ღ ツ ღ ياليتها ماراحت وخلتني .... أو وسعت لي بالقبر وياها (( الله يرحمهآآ )) ღ ツ

Aowedh Alsolmi · #1 28-02-2010, 01:51 AM

خايف عليها من الثّرى غطاها...
والا الحصى حافي..أخاف أذّاها...
أكرم عليها بالكفن يا مطوّع...
بالبيت ظلّ فراشها و غطاها...
أكرم عليها بالكفن هذي امي...
وإشهد عليها بما عطت يمناها...
هذي الضّحى و الليل يتحرونه...
هذي السّماء و نجومها تنعاها...
هذي السوالف مثلنا تبكيها...
و الأرض تنشد عن أثر لخطاها...
هذي الكبيرة كبر هذي الدنيا...
هذي العظيمه جلّ من سواها...
أبكي عليها مو نهار و ليله...!
ولا سنه تمشي وأعد قضاها...
أبكي عليها كثر ماشالتني...
وكثر الحنين اللي إختلط بـ غناها...
وكثر الأسامي..وكثر من سمّوها...
وكثر النجوم..وكثر من يرعاها...
ابكي عليها من القهر يا دنيا...
من لي انا ؟ من لي عقب فرقاها ؟
من فتحت عيني.. ولا خلّتني...
شوفوا ولدها بـ القبر خلاها !!
هلّ التراب بوجهها.. ماقصّر...
شفتوا ولدها كيف هو جازاها ؟
لو إنها مكاني ما سوّتها...
لكن أعزّ عيالها سواها...
يالدود شفها ذابله .. جنّبها...
أنا ولدها .. و حاضر .. و أفداها...
قطّعني هاك اللي تبي من جسمي...
بس الكريمه لا تجي بحذاها...
وأوصيك أمانه قل لها تعذرني...
و تكفى تروح تحب لي ماطاها...
أبيها تغفر لي مثل ماكانت...
كل خمله مني بطيبها .. ترفاها...
يالله عساها بالنعيم الخالد...
وعساها في جنة عدن سكناها...
يافضو هذا الكون .. ياهو خالي...
ياضيق هذي الدنيا .. يا مقساها...
يامر طعم فراقها.. يامرّه...
ماني مصدق أرجع وما ألقاها؟!
و شلون أجي غرفتها ماهي فيها ؟
وش عذري لسبحتها .. و مصلّاها ؟
شـ أقول أنا لدولابها , لشنطتها ؟
واذا سئلني مشطها , وحنّاها ؟
وعباتها , و مي زمزم , و مصحفها ؟
و المبخره ,و رشوشها, و إدواها ؟
الكل في غرفتها متفقدها ...
حتى الجدار .. مفطّر و يرجاها...
الكل يبكيها .. ماهو ناسيها...
يالله صبّرني شلون أنساها...
ياليتها ماراحت وخلتني...
أو وسعت لي بالقبر وياها

اللهم أرحم جميع أمهاتـن وأبائنا واسكنهم فسيح جنانك ياكـريم ..
م ن ق و ل

شرووق · 28-02-2010, 04:51 AM

اللهم امييــــــن ...الله يخليلنا امهااتنا ويحفظهم ...

.,.نيــــــــــــــــــــران.,. · 28-02-2010, 05:09 PM

حزين ومؤلم :(

يارب تخليلي ماما وجدتي وكل احبابي واحبابكم

امين

ارق التحايا

لمعة الألماسة · 02-03-2010, 07:53 AM

اللهم امين
ربي يحفظ امهاتنا ويخليهم لنا

نحتاج دعواتهم ورضاهم لانو من اسباب التوفيق

ابو خــــــــــالد · 02-03-2010, 08:19 AM

اللهم ارحم امواتنا واموات المسلمين

كان اختيارتك موفق

E7sasBanota ~ · 02-03-2010, 08:24 AM

الله يرحم امواتنا وموتى المسلمين والمسلمات يارب

والله يخليلي ماما ولا يحرمني منها يارب

دنيا الولهـ · 02-03-2010, 11:34 AM

وااااااااااو
كلمات رائعه
تسلم اخوي ع النقل
"الله يرحم اموات المسلمين والمسلمات" آآآآآآآآآمين
يارب خلي لي ماما وحفظها من كل شر
دندون

أمير القلوب · 02-03-2010, 11:48 AM

...هذي الكبيرة كبر هذي الدنيا...
.. رائعة بروعة كاتبها وناقلها ..
يعطيكـ العافية أخوي ..
الله يحفظ لنا والدينا ..
ونسأل الله أن يطيل في أعمارهم على طاعته..

Aowedh Alsolmi · 03-03-2010, 03:47 PM

لاهنتـوا جميعا على مروركم العطر..

أسـعدني تواجدكم بمتصفحي ..

حفـظكم اللـه ..

ღ ツ ღ ياليتها ماراحت وخلتني .... أو وسعت لي بالقبر وياها (( الله يرحمهآآ )) ღ ツ

الساحة العامة