رابط دبلوم التربيه الخاصه

[عذوب]

مسائكم/صباحكم عسل..
اولا ياعسولات اعتذر شديد الاعتذار عن انقطاعي عن المنتدى لشوية ظروف والله يسعد قلب كل مين سالني عني ..
سدومه فديتك <فيس خجول
ويعلم الله اني اعزك حيل حيل حيل وكل الاخوات ويارب يتحقق الي في بالكم وتتجمعون على خير في الجامعة..
ثانيا ..هذه ثالث مره اكتب الرد والجهاز يعلق او ينقطع النت << كتبته في الورد
ثالثا والاهم اني ابي اقول لكم الأتي :
1- دوره الانجليزي فقط للماستر ولم يعد من شروط لقبول الدبلوم .
رحت عمادة لدرسات العليا وسالتهم للمره الرابعة وقالو فقط للماجستير لان رئيسه قسم التربيه الخاصه مسافره وانتظرت الين داومت الجامعه الاسبوع هذا
وبعد انتهاء المحاضره سالتها انا وعدد من الطالبات عن شرط اللغة قالت لا قلت لها هو كان موجود بموقع الجامعه والعالم تخربطت قالت عطوني خمسه دقاايق اسوي اتصال عشان اتاكد وارد لكم ودخلت مكتبها وبعدها بلغتنا انه ليس من شروط الدبلوم .
2-اختبار القدرات سألناها قالت أي نعم من شروط القبول والي تبي تسجل فيه تروح لعمادة الدرسات العليا وتسجل اسمها عندهم وبعدين تسجل في مركز قياس
رحت عمادة الدرسات العليا وقالو لي الموظفات لا ابدا ابدا ابدا ماعندنا شي .التسجيل عن طريق النت سجلو في قياس هنا مافي أي شي .
وكانو معلقين لوووحه كبيرة عند صاله القبول مكتوب فيها ..
اختبار القدرات يكون بتاريخ 19/4/1431
والتقديم للبرامج الخاصه عن طريق النت يبداء بتاريخ 17/5/1431
ولن ينظر في أي طلب ترشيح مالم يرفق بدرجة اختبار القدرات <<يعني مافي قبول من غير اجتياز اختبار القدرات.
3-طريقة المفاضله سالنا رئيسه القسم ان 40% قدرات 30% تقدير 30%دورات وخبرات.قالت الفيصل في القبول بعد اجتياز اختبار القدرات هو (المقابله الشخصية ) طبعا هي بنفسها بتسوي المقابله لطالبات واكدت على ذلك .
طبعا سالت موظفات العمادة هل يشترط للدوره مده معينه يعني الدورات الي تكون اسبوع يقبلونها او لا قالت عادي عادي بس حسيتها تمشيني لاني مللتها من كثر ماسالها بس ماكو فكه بروح يوم ثاني واسال غيرها .
:اما عن اختبار القدرات طبعا الى الان ماادرج موعده في مركز قياس لازم اتابعون المنتدى اول باول وإن شاء الله الاخوان والاخوات والمشرفين ماراح يقصرون .
طبعا كيف تقدمين اول مايدرج الموعد تروحين بنك الراجحي تدفعين الرسوم (اعتقد ميه ) يعطيك الموظف ورقه فيها رقم اشتراك من تسعه ارقام << مهم لاتضيعنه
تدخلين موقع قياس وتسجلين برقم الاشتراك هذا ..
طبعا لازم يكون عندك بطاقه احوال واذا ماتقدرين يوجد البصمه .
وكيف تسوينا البصمه لما تسجلين بيانتك في مركز قياس يقولك هل تريد التسجيل ببطاقة احوال او بالبصمه الذكية
تختارين البصمه الذكيه راح يطلع لك مكان وموعد ووقت استخراجها وغالبا تكون من كلية او جامعه او المكان الي راح يكون فيه اختبار القدرات .
طبعا سالت العمادة عن طبيعة الاسئلة قالو لا نعلم ..
إن شاء الله مااكون نسيت حاجه واعذروني مره ثانيه على التاخير .