قرارات الجامعه

[someone1989]

يا ناس ايش قرارات الجامعه اللي بهدلونا بيها نفسي مره وحده في حياتي يصدرو قرار و هما دارسينو فعلاً يعني عندنا اللاب توب ممنوع نجيبو الجامعه الا ادا كان معانا تصريح و التصريح ما يطلع الا ادا كان اللاب توب بدون كاميرا يعني ايش الهدف الله اعلم يمكن يحسبو اني بصور البنت باللاب توب و الله مشكله دي و الجوالات ممنوع جوال بكاميرا طيب بالله احنا ايش نسوي في اللي بيصنعو التكنلوجيا نقلهم اصنعولنا احنا بنات الجامعه حقت الملك عبد العزيز نوعيه معينه من اللاب توب و الجوال عشان نرضيهم و الله شي يفشل في الوقت اللي المدارس سارو يجيبو لاب توبات احنا ممنوع و الجامعات العالميه لازم يكون معاك اللاب توب طول الوقت ويبغو جامعتنا توصل مستوا عالي هههههه و الله مع نفسهم ماراح توصل حتى المستوا الأخير اتوقع

ولا البنطلون ممنوع مسموح بس لطالبات العلوم يعني الدين لمن قال حرام قالها لبنات الجامعه كلهم معادا بنات العلوم سبحان الله طيب دحين لو البنت طاحت على الأرض و هيا لابسه تنوره ايش اللي راح يسترها البنطلون ولا التنوره ؟؟؟؟؟؟؟؟؟؟؟؟ !!!!!!!!!!!!!
طيب و دحين قرار العبايات ؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!!!!!!

و يكفي الطريقه اللي اتصرفو فيها معانا وقت ما قالو اخلاء قبلها بالله ما كانو يقولو في خطه و محد يخاف و راح تبدأ الدراسه و كل شي عادي بالله ايش اللي سووه طردو البنات من الجامعه و فجعوهم و قالو اخلاء !!!!!!!!!!! بدال ما يقولو نحطهم في المباني و الأدوار اللي فوق شوفو ايش سوو

ولا وحده من المسؤلات اللي في الشؤون ناسيه اسمها اللي ما تتسمى دي تهزء في البنات و تصرخ فيهم و الله لو بيدها تضربهم كأنهم عبيد عندها و الله انا مره سحبو مني جوالي و رحت احاول فيها انها ترجعلي هوا تقلي لو انتي مهتمه كان خليتيه في الشنطه و ما خرجتيه منها يعني بالعربي جيبي معاكي كل يوم بس ما تخرجيه و فوق دا كلو ما نجيبو و الله جامعه مريضه .

و الله في حياتنا ماراح نرتقي طول ما احنا كدا بدال ما يركزو في التعليم و في نفسية الطالبات و يهتمو في ارائهم يروحو يعاملونا معامله اسمحولي بس زفت و كأننا جايين من الشوارع مالنا رأي ولا كلمه و كل ما كلمونا جلسنا زي الحمير نطبق و بس و مو فاهمين شي !!!!!

يا ناس نبغى يكون لنا رأي و كرامه ترا احنا مو اقل منهم في شي ابداً ادا عشان المناصب و الله مين داري امكن في يوم من الأيام انا اكون في منصب و اكون مديرة اللي كانت تشوف نفسها عليا و تحكمني يعني اتوقع المفروض يخافو لأنو الدنيا دوراه حسبي الله و نعم الوكيل و الله كنت متحمسه على الجامعه و اني اتعلم بس لمن دخلتها واجهت الواقع من جد شي يسد النفس و الله طبعاً دا و لسه في بس اكثررر بكثيرررررر بس دا اللي في بالي دحين


حسبي الله و نعم الوكيل

[طموح متواصل]

اما الشؤؤن حكاااااايتهم حكاااايه..افتكر مسكتني عالبنطلون وانا مقفله العبايه بس نظرهاااااااقويييي
نادتني وقالت مييييييييييييين انتي عشان تلبسي بنطلون؟؟؟ليه انتي طالبة علوم؟؟؟لايكون عندك معامل واحنا ماندري؟؟؟وتهزيييييييييييييييييييئ ونظراااااااااااات؟؟؟!!!!!!!!!!!
ليه يعني البنطلون انصنع للمعامل بس؟؟مواحنا نمشي مساااااافات الين وزني اتدهور وكلو كوم والطريق ل420 كوم ثاااااني (بصراحه المفروض يقفلو ذا المبنى اللي ابتلونا فيه)حتى الشؤؤن انفسهم يتعبو من المشي في طريق 420 عشان كذا سيارتهم راااايحه وجاااايه طب جربي امشي بتنورتك الطويله كول ذي المسافه والله تعب بعدين مايقدرو اننا بنات ومخلوق ضعيف وحساس؟.بصراحه التعليم عندنا متدهور في كوووووول مراااااااااااحله كلو تحطيم وجرح للمشاعر والفاظ ماادري من فين ؟؟انا كنت احسب انو دراستي في الجامعه حتكون مختلفه نفسيا...بس طلع انو تكمله للي يسير في المدارس..
مااااااااااااستغرب لو الجامعه تمنع الماكياج وتلزمنا بالوان لبس محدد...!!!!!!!!!!!!

