لاهل الحجاز

[البنت السعوديه]

لاهل الخبره
هل تنصحوني بان اضيف الكيمياء العضوي مع الحيوي في مستو ى واحد (لاني حامله للكيمياء )مع اعلم اني لست من سكان جده فتقربيا هو صعب علي الدوام
(فما خاب من استشار)

[M!Ss AmoOoLa]

انا مستوى خامس ولسى ما اخذت كيمياء عضوي خخ
بس يالغلا قوليلنا جميع المواد الي بتنزليها لعلانا نفيدك

وع فكره اذا قصدك بالحيوي الي هوا كيمياء حيويه عامة 201
فأنصحك تنزليها مع استاذه امينه مدحت عشان تجيبي الأمتياز
والعضوي عموما مش صعب بس يبغاله مذاكره اول بأول

[مياسة العود]

طيب اختي انتي ايش موادك كامله

وايش تخصصك

عشان نقدر نساعدك

وبالتوفيق

[البنت السعوديه]

الله يعطيكم العافيه انا تخصص احياء حيوان والمواد اللي عندي هى بيولوجيا الخليه ومعمل كيمياء ومعمل احياءوثقافه وعربي بالاضافه للكيمياء الحيوي ومعمله الله يسعدكم دنيا واخره

[Dr-Bro0r]

ياعسل جدولك كدا تمام :)
بالتوفيق

[البنت السعوديه]

المشاركة الأصلية كتبت بواسطة dr-bro0r ياعسل جدولك كدا تمام :) بالتوفيق

الله يجزاك الجنه يعني مااضيف الكيمياء العضوي او اضيفه الله يسعدك اليوم اخر يوم للحذف والاضافه جزاك الله خيرا

[اهات جامعية]

المشاركة الأصلية كتبت بواسطة البنت السعوديه الله يعطيكم العافيه انا تخصص احياء حيوان والمواد اللي عندي هى بيولوجيا الخليه ومعمل كيمياء ومعمل احياءوثقافه وعربي بالاضافه للكيمياء الحيوي ومعمله الله يسعدكم دنيا واخره

حبيبي انا اشوف اربع معامل صعب
(العضوي له معمل)
وانا بنظري اشوف لعضوي مادة دسمة جدا ومتعبة ويبغالها تفرغ
والحيوي مادة تخصص جديد يعني لازم تفهميها زين
وشي عك يبغالها
نصيحتي اذا انت ماتتحملي ضغط وتبغي معدل لاتحطي الاثنين مع بعض
ممكن مع جدولك حطي عضوي
لان خلية شوي سهلة بالذات انها بالعربي والمعامل (مايبغالها كلام)