مهم شباب طالب مستجد أرجو الإفادة

[sharbib2010]

السلام عليكم ورحمة الله وبركاته ,,,,
الله يعطيكم العافيه بس أنا حاب أسئل عن الجامعه وكيف الدكاتره فيهااوكيف الدراسه في الجامعه بالنسبة للإنتساب صعبه ولا سهله الدكاتره معقدين ولا طيبين الأسئله صعبه ولا سهله تنصحوني بالجامعه دي ولا لا الخدمات في الجامعه كويسه ولا لا الله يعطيكم العافيه أفيدوني بكل إلي تعرفوه
وأكون شاكر لكم

وإيش التخصصات إلي لها مستقبل حلو من إدارة أعمال وإدارة عامة وإدارة وتنظيم وتطوير

[لحظات]

نفس السؤال لكن مع أضافة هل فيه خطه للمنهج أم الكتاب كامل معنا ؟

[Master Sword]

والله يالغالين زيها زي أي جامعة في العالم فيها الدكاترة الممتازين وفيها الدكاترة السيئين الاهم من هذا كلها أن تتوكلوا على الله وتبدون تكملون دراستكم

كلية الاقتصاد والإدارة
قسم الإدارة عامة سهله وتمشون فيها بالراحه بس فيها كم مادة علمية يبي لها مذاكرة والباقي سهل

إقسم إدارة الأعمال يبي لها مجهود ومذاكره قبل الاختبارات وكثيره موادها العلمية الكن مستقبلها ممتاز

وأغلب تخصصاتها ممتازة ومرغوبة مثل الموارد البشرية والتسويق وادارة الاعمال الدولية

أخوي لحظات أنا في المستوى السابع وماعمري فتحت أي كتاب كل مذاكرتي معتمد على الملخصات والحمد لله أموري ماشية تمام


بالتوفيق ،،

[sharbib2010]

طيب كيف بتجيبو الملخصات والكتب وإيش أحسن مكان لأنو أنا من المدينة وماني علرف كيف وقدمت في جامعة طيبة
بس قالولي إنهااا سيئة مره من كل النواحي

[tory]

اول شي تعدي السنه التحضيريه وبعدين بتتخصص على حسب معدلك

وان شالله تدخل التخصص اللي تريده واذا كان على الملخصات بتلاقيها في المنتدى والكتب بتشتريها من المكتبه

اما على حالة الجامعة فيها امور حلوه وفيها امور سيئه

وبالتوفيق

[عاشقة الشموخ]

الجامعه حلوه وسهله لو شديت حيلك


وفيها المدرسين الممتازين والي غير ممتازين




وبالنسبه للاقسام انا موارد بشريه قسمي حلو مره والحمد لله بس لازم مذاكره ومجهووود


اما اداره اعمال قسم سهل جدا


وبالتوفيق


وخليك متابع المنتدى هذا باستمرار راااح يفيدك كثير

[Master Sword]

المشاركة الأصلية كتبت بواسطة sharbib2010 طيب كيف بتجيبو الملخصات والكتب وإيش أحسن مكان لأنو أنا من المدينة وماني علرف كيف وقدمت في جامعة طيبة بس قالولي إنهااا سيئة مره من كل النواحي

الملخصات تحصلها
في دار الهدى مكتبة مقابل الجامعة في جدة
مكتبة هاني عرب موجودة الانترنت تنزل منها الملخصات وتطبعها
المنتدى وفيه قسم خاص بالملخصات تنزلها وتطبعها مباشرة

وبالتوفيق