اللي أخد مع د/صباح المصري، يفيدني

[nova09]

السلام عليكم

بس حبيت أسأل اللي أخدوا مع د/صباح المصري مادة قانون دستوري أو أي مادة تانية.. عن البحوث اللي تطلبها ، كيف عملتوها يعني عادي اذا جبتها من كم مصدر أو مرجع سواء من الكتاب او النت ولا لازم أنا أكتب من عقلي ولا كيف؟؟؟ بلييييز وضحولي لأني مررررة خايفة

[خلدونة]

ههههههههه تذكريني بحالتي الترم الأول (البحث لازم من مصادر وتوثقي المصادر في أسفل الصفحة وعادي تاخذي من النت لكن اكتبي الرابط في اسفل الصفحة في الهوامش بس نصيحة مني لك خذي من كتب أفضل )وترى لا تخافي د.صباح مرة طيبة واستفسري منها عن بحثك وهيه تفيدك

[nova09]

مرررة شكرا يا خلدونة أفدتيني الله يسعدك يارب

[ذنبي طيبتي]

الله يعينك
هالبحث سوت لنا فيه ازمه وفي النهايه اعطت الكل 7 من 10 ويمكن 5طالبات 8 من 10

[نوناآاآ]

فآلبداية رآح يكون صعب عليكي <<عاانينا زيك : )
بس فالنهااااية راعتنا الحمدالله..بالتوووفيق..

[pinko1991]

هيا مايهمها عدد صفحات البحث قد مايهمها الفكرة وانك تجيبي شيء جديد

[:::Zaza-.-MaZaza:::]

المشاركة الأصلية كتبت بواسطة ذنبي طيبتي الله يعينك هالبحث سوت لنا فيه ازمه وفي النهايه اعطت الكل 7 من 10 ويمكن 5طالبات 8 من 10

ذنبي طيبتي حرام عليكي مو 7 من 10 ادت الاغلبية 7 من 8 وكم بنت يتعدو على الاصابع اخدو كامل 8 من 8 شكلك نسيتي انو البحث من 8 ودرجتين سلوك ومواظبة واتوقع كلنا اخدنا الدرجتين دي.. كنا زي الالف في محاضرتها

[روووني]

^^^^^
من جد البحث كان عليه 8؟
كنت احسب انو زي ماقالت ذنبي طيبتي من 10 وادتنا عليه 7و8

[][..sMaA..][]

المشكلة في عنوآن البحث أحسس ..
جآري البحث عن موضوع بحث علمي منآسب ..
وعمآلين نقرأ على قولهآ :s

والله يسهل ~

[:::Zaza-.-MaZaza:::]

المشاركة الأصلية كتبت بواسطة روووني ^^^^^ من جد البحث كان عليه 8؟ كنت احسب انو زي ماقالت ذنبي طيبتي من 10 وادتنا عليه 7و8

ياهو مو هيا قالت من بداية السمستر انو على اساس نعمل بحثين !! كل واحد عليه اربعة درجات عشان هيا شايفة انو بحث واحد عليه 8 درجات ممكن يودينا في دهية وننظلم في الدرجات خصوصا انو اغلبنا كان السمستر الي راح اول سمستر ليه في القانون وعضمنا لسى طري مو واخدين على البحوث وكده,, بس لو بحثين حيكون عندنا فرصة اذا خبصنا في واحد نشد حيلنا في التاني بس طبعا الي حصل انو انزنقنا في الوقت ويلا يلا عملنا بحث واحد حتى ما ناقشتنا فيه! وهيا قالت في درجتين سلوك ومواظبة وقاعدة تهدد بيهم طول الوقت على الي عينها بس تلمحها وهيا بتتكلم ايشبك نسيتو!! 25 دوري اول 25 دوري تاني و40 نهائي و8 بحث و2 سلوك ومواظبة وكده سارو 100