للاسف طلعت الاشاعات صحيحه

[Francesco82]

كلامك جميل جدا يا خالد وموضوعك احلى يا اقتصادي بالنسبة للنقطة اللي ذكرها اخونا خالد جدا مهمة وهي انو طلاب الانتساب 90% موظفين ولا يفرق معاهم التقدير ابدا ودخولهم للجامعة عشان مكانتهم العملية وطموحهم في اخذ مرتبة اعلى وزيادة في الراتب , يعني بصورة أخرى تحسين المستوى المعيشي بدون الالتفات للمستوى الاكاديمي في الجامعة وكمان تطرق الاخ اقتصادي لنقطة الاسباب اللي خلت دا الشيء يسير وانه لازم يكون فيه معدل معين (انا اقترح يكون 3,5 ) اقل من كدا اوتوماتيك يتحول للادارة العامة مع معادلة بعض المواد اللي درسها في ادارة الاعمال او انه يعملو آلية معينة تحافظ على معدلات تخصص إدارة الاعمال عموما في احصائية متاكد منها تماما واحتمال كبير تكون هي السبب في دا القرار وهي :-
التيرم اللي فات تخرج من قسم ادارة الاعمال ما يقارب 89 شخص بالضبط خمسة طلاب فقط كانت معدلاتهم فوق 4 وثمانية طلاب كانت معدلاتهم فوق 3,5 وخمسة عشر طالب كانت معدلاتهم من تحت 3,5 إلى 3,00 وخمسة وعشرين طالب معدلاتهم من تحت 3,00 إلى 2,75 والسواد الأعظم ان 37 طالب كانت معدلاتهم من 2,75 إلى 2,00 فاعتقد ان الاحصائية واضحة 32,93% بمعدل مقبول كفيل انه يكون تدخل من الجهة العليا لوقف الرصيد المتناقص من المعدل , اتمنى من الاخوان والاخوات تكون الصورة واضحة لهم ولكن حسب ما سمعت انه في قرارات راح الايام القادمة ننتظر ونشوف هذه القرارات بالنسبة للدفعات الجديدة - والله يوفق الجميع يارب ونتمنى من الجامعة قبل ما تصدر اي قرار تدرسه تماما لاننا نتمنى لاخواننا واخواتنا النجاح والتوفيق ودمتم في حفظ الله


فرانشيسكو