تكلم عن تخصصك ( ارجو مشاركة الجميع )

[Bayan]

السلام عليكم ورحمة الله وبركاته...
موضوع جميل و مفيد .....وكمان اتفق مع الاخوان فالطالب ما يعرف يقدر تخصصه الا بعدما يدرس كل المواد. ....
بالنسبة لي فتخصصي محاسبة و بصراحة ماهي سهلة. . ما يبغالها فهم وبس كمان يبغالها مزاج و روقان عشان تستوعبها واهم من دا كله الميول ....
عالعموم اللي درسته الى الآن في التخصص هو ....كيف تسجل العمليات اللي تحصل في المنشأة سواء حكومية ولا خاصة و تسلسل هدي العمليات و كيف تسوي الميزانية و القوائم المالية وكيف تحسب الارباح و حاجات كتيييييييير ....و احلى حاجة كيف تقرا القوائم المالية اللي بتطلع في الجرايد و تحدد المركز المالي لها و على اساسه تقرر ربحية المنشأة واذا ينفع تكتتب فيها ولا لا ......
انا بصراحة مبسوطة بتخصصي بالرغم اني باواجه صعوبات كتيرة ......ما اقول غير الله يعين الجميع .