماشاءالله تبارك الله الله يحميكي يابطه.. بس زي ماقالولك الحلوين اللي ردو انتي ادرسي اول سنه وعلى اساسها حتقرري ايش تتخصصي .. يعني ممكن دحين اقولك قانون مثلا .. تقولي واو جيد
بس لما تدرسيه مايعجبك وتصرفي نظر عنه.. يعني اول ادرسي اول سنه وشدي حييييييييلك اهم شي عشان لما تحطي براسك تخصص معين مايحطمك المعدل وتقدري تدخلي اللي تبغيه من دون شحططه بين ربوع الجامعه

الله يوفقك ياقمر.. وان شاءالله تستمري معانا بالمنتدى

[المتولي]

بالتوفيق إن شاء الله وسنه حلوووووووووووووووووووووووووووووووووووه ياجميل

[سيف نجد]

بتوفيق والنجاح ربنا معاك ان شأالله تقبلي في الجامعه وتتخرجي بمعدل تمام بس عليك الجهد والجتهاد ولا يهمك احد

[tofa7a]

عزوز وي مشوار والله فتحت الموقع شوفت كلام غريب كنسلت خلاص مومتحمسه لما اخش يصير خير هع هع هع
charming lady <<<<أنتي اللي فهمتيني ياعسل مودفرنه بس عشان شي جديد اتحمستله ههههههههه
يسلمو ياقمر ويعطيك العافيه
وثانكس لــي المتولي وسيف نجد على مروركم ومشكورين لكل اللي دخلو
نــــــشــــــوتكـــم على خــــــيـــــــر ههههههههه قصدي نــــشــوفك يـــلا بــــيــــس