جامعه الملك عبد العزيز ام الكليه لكفايات

[يارب اسالك التوفيق]

ايهما افضل حضور اختبار كفايات في جامعه الملك عبد العزيز ام كليه التربيه من ناحيه سماع الصوت _ المراقبات _ النظام _ الوقت وغيره افيدوني جزاكم الله خير

[بنت جدة المنكوبة]

صراحة ماحتلاقي جواب يريحك من البنات
أنا حأتوكل على الله وأسجل في كلية التربية

[أحبك يا الله]

أنا حقيقة اختبرت في الكلية وكان كل شيء الحمد لله مريح بس كانت مسألة الصوت مشكلة لبعض البنات لكن أنا كنت جالسة يمكن 3صف تقريبا وكان واضح عشان كده أحسن تروحي بدري وتجلسي قدام والشيء اطلبي من المراقبة إنها ما تسمح بالكلام وقت السماع لأنو لمن اختبرت في مقطع بعد ما خلص اتكلموا البنات بصوت مرة عالي كانوا يقولوا للمراقبات ما مدانا نسمع وضيعوا علي السؤال الله يهديهم ما قدرت أسمع السؤال والمراقبات قالوا ما يقدروا يعيدوه، مع أنهم كانوا طيبين ومتعاونين ومرة مهتمين الصراحة، الله يوفقكم وأحسن شيء الواحد يستخير الله في التسجيل.

[راسين]

انا اختبرت القدرات في الكلية وكان الصوت سيء

والجامعة اختبرت فيها الكفايات كان الصوت احسن من الكلية وعالي

اهم شيء تكوني مرتاحة للمكان وكل شيء يهون

موفقين ان شاء الله

[miss T]

أنا اختبرت في الكلية وكان كل شي مرتب ومنظم وحاطين الوقت والمراقبات كانوا طيبين ,,, بس مثل ماقالت الاخت الي قبلي اجلسي في اول القاعة عشان الصوت.... ماعندي فكرة عن الي اختبروا في الجامعة

وبالتوفيق للجميع

[شتاء يختزن الرعود]

ماعاد فيه سعه بالجامعه اللي باقي ما اختارت المقر تتوكل على الله وتاخذ الكليه

انا حذف تسجيلي بالجامعه وماعاد حصلت مكان ..

اخترت الكليه ..