أرجوا الفائدة

[z7ltan]

السلام عليكم ورحمة الله وبركاته


أرجوك منكم قراءة الموضوع للنهاية،،،


وتأكدوا إنكم إنتم المستفيدين ورح تحسون براحه رهيبه

شوفوا يا الغاليين ...

أكيد إنكم شايفين الناس هالأيام كيف قاعدين يسعون ويتفننون في طلب الرزق،،

هذا راح ياخذ قرض ودخل بالأسهم وهذاك طول يومه بمعارض السيارات والثاني

احترق وجهه بالصناعيه وهذاك طاحت عيونه من كثر ما درس وسهر وتعلم ..

وهذا ما عاد يشوف أهله من كثر ما يدور بالمخططات والمساهمات العقاريه .

و و و و و .. وبصراحه ما أحد يلومهم الكل يبي رزقه يكثر وينبسط

بحياته ... وللأسف ان البعض هاليومين تخرج من الدراسة وجلس بالبيت

مع الوالدة يطبخ ويغسل ويسب ويلعن في فلان وعلان بسبب أنه مالقى مراده

في وظيفة تستر عليه وتسد حاجته بس فيه شي مهم ناس كثير جدا جدا

ما فكروا فيها .. حتى أكبر العقليات الإستثماريه ما جت على بالهم إلا من رحم ربي .

يقول الله سبحانه وتعالى:

{ فقلت استغفروا ربكم إنه كان غفارا* يرسل السماء عليكم مدرارا * ويمددكم (بأموال) وبنين ويجعل لكم جنات ويجعل لكم أنهارا * }


الإستغفار: يا ناس يا عالم الإستغفار

سبب رئيس لأشياء حلوه في حياتنا ...

حاول قد ما تقدر انك ترطب لسانك بالأستغفار

لعنت فلان استغفر

أغتبت فلان استغفر

سويت منكر استغفر

رأيت منكر استغفر

لازم الاستغفار ملازمة جازمة

أشياء ياما وياما تمنيناها .. من فينا ما يحب المطر ..؟ من فينا ما يحب

المال ..؟ من فينا ما يحب يكون عنده أولاد وبنات .؟ من فينا ما يحب

يعيش بوسط جنات وأنهار في الحياه الدنيا ...؟ هذي كلها أشياء خياليه ..

من جد خياليه .. وماهي صعبه ولا مستحيله على رب العالمين سبحانه ..

الله قادر إنه يحققها لنا .. بس إذا حققنا المطلوب منا .. وش المطلوب

منا ...؟ شي واحد وبس .. ولا أسهل منه .. {الإستغفار} والإكثار منه ..

طيب أوكي والنتيجه ..؟ أنا أقولك النتيجه: النتيجه عسى ربي يحفظك

ويسلمك إن الإستغفار سبب في نزول المطر {بإذن الله} .. وسبب في زياده

الرزق وبالعربي زيادة المال .. وسبب في إن الواحد منا يرزق بالذريه

الصالحه إن شاء الله {البنين} .. وسبب في تحول أراضينا إلى جنات وأنهار

.. وهذا مو كلامي ولا كلام الشيخ فلان أو المطوع فلان أو الداعيه فلان

.... لا هذا كلام الله سبحانه وتعالى....

في الإكثار من الإستغفار .

{استغفرالله الذي لا إله إلا هو الحي القيوم وأتوب إليه}

تخيل نفسك يوم القيامه وإنت واقف والله سبحانه يحاسبك .. وقتها تتمنى مش حسنه نصف

حسنة .. وما تدري إلا وعندك جبال كبيرة من الحسنات والأجر والثواب والسبب
الاستغفـــــــــــــــــــــــــــــــــــــار


م
ن
ق
و
ل

[احساس فنانه]

الله يعطيك العافيه على هذا النقل الرائع

[همس المشاعر]

جزاك الله خير وفعلا سبحان الله

[كريستيانو]

جزاك الله خير

[العالمي]

{استغفرالله الذي لا إله إلا هو الحي القيوم وأتوب إليه}

الله يجزاك خير

[كريستيانو]

الله يعطيك العافيه