سؤااااااال ..

[MoOoRh]

السلام عليكم و رحمة الله و بركاته ..
كيفكم ؟ عساكم طيبين إن شاء الله ..
أنا عضوه جديدة في منتداكم
لقيت المنتدى جميييل و رائع ..
بس أنا حابة اسألكم بعض الاسئلة ..
أنا طالبة جديدة في جامعة الملك عبد العزيز
و تخصصي اللغة الانجليزية سنة أولى
و هادي الترم أول ترم أدرسها في الجامعة
بس دراستي راح تبدأ بعد اسبوع إن شاء الله ..
فانا حابه اسأل عن نظام الجامعة كيف يعني من ناحية اللبس و الجوالات و سمعت كمان انو الجوالات الكاميرا ممنوعة في الجامعة ..
و أبي أسأل عن تخصصي اللي هي اللغة الانجليزية
هم قالوا لي دراستي راح تكون في مبنى رقم 26
و أنا ما أعرف اذا المبنى دا موجود ولا لأ ؟؟
و ايش أجيب معايا في أول يوم ..
اعذروني يا جماعة الخير أختكم في الله ما عندها احد تسألهم عن الجامعة ..
و آآآآآآآآآآآسفة إذا كان موضوعي مو في قسمه الصحيح ..
و أتمنى إني أشوف أجوبتكم قريب ..

[Mo0oNE]

ياهلآ ومرحباا ,,

منوره المنتدى والجامعه بعد

شوفي حبيبتي جوالات الكاميرا اكييد تكون ممنوعه ,,

اللبس اغلب البنات يداومو بالعبايه ويريحو نفسهم

واذا انتي مو من هالنوع عادي تنوره جينز وتيشيرت

بالنسبه لجدولك ومحاضرات وين راح تكون الافضل انك تسالي في الجامعه يعني روحي لقسمك وشوفي وين راح تكون محاضراتك ,,

بطاقتك الجامعيه لازم تكون معاكي عشان تدخلي ,, من غيير بطاقه مافي دخول,,

والله يوفقكـ ,,

[MoOoRh]

شكرررررررن خيتو على مرورك و مساعدتك ليا بس عندي سؤال ..
ايش قصدك بالبطاقة الجامعية ..
آآآسفة خيتو زي ما قلت أنا ما أعرف شي عن الجامعة ..
بس الرجال اللي دخلني الجامعة قاللي أودي معايا شهادتي و شهادة حسن السيرة و السلوك الأصلية
و كمانه كم صورة ليا و إذا ما طلبوا مني و لا أي حاجة من الحاجات دي أروح عند عمادة القبول
عشان اراجع عندهم ..
أنا ما أعرف شي خيتو
كل ما يقرب موعد الدراسة قلبي يدق من الخوف و التوتر ..
بس إن شاء الله ربي يسهلها عليا ..

[صاحبة السمو]

البطاقة الجامعيه يعطوك لمآ تنقبلي
بعد ماتسلمي اوراقك طبعآ
مممم بس بالبداية تكوني سنه تحضيريه مو على طول لغه انجليزية

[نورة الحربي]

معليش يا عسل

ممكن سؤال ؟؟

اللحين انتي محووله من جامعه وجاية على جامعتنا ولآ شلوون ؟؟

اللي اعرفه اذا كنت مسجلة لأول مرة بتكوني تحضيري .. أما اذا محولة من جامعه ثانية بيعادلون لك المواد وينزلونك على نفس التخصص

عزيزتي: البطاقة الجامعية مهمة جدا وهي تعتبر هويتك الاكاديمية داخل الجامعه يعني ما تقدري تخلصي اشغالك الآ بها

وطبعا زي ما أنتي عارفة انهم ما يتعاملون مع اسمك لكن يتعاملون مع رقمك الجامعي " رقم التسجيل" الموجود ضمن معلوماتك البيانية على البطاقة ..

وزي ما قالتلك مووني أنو ماافي دخول للجامعه الآ بالبطاقة بدون بطاقة لا تدخلي



اي استفسار .. احناااا حاضرين ويا هلا


خيتك : نورة الحربي

[MoOoRh]

أهاااااااااااااااا يعني أول سنة تحضيري ..
شكررررررررن على المساعدة أخواتي ..
بالنسبة لسؤالك خيتو نورة ..
لا أنا مو محوله من الجامعة أنا دوبني سجلت عندكم في الجامعة ودي أول ترم ليا في الجامعة ..
أنا قدمت أوراقي من فترة بس ما قبلوني إلا في الترم دا يعني دراستي
راح تبدأ في الترم الثاني اللي هو بعد أسبوع إن شاء الله ..
بس راح أراجع مع الرجال اللي دخلني الجامعة مرة ثانية لأني كل ما بغيت أكلمه عن الجامعة ما يكون موجود ..
بس إن شاء الله خير ..
و شكرررررررن أخواتي مرة ثانية على المساعدة ..

[صاحبة السمو]

هذآ نظام الجآمعه لازم تجتازي السنه التحضيريه بعدهآ تتخصصي
لكن أنآ اشوف إنك ترآجعين الجامعه بنفسك أفضل
لان الدراآسه بدت ..