سؤال بخصوص الكويز الاول ie201

[medo0o0]

السلام عليكم

شباب حبيت استفسر بخصوص الاختبار الاول للماده دي
دحين انا داومت الاسبوع الاول الدكتور وزع اوراق(ملازم ) لكل طالب
وقلنا الاختبار الاول تقرو الملزمه هدي والاسئله تجي عن اساسيات الماده
طبعن ما فهمت للدكتور تمام لانو بيتكلم بالانجليزي والملزمه تعتبر اوراق كثيرة
وسمعت من الطلاب اللي اخدو الماده الترم الاول انهم كانو يشترو اوراق السوداني ويذاكرو منها
والدكتور يقول القرو الملزمه
طبعن ما فهمت اش هرجة اوراق السوداني اللي اشتريها ؟؟
ياريت ياشباب احد يفهمنا واذا احد يعرف طريقة الكويز الاول و يقلناعلى اوراق السوداني اش هرجتها

ويعطيكم العافيه

[البرق الاصفر]

شوف
السوداني يديك ملزمة كل كويزين في وحدة تحتوي على معلومات ومنهج الكويز ومجموعة اسئلة اختيارات على الكويز
كل كويز عبارة عن 3 صفحات عند السوداني والبقية اسئلة تختبر نفسك فيها
يعني مثلا
يجيك سؤال بسيط ويقولك
لو الطالب اخذ 4 لابسات فتحسب له :
أ/ 1 ديفيكت ب/ 2 ديفيكت جـ/ 3 ديفيكت د/ ولا ديفيكت
وعاد انت تختار
طبعا في السهل وفي الصعب والكلام كله انجليزي بانجليزي
فان كنت مو قد كدا في الانجليزي فقبل الكويز بيومين روح للسوداني مرة تانية وحتلاقي عنده الترجمة حقت منهج الكويز

حط في بالك نظام الاختبار كالتالي
بعد ما تجلس على جهاز وتدخل النظام حيبدأ العد التنازلي عندك وفي 7 اسئلة اختيارية عليك تجاوبها ولكن ان جاوبت مثلا على سؤال غلط مو معناها طارت درجة السؤال كله لسه باقيلك نصه بحيث انه يديك فرصة تانية تجاوب فان جاوبت غلط حيقولك اجابتك غلط ويروح للسؤال اللي بعده وان كانت صح فحيقولك انها صح
طبعا عندك انت درجات الكويز في اكسيد وفي ميت وفي ان اي
لو جبت اكسيد فهي ممتاز وعشان تجيبها لازم تجاوب على الكل صح
لو جبت ميت يعتبر هم وشلته من طريقك وتقدر عن طريق الجورنال ( عبارة عن تعبير تكتبه تعبر فيه ايش فهمت من منهح الكويز ) تحول الميت لاكسيد
ولو جبت ان اي فوحدة من اثنين
اما انك تكون جايب 70 او فوق وتقدر وقتها تقدم جورنال وان تم قبوله صار ميت وفكة منه
او ان كان اقل فحط في بالك انه الاسبوع الجاي في نفس اليوم عندك اعادة لنفس الاختبار

حط في بالك انك تكون مجهز الجورنال حق الكويز قبل ما تجي الكويز لانه لو طلبه حيطلبه وقتها مو يقولك تقدر تقدمه فجيبه المحاضرة الجاية لاا بل تقدمه وقتها
فخليك مجهز لكل كويز جورنال
وغير كذا
في ورقة تصحيح لكل كويز مكتوب عليها رقم الكويز وعنوانه فعليك انك تجيب لكل كويز ورقته ولا تضيعها انتبه لانك حتضيع معاها وان ما جبت الورقة فعاد ربنا يسهلك وندعيلك بالخير

وغير كذا حط في بالك الجورنال ان جيت تقدمه لازم يكون مرفق معاه ورقتين
ورقة تصحيح خاصة للجورنال زي الكويز له ورقة خاصة له
وورقة تصحيح التكنكال بريزينتيشن
وكل الاوراق هادي تلاقيها في موقع المادة
الدكتور المفروض يكون اداكم الموقع واليوزر نيم والباس عشان تحمل لكل محاضرة اوراقها ولكل كويز ورقته ولكل اسايمنت اوراقه ولكل جورنال اوراقه وهكذا


