تنصحوني بتخصص الانظمة ؟؟

[Bent Al-jam3ah]

السلام عليكم ورحمة الله وبركاته

مرحبا بطالبات وطلاب قسم الانظمة ..
انا راح ادخل بالموضوع على طول .. انا خلصت السنة التحضيرية وناوية اتخصص انظمة لانه مررة حابة هذا التخصص .. لكن المشكلة فيه كثير ناس قالوا لي انه صعب وكلامه كثيير ويبغاله حفظ كثير .. طبعا هذولا الناس كلهم مايدرسوونه لكن على قولتهم يسمعون هذا الكلام من اصحابهم .. انا قلت مالي غير انتوا تساعدوني في هذا الموضوع وتعطوني كلمة حق .. ابى اعرف دراسته صعبة والا لا وهل الحفظ فيه كثير والا لا ..؟
انا مرة حابة ادرس الانظمة والقوانين حتى لو قالوا ترى مالها مستقبل بس الموهم ادرس شي احبه .. ياليت تفيدوني وتشرحوا لي شوي عن هذا التخصص من وجهة نظركم انتوا المجربين ..
الله يوفقناا كلنا ويكتب لنا الي فيه الخير ..
مشكورين مقدما ..

[violllet]

عزيزتي للاسف انو حكاية صعب أو سهل نسبية و حفظ أو فهم كمان شي نسبي يختلف من شخص لشخص في ناس تحب تفهم و تعبيرها و صياغتها القانونية جيدة و في ناس بالاضافة الى الفهم يحبوا يحفظوا نصياً.. ومعروف في القانون نسبة كبيرة حفظ و بديهيا عمرو ما يصير الحفظ بدون الفهم ..
انتي دوري عن الأجابات جواتك لانك تعرفي نفسك كويس .. واهم شي تحطيه في الاعتبار انك تدخلي تخصص تحبيه حتى لو كان ذا التخصص صعب .. مافي شي بارد مبرد لازم تتعبي ..
<<شخصياً اعتبر التخصص رائع جداً لانو ببساطه هوه اللي انا كنت ابغاه من ايام المراهقة الأولى و لاقيه نفسي فيه ..

و بالتوفيق ..

[Brave Heart111]

طيب ياريت احد يفيدنا بحكايه الوظائف المتاحه له بالنسبه للبنات

[بحر الحرية]

أهلن أختي..
أول شي وقبل كل شي الله يكتبلك اللي فيلوو الخير ياارب، سواء ف القانون ولا غير القانون..

تاني شي.. بالنسبة للتخصصات بشكل عام، كل تخصص له سلبيات وإيجابيات، إنتي تشوفي السلبيات والإيجابيات وتخلي نفسك فيها، يعني بالعربي مافي تخصص كامل، ونصيحة مني خلي كلام الناس على جنب وبعييييييييييييييييد عنك، تراا انتي اللي بتدرسي وانتي اللي حتتعبي وانتي اللي حتخرجي وتتوظفي مو أحد غيرك، والناس ما عندهاا إلا داا التخصص صعب وداا مالوو مستقبل وداا مافيه إنتاجية وكلام غبييييي

بالنسبة لتخصص القانون، يعتمد على الحفظ والفهم، يعني مافي لا يمكن يكون بس حفظ وتسميع وخلاص، لأنه يعتمد على المعلومات المحفوظة وفهم كيف تركيبها وكيف تتوصلي فيها لنتيجة وحكم صحيح وواضح..

بالنسبة لياا.. التخصص جداا رااااااائع ومناسبني وما تندمت إني اخترته، والحمد لله مني حاسس فيه بأي صعوبة، بس تراا أكتر اللي ما يعجبهم التخصص، ما يذاااااااااكروو إلا يوم الاختباار ولا قبله بكم يوم، والتخصص داا ما يصلح فيلوو كداا، يعني على قولتهم سهل ممتنع..

ولو تبغي نبذة عن التخصص بشكل عام، فيه منهج اسموو مبادئ القانون، يعني أحس فيه توضيح للتخصص بشكل عام، وتقدري تحملي ملخص الكتاب داا من المرفقات..

استخيري واستشيري بس خلي القرار قراارك انتي ولا تخلي أحد يتحكم ف اختياارك، ولو كنتي مقتنعة ف التخصص وداخلة عن رغبة، مو بس للقانون، لأي تخصص ف العالم، تراا راح تبدعي فييييييييه..

الله يوفقك ياارب ويسهل عليكي ويكتبلك اللي فيه الخير؛؛

بحر الحرية..

[مستر ^_^ ألم]

المشاركة الأصلية كتبت بواسطة violllet .. <<شخصياً اعتبر التخصص رائع جداً لانو ببساطه هوه اللي انا كنت ابغاه من ايام المراهقة الأولى و لاقيه نفسي فيه ..

:2 : ايام المراهقة

[violllet]

^ ^ ^

ايوه ايوه من ايام المراهقه ع بالك مراهقتنا زي مراهقتكم كنا شايلين هم المعلومات اللي لسى ما عرفناها في الحياة << تعقيييييييييييد هع

[مستر ^_^ ألم]

تعقيييييييييييد
طيب حصل خير بس مو كذآ قصدي .. >> ماقلت مراهقتكم ولامراهقتنا ... على ايامي المراهق كان يتعلم يدخن ...
آيام المراهقه (بالاصح فترة المراهقه) الانسان يكون خارج عن السيطرة .. هـــع

[يانووو]

اول شي التخصص ماشاء الله المستقبل امامه واااااااااسع...
وبالنسبه للطالبات صدر قرار بالسماح لهم بالمرافعات...

اما بالنسبه لصعب وسهل...
مافي شي حلو يجي بسهوله..!!!!
في السهل وفي الصعب وفي دكاتره كويسين وفي دكاتره سيئين ومحتكرين مواد...
كل اللي يبغالو : حفظ بفهم+المصطلحات تكون ممتازه عندك+التعبير ايضا لو دور كبير خصوصا انو الاسئله المقاليه ياكثره ودا شي اساسي+الصبررررر

[قلبي محروق حرق]

القانون صعب لكنه ماهو كيميا ولا اختراع سلاح نووي

أهم شي قبل ما تضيفي أي مادة أسألي عن الدكتورة أو الدكتور إللي يدرسها

لأنه بعض الدكاترة يكرهك اليوم اللي اتخصصتي فيه قانون..وبعضهم على العكس تماما..

اتوكلي على الله قانون :) ..