[someone1989]

المشكله انو المعامل ايش فيها عشان يكون عذر انو البنت تلبس فيها بنطلون ؟؟؟؟؟؟؟ البنت بتجري ولا بتلعب جمباز في المعمل ؟؟؟؟؟؟؟؟!!!!!!!! :s عذر اسخف من السخيف الله لا يبارك في اللي يصدر القوانين السخيفه دي

[meko]

من جد جااااااااااااامعه الحمد الله و الشكر لاااااا تعليق بجد على هرجه العبايه انا

ما احب اكشخ مافي وقت اصلا بيتي في شماال جدة كانت العبايه عليه محد يدري ايش لابسه

تجي تقول فكي العبايه والله اذا ربي منعم على حالك وتقدري تلبسي زين في غيرك ما يقدر ويجلس يستر نفسه

بعبايه من جد حرااااااااااااااام

جامعه بجد للاسف تكون اسمها جامعه

[بنت الخليج..]

المشاركة الأصلية كتبت بواسطة someone1989 المشكله انو المعامل ايش فيها عشان يكون عذر انو البنت تلبس فيها بنطلون ؟؟؟؟؟؟؟ البنت بتجري ولا بتلعب جمباز في المعمل ؟؟؟؟؟؟؟؟!!!!!!!! :s عذر اسخف من السخيف الله لا يبارك في اللي يصدر القوانين السخيفه دي

صحيح جامعة الملك سعود حتى طالبات العلوم يلبسون تنوره على اللاب كوت >>المفروض يالكل ولا بلاش وبعدين كيف وكيلتنا تقول مو ممنوع وهذيله يتفلسفون؟؟!!
أما شغلة لعب الجمباز هذي>>ههههههههههههههههههههههههههه

[د/مــهــاااوي]

والله قهر من جد وطفح الكيل معاهم لازم نروووح عند عمادة شؤون الطالبات مبنى13 غرفه31 حتى نتفاهم معاهم ونقلهم انو موكل ضروف البنات الماديه زي بعض المفروض يستوعبو دا الشي واللي بيته بعيد ويصحى بدري عشان بس يقلب الدولاب عشان اطلع لبسه لائق بالجامعه<<<<قال لائق>>>>
يالله والله طلعو لنا هم جديد مو كافينا الدراسه الهم
حسبنا الله في اللي كان السبب
بعدين يقولون لنا البنات لابسين ملابس مخله ومدري ايش طيب امسكوهم اش ذنب الباقين

[كريزي قيرل]

يا شيخه حرريم فاضيات جالسين على مكاتبهم وطقه حنك وميك اب كاامل وجالسين يخترعووو قرارات الا يبغو يثبتو نفسهم للاسف جامعتنا مبتليه بمرض السلطه الا يصير لها سلطه حتى لو فرااشه

ولييه يمنعوو العبي يعني حصلت مشااكل وحلو عذرهم صراحه عشان بنات يلبسو من تحت العبي بلاوي على الاقل العبي بتستر مو زي لمن نفسخها بتشوفي العجب

الله يحرقهاا من جامعه بدل الهبل والقرارات الفاشله يوسعو الشعب عشان نضيف مواد يشوفو هيئه التدريس الفاشله حسبي الله عليهم من حريم

[wallo]

المشاركة الأصلية كتبت بواسطة someone1989 المشكله انو المعامل ايش فيها عشان يكون عذر انو البنت تلبس فيها بنطلون ؟؟؟؟؟؟؟ البنت بتجري ولا بتلعب جمباز في المعمل ؟؟؟؟؟؟؟؟!!!!!!!! :s عذر اسخف من السخيف الله لا يبارك في اللي يصدر القوانين السخيفه دي

ههههههههههه والله من جد ليه يعني حتقعد تنطنط في المعاامل يعني !!!

بعديين المفرووض مايلبسو بنطلوون لأنو كل شغلم في مبنى وااحد مو زيينا مشحططيين من مكاان لتااااني !!!!!!!!!!

[ميمي مووون]

شكرا لك و على موضوعك الجميل

[angel wow]

يسلمو موضوع مرررررررررررررره حلو