اتمنى اني افدتك
بس المادة دي غثى

[السراج]

^^^^^^
^^^^
^^^
^^
^
الله يسعدك ياشيخ وربي ماكنت فاهم شي يوم الربوع مع تركمان
الله يستر وربي كرف

[البرق الاصفر]

حاب انبه
كل سبت وربوع كويز فمثلا السبت الجاي كويز والربوع كويز والاسبوع اللي بعده السبت اعادة للكويز حق السبت اللي قبله وكذلك الامر للربوع بعدها سبت كويز جديد والربوع كويز جديد وبعدها السبت اعادة والربوع اعادة وزي كذا
20 كويز 10 اساسية و10 اعادة

[rــــــy]

واللي ما حـضر الاسبــوع الاول ..
ايـش يســوي . .
وفيـن آحصـل آوراق السودآني اللى تقولوا عليـهآ . ."

[The BeSt]

تحَصلْ الاورَاق فِي مَكتبة العَربيْ [ اَعتقدْ اِسمهَا كِذآ ]

بَعدْ المَحطة الليْ قُدام كليَة الهَندسْة [ مِن عِند سَندويتشْ علىَ كَيفك يَمينْ ]

وَ تطوَل الينْ قبلْ التقاطعْ الثانيَ تلقاهَا عَ اليَمينْ

( صَراحة مَا اَنصَح بهَا , جَربتهَا اَولْ كُويز وَسحَبت عَليهَا ;)

مُوفقينْ


\

[المحترف_100]

ما اعتقد ان الكويز يبدا من السبت ( بكرة ),, ولكن من الاسبوع القادم


الطريقة مثل ما ذكر اخوي البرق الاصفر

ولكن خذها نصيحة مني ,, اذا تبغى تجيب درجات جدا ممتازة في الكويزات :

1- اقرا المنهج اللي معاك في الكويز ,, مره ومرتين وثلاث (قراءة مو حفظ)
2- تمسك اوراق السوداني ,, وتقرا التلخيص اللي هو مسويه ,, العادة يكون 3 اوراق ,, اقراه بتركيز
3- حل الاسئلة اللي تجي في اوراق السوداني
4- اعمل جورنال ,, لانه مهم ,, انا كنت اعرف ناس كانوا يذاكروا ويتعبوا ,, ويجيبوا 95 في الكويز ,, وتنحسب الدرجة m ,, لو انه مسوي جورنال في ربع ساعة كان اخذ e

طبعا هذي الطريقة راح تاخذ منك وقت ,, بس ان شاء الله كذا الدرجات في جيبك


شغلة اخيره ,, ابدا لا تسمع للي يقلك (احفظ) الاسئلة اللي في اوراق السوداني ,, لانها اصلا ما تجي بالحرف
تلقى دائما الاسئلة متغير فيها كلمة ,, وبكذا لو انت حافظ ما بتعرف تجاوب

عموما المادة لغتها بسيطة ,, وخصوصا اول 3 كويزات ,, بس ركز واعطها وقت


بالتوفيق للجميع

[Eng:S.T.M]

شباب لا تنسوا تشتروا الترجمة حقت الملخص خاصة للي لغتهم ضعيفة وان شاء الله تضمنوا m(امكن تنزل الربوع ان شاء الله)

[البرق الاصفر]

انا مشيت اول مرة على اوراق السوداني بس كنت مضيع ومو فاهم الطبخة فكنت في كل كويز اخبص

بس لما فهمت طبخة المادة واسلوب السوداني في التلخيص تحسن مستواي وجبت كذا اكسيد والحمد لله

[medo0o0]

يعطيكم الف عافيه شباب وما قصرتو

وانا كمان عند الدكتور نديم تركمان
يعني ياشباب ما اركز على اوراق السوداني اركز ع المهنج افضل لي ؟؟
بس حاب اعرف اكثر عن الجورنال لانه الدكتور ما قال لنا شي عن اي شي اسمه جورنال ؟؟