وش المطلوب في شكسبير

[abohalah2020]

الأخوان اللي درسوا مادة شكسبير ياليت تبينون لنا وش المطلوب في هذي المادة
لأني الصراحة احترت بين المواضيع اللي مطروحة في المنتدى وبين الموجود في موقع الجامعة
لأن في الموقع المقرر هملت والمعبد واليلة الثانية عشر
بس في الموقع سيرة شكسبير الذاتية وأغلب مسرحياته
فصار الواحد محتار ما يدري وش يقرا وش يخلي

ياليت تعطوننا فكرة عن المنهج وعن دكتور المادة وطريقته لأهل الخبرة

[aziz101]

هاملت و الليلة الثانية عشره
بنسبة للاختبار 14 سؤال
10 عن هاملت
نصيحة أشتري القصتين من العبيكان متجرمة وتسلى عليها من الان

[حبيتك تنسيت النوم]

الماده نفس الدراما بالضبط وهي عباره عن مسرحيتين تدرسها

بخصوص الأنتظام الترم هذا

د. فيزو طلب مسرحيتين 1 - جوليو سيزر 2 - تاجر البندقية

سيد أحسان طلب منا برضوه مسرحيتين 1- هاملت 2 - الليلة الثانيه عشر ولكن زاد عليها تاريخ الدراما

على العموم اذا تبغى نصيحتي .. روح لمكتبة اشراقات اللي مواجه الجامعه بالضبط تحت كوربي الخشب .. واشتري المسرحيات اللي مترجمه .. يعني الصفحه اليمين أنقلش واليسار عربي .. لأن المسرحيات مليناه بالجمل المزاجية والتعابير والامثله اللي صعب تفهمها لو ما قد مرت عليك

انا جربيتها في هاملت وتولفث نايت والحمدلله فهمت المسرحيتين واستعمت بقرائتها

بالتوفيق ان شاءالله .

[بريد الشرق]

موضوووع جا بوقته يعطيكم الف عافيه
الاخ حبيتك تنسيت اليوم
انا عنديي مكتبه لهاملت منزلها من جهود احد الزملاء هنا بالمنتدى وبينها مسرحية هاملت لكن الليله الثانيه عشر مالقيتها هل لها مسمى ثاني او لا
طبعا مترجمه عربي ترجمة مصاريه او فلسطينيين مدري
المهم هل هي نفس النص المسرحي او لا

[حبيتك تنسيت النوم]

لا مالها اسم ثاني .. هي معروفه أشهر المسرحيات الكوميديه لشكسبير The Twelfth Night

وبخصوص الترجمه .. هي واضحه وعربي فصحى

بالتوفيق ان شاءالله

[abohalah2020]

مشكورين مشكورين الله يحفظكم
لاني ودي من اليوم أبدأ اركز عليها
علشان نعدي هذي المادة

والله يفرجها

[حبيتك تنسيت النوم]

والله نصيحة من مجرب اقرى من الان

انا قريت قبل بداية الترم وحسيت اني ارتحت كثير وصرت اتابع شرح الدكتور وانا عندي خلفيه كامله عن المسرحيه

على العموم ترى هاملت موجوده في مكتبة الجامعه لا تشتريها , استعيرها واقرى فيها واذا حسيت انها نفعتك .. روح واشتري تولفث نايت لأنها ماهي موجوده في المكتبه واخبر ان قيمتها 30 ريال من اشراقات .. او روح مكتبة الامين تبيع كتب مستعمله يعني ممكن تاخذها بـ 15 ريال

والله يوفقك ويوفق الجميع ان شاءالله

[english man]

جميل يعطيك العافية

[abohalah2020]

المشاركة الأصلية كتبت بواسطة حبيتك تنسيت النوم والله نصيحة من مجرب اقرى من الان انا قريت قبل بداية الترم وحسيت اني ارتحت كثير وصرت اتابع شرح الدكتور وانا عندي خلفيه كامله عن المسرحيه على العموم ترى هاملت موجوده في مكتبة الجامعه لا تشتريها , استعيرها واقرى فيها واذا حسيت انها نفعتك .. روح واشتري تولفث نايت لأنها ماهي موجوده في المكتبه واخبر ان قيمتها 30 ريال من اشراقات .. او روح مكتبة الامين تبيع كتب مستعمله يعني ممكن تاخذها بـ 15 ريال والله يوفقك ويوفق الجميع ان شاءالله

مشكور والله يالغالي قريت ردك الاول وعلى طول رحت لمكتبة جرير لكين لقيتها قفلت
لكن من بكرة بعون الله وتوفيقه اروح اجيب المسرحيتين واقراها

مشكور الله يبارك فيك