فصل الصيف بدون مواد تخرج

[havanamoon]

يابنااااات ماكانكم ملاحظين ان الفصل الصيفي الرهيب العجيب دا بدون مواد تخرج والا كيف؟ واغلبهم منزلين مواد من المستويات الاولى يعني مو اول كانوا يرجونا الاولوية للخريحات طيب دحين فين موادهم ليه مانزلوها فين المودرن والبراكتيكم 2 يعني الخريجات الي زينا مالهم رب انا باقيتلي 3 مواد ومانزلو المادتين دي مو معقولة اقعد ترم كامل عليها فدي الحالة الطالبة الخريجة الغلبانة اش تقدر تسوي والله القسم دا تهاويل

[havanamoon]

يانااااس محد يدري ازا بينزلوا مادة مودرن وبراكتيكم 2 والله حرام ماتبقالي الا المادتين دي وانا تخرج

[لولو الحلوة]

ألحين أبغى أعرف في ترم صيفي ولا لأ

يعني والله حاسة حالي ضايعة

ألي عندها معلومة أكيدة ياريت تقول

[-amal-]

يا ماما خلاص نزلت المولد يعني فيه صيفي
روحي قائمة الشعب وشوفي المواد

[LAURA H]

هي قصدها عن الانتساب في أو لا؟؟

[لولو الحلوة]

إيوا أنا قصدي عن الإنتساب وفرحانة أنا وجهي ناطة للأودس

أبغى أشوف المواد اللي إنزلت هههههههههه ماإنتبهت إن البنت إنتظام

[لبىَ : my HearT]

والله من جد شـي يقهر ، انا بقي لـي مودرن وسيمنار وبراكتكم 2 ولا وحده من هذي منزلينها

واخر مره عملو صيفي نزلو هذي المواد ، وربي شي يقهــــر ... بس الله يعيننا نقعد ترم كامل عشان مادتين ولا ثلاث ..

[Brilliant Shores]

^
^
^

نفس الحالة بس متأملة خيـــــر يمكن ينزلوها جربوا كلموا د.رندا على اساس نقنعها انها تنزل لنا اياها وربنا يحنن قلبها

ويهديها وتنزلها،،،، في كل الاحوال خيرة سواء نزلت او ما نزلت وربنا يكتب الي فيه الخير ،،،،

[Rona]

مافي مواد مستويات اولى !!!!
انا المفروض دحين اخد Writing2 -Reading2 مااافي ؟؟

[Brilliant Shores]

رونا قلبي فيه رايتنق2 بس ريدينق مافيه وارجعي أتأكدي من قائمة الشعب الدراسية ،،،،مووفقه بإذن الله