رايكم يهمني كثير...بنات...

[حبي أهل تهامة]

المشاركة الأصلية كتبت بواسطة أماني الحربي وعليكم السلام ورحمة الله وبركاته أهلين ياقلبي,تبغين نصيحتي حاولي تنزلي أوقات التخفيضات ينزلون أشياء مرة حلوة وأسعارها جنان,وإذا ماقدرتي تنزلي أوقات التخفيضات حاولي تختاري ملابس تكون على حسب ميزانيتك يعني لو أخذتي تنورة غالية حاولي يكون سعر البلوزة أقل منها,وبالنسبة للإكسسوارت والأحذية حاولي إنك ماتاخذينها من الأسواق الكبيرة لأن أسعارها بتكون غالية,في إكسسوارات وجزم ماتكون مرة غالية ومايبان عليها إنها مو ماركة.

والله اني احاول انزل وقت التخفيضات بس ما اقدر...اصلاماتهمني الجزم والاكسورات غالية او رخيصة اهم شي حلوة ما بهذلني الا الملابس...مشكورة ع مرورك

[حبي أهل تهامة]

المشاركة الأصلية كتبت بواسطة روووني طيب ياحلوه ليش ماتشتري وقت السيلز اول مايسيرالسيلز طيري على المولات ولاتشتري بس دوري وحطي افكار في راسك وبعدين اشتري كل اللي نفسك فيه ترا على طول نص السعر اغلب الحاجات شوفي انتي اول شي فين تخرجي تروحي مناسبات كتير؟ ولاطلعات لصاحباتك ولبنات خالاتك؟ ولااصلا خروجك قليل؟ ازا كنتي تروحي مناسبات كتير:اشتري فستانين للخروج بشنطتها وشوزها وجنز وكم تي شيرت للخروج العادي اما ازا كانت مناسباتك قليل مره خدي فستان واحد والباقي خدي بنطلون جينز ازرق غالي فخم اضغطي على نفسك شويه واشتريه وحيجلسلك سنين طويله الغالي يعيش وبعدين الجنز نفسو مايتغير ومافي موضات كتير واصلا موضوتو ماتخلص وخديلك كم تي شيرت كدا وازا تحبي الاحزمه كمان خديها معاه واز خروجك قليل برضو خدي جنزات وتي شيرت بس مستواها اقل بشويه وتي شيرتات بسيطه وناعمه وعموما: حطي في بالك انك تاخدي بنطلون جنز وبنطلون اسود وابيض ورمادي يعني الالوان الرئيسيه وتكون غاليه لانك حتلبسيها كتير اما الالوان الباقيه خديها بسعر اقل بشويه لانها ممكن لبسه ولالبستين وتنرمي في الدولاب وحتى الشنط والشوزات خدي الالوان الرئيسيه دايما فخمه وغاليه لانها تمشي مع كل شي وتستفيدي منها مرره كتير ولمن تخرجي لازم تفتشي دولابك قبل وتشوفي ايش اللي ناقصك من الوان وحاجات وتسجيلها في ورقه ويسير ماتضيعي لمن تخرجي وقسمي ميزانيتك شي للملابس وشي للاكسسوارات والشوزات والشنط وحاولي ماتلعبي بترتيبك الا ازا مرره حاجه غريبه وسعرها حلو وانتي اهم شي يكون في دولابك فستان ناعم للمناسبات وجنز والالوان الرئيسيه زي ماقلتلك وشويه تي شيرتات وانا رايي تكون ملابسك قليله بس محترمه وتعيش ولا انها كتيييره ومرميه في الدلاب وكلها حاجات عاديه وانتي حطي ميزانيتك على قد خروجك اول شي قوليلنا ايش نوع خرجاتك؟ وايش تحبي ؟وايش ناقصك دحين من ملابس؟ وان شاءالله يردو كمان عليكي البنات وانا ازا افتكرت شي اقولك

أول شي شكرا اختي ع اهتمامك بصراحة انا طلعاتي قليله جدا اول شي مالي اقارب في جدة ولا صحبات اروح عندهم بس في العطل وفي العيد نروح ديرتنا وهناك الطلعات كثير والجامعة طبعا في الحسبان ..بصراحة في الدولاب كثير ملابس كثير الوان الاخضر والاصفر والبنفسجي من كل لون واحدة واو ثنتين من البلايزبس الجنز ما عندي جديد كله من سنين بس باقي جديدة بصراحة غالية .وكثرة ملابس وكل شي احلا من الثاني بس ما هي حقت طلاعات لانه عرينيه ومفتوحة من جهه يعني مافي اللى كمها طويل او وسط ..اما ع الفساتين السهرة عندي اربع فسانين ..بس الابيض والاسود والفضي مرة قليلهاو ماعندي منها انا ابغي تنانير جنز وطويلة وبلايز تناسبها ...وطلعت السوق مافي اللى وقت الضرورة اما لفلفه مافي اصلا اخوان ما عندي كلهم متزوجين وابوي كبير في السن مو حق فرفرة السوق..

[ترانيم الحزن]

روحي شهر 7 هذا تقريبا وقت التخفيضات وروحي للتخفيضات من اولها عشان تلحقي على الحلو واذا اعطلك ابوك المصروف اشتري الاشياء المررره ضروري والباقي وفريه بعد العيد او لحدوقت التخفيضات راح تشتري اكثر واذا لقيتي تنورة عاجبتك وخامتها زينه اشتريها لو بـ200 راح تجلس معك طويل والباقي اشتري بلايز حلوة وتيشيرتات من سنتر بوينت وماكس حلوات ورخيصات