ياطالبات الملابس والنسيج

[بنت جدة المنكوبة]

هلا ومرحبا بطالبات الملابس والنسيج.....
إحنا فنيات معامل النسيج ......نبغى نعرف مدى تقيمكم لنا كفنيات ومدى تقييمكم للمعمل وماينقص المعامل من أدوات وأجهزة.......إلخ ....
سنحاول تقديم أفضل مالدينا......وسامحونا إذا قصرنا معكم..........
نحن ننتظر أسألتكم واقتراحاتكم......لتقديم ماهو أفضل لكم........
أنتظر ردودكم..........

[بنت جدة المنكوبة]

يعني مافيش مشاكل

[نبراس النسيج]

بالنسبة للمعامل سيئة بمعنى الكلمة وطول الوقت مقفلة والاسوء تعامل الفنية البحري مع ما يصدر من البنات غصب عنهن بالشكوى و البلبلة عند الاستاذات
كانت المعامل زمان في رحمة سقى الله على ايام زماااااااان

[طمـــــ في شموخ ـــــوح]

نبغى نعرف مدى تقيمكم لنا كفنيات :
ا/ مريم >>> ممتازة وأخلاقها عسل وتعاملها رائع
البحري >>> لا اخلاق ..لا تعامل ..لا ذوق

ومدى تقييمكم للمعمل وماينقص المعامل من أدوات وأجهزة :
حاطين ساعات للمعمل ولما نجي نلاقيه مقفل <المكتوب شي واللي يصير شي ثاني>
وتتقفل بدري التطريز الالي ياخذ وقت طويييييييل ..يعني احنا مانتاخر في الجامعة حتى نلعب بالعكس ما ياخرنا إلا الشغل والضغط..< اكيد مجربين>
ونحتاج اوفر في المحاضرة وهو المعمل اما ماتتوفر فيه الأوفر او تكون وجودها زي عدمها

سنحاول تقديم أفضل مالدينا:
نتمنى ذلك باسرع وقت.

وسامحونا إذا قصرنا معكم:
المسامح كريـــــــــــــــــــــــــــم

نحن ننتظر أسألتكم واقتراحاتكم :

ونحن ننتظر اخلاق عالية وتعاون مع الطالبات وتقديم لهن كل مايحتاجونه
( خاصة لما نطلب ادوات الماكينة الاستاذة تقول مع الفنية والفنية تقول ماعندي والطالبة
هي الضحية )

......لتقديم ماهو أفضل لكم..... يارب يتحقق وليس كلام فقط

[نسيجي ابداعي]

الله يعطيك العافية اخت شموخ ونبراس
ما قصرتو في الاجابة من جد حطيتو يدكم على الجرح
وبردتو قلبي من معامل القسم الي صايرة سجن طول الوقت مقفلة
واذا فتحت زي عدمها لا ادوات والا الاوفر ماهو ملظوم
يا الله ربنا كريم

[بنت جدة المنكوبة]

السلام عليكم ورحمة الله وبركاته شكرا على هذه الردود....وإن شا الله سيتغير كل شيء للأفضل:
أنا الفنية البحري بأرد عليكم:
1-بالنسبة لنبراس المعامل سيئة من اي ناحية؟؟وبالنسبة للشكاوي إن شاء الله ماحتوصل أي شكوى من الأستاذات إبتداءا من اليوم ولايهمك...
2-طموح في شموخ شكرا على تقيمك لأن هذا التقييم حيساعدني على تغيير التعامل للأفضل إن شاء الله......
بالنسبة للساعات المكتبية.....لو انتم جيتونا سواء انا ولا مريم حنفتح الباب لكم....والساعات المكتبية أنا أحسها ماهي كافية أصلا لشغل البنات إلي لاحظتوا إنو يحتاجوا ساعات زايدة عن هذه لساعات المكتبية.....إن شاء الله أذهب اليوم إلى للدكتورة إيناس وسأناقش معها موضوع زيادة الساعات المكتبية......
بالنسبة للأوفرات أنا ومريم بنمر على المعامل ونلضمها...وفترة قصيرة نتفاجاة إنو الأوفرات اتفكت لضمتها....فأتمنى في حالة إنقطاع الأوفر تبليغنا في أسرع وقت إن شاء الله حأحاول اليوم أمر أكلم الأستاذات والدكتورات يعطوكم أرقام جوالاتنا أنا ومريم وفي حالة إنقطاع الأور اتصلو علينا فورا........وبعض مكائن الأوفر الصناعية للأسف خربانة حاولت فيها أنا ومريم وأ-زينب حريري ولكن لاجدوى وأنا كلمت د-إيناس على أساس يجوا حقون الصيانة لإصلاحها.
بالنسبة لأدوات الماكينة للأسف ليس لدينا أي أدوات وأنا طلبت ادوات من د-إيناس على أساس بيجوني بنات يبغوا أدوات ومابيلاقوا ولللأسف في بعض الأستاذات وصلوا للدكتورة إنو إحنا مانحتاج أدوات.......حأكلم الدكتورة اليوم إن شاء الله عن الأدوات وفي حالة عدم توفير القسم للأدوات.......سأقوم بتوفير الأدوات من مصروفي الشخصي....

[بنت جدة المنكوبة]

بالنسبة لمادة تطريز آلي........أنا ومريم بنحاول نقعد ساعات أكتر علشان تقدروا تشتغلوا في مادة تطريز آلي بس إنو تشتغلوا وإحنا موجودين مرا صعب لأن هادي مسؤولية...لأن مطلوب مننا قبل لما نخرج نقفل كل المعامل...أنا ومريم بنطلب من أهالينا إنو نجلس ساعات أكثر في الجامعة......يعني انا مثلا يوم السبت دوامي في الأساس ينتهي الساعة الواحدةبس لأن لاحظت إنو البنات يبغوا يشتغلوا فسرت أجلس الساعة 4.....

بالنسبة لمعمل تصنيع ممنوع منعا باتا إنو أحد يستخدم مكائن غرفة تصنيع إلا لبنات تصنيع ........هادا الكلام مو مني هادا الكلام من أ-فاطمة حلواني ........وأنا وصلت للدكتورة إيناس إنو على أي أساس يحطوا ساعات مكتبية للمعمل تصنيع وفجأة تجيني أ-فاطمة تقلي لاتدخلي بنات غير بنات تصنيع.........فدحين حيغروا الساعات المكتبية لمعمل تصنيع وحيخلوا المعمل بس لبنات تصنيع فقط....

وأتمنى مسامحتي على مابدر مني.......

[بنت جدة المنكوبة]

وللمعلومية بعض الأستاذات الله يهديهم يقوموا بإيصال معلومات لا أساس لهامن الصحة:
مثل إنو أنا أبلغ د-إيناس وأرسلها صور عن المعامل وأكتب تقارير.......ومن دا الكلام.......هاذا كلو كلام فاضي أنا ماوصلت شي ولاأرسلت شي.....بالعكس أنا ومريم وصلنا كلام للدكتورة إيناس إنو المعامل سارت أنظف من اول ولاتحتاج إلى إستمارات التقييم....