طالبات دراسات طفوله ارجوا المساعده

[فرفشة]

طالبات دراسات طفوله كيف المواد الي فيها نظري وعملي كيف التقييم في العملي والدرجات يكونوا مشددين عليها يعني تقييم دقيق والا الاستاذة تساعدك وتفهمك ويكون التطبيق في الجامعة والا برا الجامعة والعملي كيف دسم ولا ممتع يعني يطلبوا منك شغل كثير وطلعات برا الجامعة كثير
واش اكثر مواد نظريه ولا عمليه ساعدوني في معلومات اضافيه عن التخصص
جزاكم الله خير

[متزوجة!!!!!!!]

شوفي ياحلوة التخصص مررررررة حلو يفيدك في حياتك كمان اكثر من مجال الدراسة والعمل بالنسبة للمواد في مواد نروح فيها زيارات زي اماكن ذوي الاحتياجات الخاصة ومعهد الامل وكذا وبالنسبة للتدريب العملي انا دوبي مخلصة تدريب مررررة انبسطنا في التدريب ودرجاتي الحمدلله مرة حلو ولاتنسي انو كل وحدة تاخذ على قد جهدها وتعبها وبالنسبة للتدريب يكون في روضات برا الجامعة تداومي فيها 3 ايام في الاسبوع بالنسبة للشغل اكيييييييييييييييييييييد يطلبوا يبغالك تشتري 4 طابعات وكرتون حبر بس تكتبي وتطبعي وفي شغل عملي كمان بس حلو يفيدك اتمنى اكون افدتك لاتنسيني من دعواتك وادعيلي ربي يسهل حملي وولادتي

[ساكنه في بيتنا]

المواد فيها العملي و فيها النظري .. بس العملي اكتر بكتيييييييييييير ,,

النظري دسم .. مو صعب لا بس معلوماته كتير ..

الدرجات و التقييم على حسب كل استاذه بس غالبا و اكيد لازم الشغل يكون مرتب و فيه شويه ابداع ..

الحمد لله استاذاتنا اغلبهم متفهمين بس فيه كم وحده جات جديده السنه يقولوا البنات مش ولا بد ..

مممممممممممم التطبيق فيه برا الجامعه زي مراكز الإعاقات بأنواعها وممكن زياره لدار الأيتام ..... حسب الماده و اللي تكلفكم بيه الاستاذه ..

فيه كمان تطبيق يكون في مركز الطفوله في الجامعه .. يدربوكي كيف تتعاملي مع الأطفال في النشاطات النختلفه ( قصه - مسرحيه - إثاره تفكير .... ) ..

من ناحيه ممتع ولا لا جدااااااااااااااااااااااااااااااااااااااااااااااا ممتع بس متــــــــــــــــــــعـــــــــــب جدااااا فيه تكاليف للييييييل بس لو حبيتي القسم راح تكوني مبسوطه و انتي تعمليها ..

[فرفشة]

عندي كم سوال وطبعا ماتقصروا... الشغل يكون فردي ولا جماعي ؟ والتطبيق العملي يكون تقريبا في كل سمستر ؟ ولمن تطبقي تخرجوا مع بعض برا الجامعة او مع الاستاذة او فردي كيف اشرحوا لي كيف التطبيق يعني يكون ايام ماتحضري الجامعة تداومي برا للتطبيق ولا كيف ؟ وش الاماكن الي تروحونها ؟ اش تسوا فيها من اعمال ؟ متى تروحوها صباح او عصر ؟تروحو رياض اطفال اهليه يقبلوا ؟او انتوا تروحوا مع الاستاذة يعني هي تحدد مكان ؟ اجباري تروحيه والي ماتقدر كيف ؟لمن يدربوكي تتقيمي عليه ولا لا ينبهوكي على الاغلاط او انك على طول تتقيمي عليه؟ واش مركز الايتام الي رحتوها او تعرفوها احتاج اساميها او ارقام التليفونات بليز ضروري؟ ارجوا تساعدني وتدعولي لانوا على فكرة انا حابه اسوي شي في التخصص انا الحين مو افكر في التخصص بس طموحي بعد التخرج اشتغل ابغى اسوي شي يفيدني ويخدم ديني ومجتمعي ولحد الحين سفينتي مارست على احدى القرارين محتاره بين دراسات طفولة وتربيه خاصه بس لحد الحين ماحد فادني على تربيه خاصه يعني ماعندي معلومات عنها هل فتحت او لا ؟المشكلة ماهي عندنا في الفيصليه ماني قادره اوصلها فودي تقولوا لي رايكم في التخصصين واذا عندكم اي معلومه تفيدوني بها والأهم تدعولي انا الله ييسر لي ويثبتني للي فيه الخير يارب قبل هاذي الاسبوعين لانوا اسبوعين ويقفل التسكين ومحتاره لدرجة مو طبيعيه سامحوني على الاطاله وتسلموا الله يبلغ كل وحده مرادها... لاتنسوني من دعائكم خاصة في قيام الليل مره مستحيه من نفسي حاسه اني ثقلت عليكم بس يا رب يرزقكم بها الفردوس الاعلى

[ساكنه في بيتنا]

^_^

ربنا يوفقك و يحققلك طموحك و ييسرلك الخير ..

شوفي يا ستي العملي على حسب الماده و الأستاذه فيه الفردي و فيه الجماعي و أحيانا الماده الواحده يكون فيها تكاليف جماعيه و تكاليف فرديه ..


التطبيق مو كل سمستر بالضبط ,, يعني على حسب المواد اللي نازلتلك ..

واكيد طبعا اجباري تنزلي التطبيق لأنو يكون عليه جزء من درجات العملي في الماده .. و طبعا الأستاذه تروح معانا بس عاد كل وحده بمواصلاتها .. تروحي مع صحبتك مع جدتك مع خالك مو مهم المهم توصلي للمكان المطلوب

نروح مراكز الاحتياجات الخاصه .. و نروح احيان الجمعيه الخيريه لدار الأيتام .. و نروح كمان زياره لكم مدرسه أهليه معتبره << على حسب استاذه الماده .. ممممممممم دي الأماكن اللي في بالي تحين ..

طبعا الاستاذه هيا اللي ترتب معاهم كل شي و تعطينا الموعد .. غالبا يكون في نفس وقت المحاضره العملي ..

و اكيد انو حتكون الزياره في الصباح ..



اذا قصدك على التقييم في التدريب .. يكون التدريب على مراحل .. اول اسبوعين مشاهده يعني ماتعملي ولااااشي بس تلاحظي كيف التعمل و تكتبي ملاحظاتك الذاتيه عشان لما تكوني انتي المعلمة الاساسيه تكوني مرتبه نفسك .. بعدين اسبوع معلمة ظل .. يعني تساعدي معلمة الفصل في اي شي .. بعدين يبدأ التدريب اللي من جد و تصيري مسؤوله عن الفصل كله و الأطفال .. و طبعا كل شي تعمليه سواء تغييرات في الفصل ولا في سلوك الأطفال انتي محاسبه عليه امام الله و امام الاستاذه حقتك ..

--------

التربيه الخاصه حلوه .. و مستقبلها بإذن الله كمان حلو .. اتتقد موجود في الدبلوم التربوي في الجامعه << مو متأكده 100% ..

ممكن تدخلي دراسات طفوله و بعدين تكملي ماستر في التربيه الخاصه و تكوني كسبتي الاتنين ..

حلو يكون عندك طموح .. بس رتبي امورك اول و ارسي على بر و اختاري التخصص اللي ترتاحي فيه ..


الله يكتبلك الخير و ييسر امرك ..