الماستر ام الاعادة حيرة بينهما

[عماد الحسن]

أفكار طيبة جداً من الأخوات http://www.skaau.com/vb/member.php?u=119199 و http://www.skaau.com/vb/member.php?u=5862 وفقكم الله وهي عن خبرة وتجربة

ولو أمكن لكم الجمع بين الاثنين فهو خير ونعمة، ولو لزم الاختيار بينهم فأعتقد المعيدية أفضل حسب رأي الأخوات والله أعلم... وننتظر خبر اتصالكم بالجامعة في المدينة لتحديد الصورة والوضع الحالي.

[همس المشاعر]

معيدة لازم تكملي ماجستير وهو الافضل يعني انتي كسبانة الاثنين ويحق لك من اول سنة طلب الابتعاث الداخلي والتفرغ للدراسة

[lavita]

طامحة للدكتوراه الله يبارك فيك ويحقق لكي امانيك جزاك الله خير ووفقك الله في الدنيا والاخرة ويارب تصيري دكتوره ..انا عارفة اني مطالبة باكمال الماستر بس هم يبغوني اخذه من الخارج وانا ظروفي ماتسمح اسافر عرفتي فكنت خايفة لا يروح عليا الماستر هنا يعني حاطة في بالي اني وظيفتي مؤقته
لكن عموما اتصلت عليهم قالوا لي انتي الثانية (احتياط) لا افهم لهذه الجامعة فقبل امس ارسلوا لي يطالبوني باعادة ارسال اوراقي لا وضروري جدا ترسل في الصباح الباكر وقمت بارسالها لهم والان قالوا لي ربما نأخذك

lotysweet الله يوفقك يارب في الدنيا والاخرة وجزاكِ الله خير وأعانك الله دوما على فعل الخير..صح والله الحصول على وظيفة صعب بهذا الزمن والفرصة تجي مرة واحدة بالعمر ان احسنتي استغلال الفرص كان بها..اما الحاصلين على ماجستير ولم يجدوا وظائف حرام عليهم ليش مايوظفوهم رغم انه مؤهلم عالي هم اولى حتى من البكالوريوس ..والله يبارك فيكي ويوفقك بدراسة الماستر وتنجحي بممتاز مع مرتبة الشرف الاولى وصح اتأخر قسمك بالسماح لكي باكمال الماستر بس خير لكي اكيد ..تصدقي يا lotysweet ذكرتيني من خلال كلامك لما بتقولي كده كده حتكملي ماجستير انا مرة رحت مقابلة شخصية رفضوني رفض نهائي وامام عيني حتى ما احترموا مشاعري قالت الدكتورة لا يافلانة لا تخليها توقع تقول انها ماتقدر على الابتعاث الخارجي مع ان اسمي الاول بين المرشحات حطمتني دي الدكتورة الله يسامحها عشان كدة صرت يائسة من وظائف الاعادة وفي جامعة طيبة لما سألوني (قلت لهم ان شاء الله ) ..ولا تخافي علي من ناحية العين لن يصيبنا الا ماكتب الله لنا والله يحفظك انتي كمان من العين

استاذ عماد الحسن الله يوفقك يارب ويسهل لك دراستك جزاك الله خير على مساعدة الاعضاء وجعله الله في ميزان حسناتك ..والحمدلله اتضحت الصورة فانا الان على الهامش كما يقال ان احتاجوا لي اتصلوا عليا لاني الثانية واحتمال يحتاجوني انا والاولى حسب الوظائف الشاغرة ولكن الحمدلله اني ما استعجلت وعملت تأجيل ..سببوا لي ارتباك على الفاضي لا واختي تقول لي اتصلي على رئيس القسم (يالها من ثقة ) عموما الخير فيما اختاره الله سبحانه وتعالى

همس المشاعر الله يوفقك يارب وجزاك الله خير ..واعانك الله على فعل الخير والحمدلله اني طلبت مشورتكم وفعلا لا خاب من استشار طبعا بعد استخارة رب العالمين ..وانا اقتنعت بكلامكم وقلت اضرب عصفورين بحجر واحد
شكرا لكم جميعا والله يوفقكم يارب وكل عام وانتم بخير بمناسبة اقتراب رمضان والله يبلغنا رمضان ويوفقنا لطاعته امين يارب

[lotysweet]

لو سألوك تكملي دراسة برا قولي اية اكمل
احنا رجونا وهم يقولون لازم دراسة برا وبالاخير تراجعو عن قرارهم ورضو ناخذ الماستر هنا بس شرطهم الدكتوراة من برا عالعموم انتي اذا احد سألك قولي اكمل برا لية ههههه
هم اصلا مالهم كلمة واتوقع حتى الدكتوراة بعد كم سنه بيسمحون ندرسها هنا بس انا حلمي اسافر عشان اخذ لغة
الله يوفقك يارب بس انتي استغفري كثير وان شاء الله بيتصلون فيك

[همس المشاعر]

عادي وقعي على ابتعاث اهم شي خذي الوظيفة وبعدين عندك فرصة الحصول على قبول

والله يختار لك الصالح