الحمد لله يارب ,باركولي حبايبي انقبلت بالكلية , جاوبوني على كم سؤال لو سمحتو <3

[ramy lazoz]

السلام عليكم
حبايب قلبي كيفكم ايش اخباركم ..ان شاء الله تمام مع بداية الاجازة ؟؟
ابدأ بموضوعي على طول , الحمد لله انا من الله علي وطلع التسكين ودخلت تصاميم بيئة مع العلم كانت اول رغبة ,
ومتحمس كتير لها بس قلولي ايش مواد اول سنة لينا ؟؟ وايش مضمونها وكيف اكون مميز فيها وما تنزل على a+
دحين هم الثانوية والقدرات والتحصيلي والسنة التحضيرية انشال عن قلبنا بس الي خايف منو دحين اختبار القبول والمقابلة الشخصية لو اخترت قسم عمارة, كيف حيكون طبيعة الاختبار ايش مضمونو ؟؟
في شي اسمو حزف واضافة اقدر استفيد منها ولا خلاص حما يحطولي واريح نفسي , بالعربي في زي السنة التحضيرية دا دكتور كويس دا دكتور مو كويس وممكن انقل ولا كلهم سواسية
ويعطيكم الف الف عافية يارب وانا مستني اجاباتكم


الحمد لله يارب على عدد ما يكون وعلى عدد الحركات والسكون

[xanaza6]

يعني احنا مع بعض سوا ^.^ مبروك القبول, الف مبروك خيوووو نشوفك في الكليه إن شاء الله

المواد الاساسيه في السنه العامه: Ar190 - ar191 - la121 - urp130 - la141 "طبعا المواد الباقي الغير اساسيه هي العربي والثقافه الاسلاميه"

ar190: اتصال بصري, ندرس الرسم باليد ونتعلم الادوات الهندسيه وتطبيقاتها
la121: مقدمه لتصاميم البيئه
la141: الانسان وعمارة البيئه
urp130: تطوير البيئه المبنيه
ar191: اسس التصميم

اختبار القبول والمقابله الشخصيه خلها مو وقتها, السنه الجايه إن شاء الله ^.^ اكيد في دكاتره زينين وموزينين ولكن المنظور لها ناحيه شخصيه بحيث ان الطالب عجبه دكتور معين وماعجبه غيره. وطالب غيره العكس. الصراحه الحضور والتدرب هي اللي تخلي الواحد زين بعد توفيق ربي, وطبعا الحمدلله على كل خير ومره ثانيه مبروووك على قبولك. حيعطونا يوم تعريفي بالكليه والاشياء هذي. عن الحذف والاضافه انا لسه مستني الاجابه. لكن الامور حتوضح فلا تشيل هم !.!

[سلطان خالد]

وعليكم السلام ..
مبروووووووك للجميع ..

إن شاء الله تتوضح الامور اكثر خلال الايام القادمة..

نشكر الاخ / xanaza6 على التوضيح .. ^_^
يلا نشوفكم بالكلية إن شاء الله :)

[xanaza6]

المشاركة الأصلية كتبت بواسطة سلطان خالد وعليكم السلام .. مبروووووووك للجميع .. إن شاء الله تتوضح الامور اكثر خلال الايام القادمة.. نشكر الاخ / xanaza6 على التوضيح .. ^_^ يلا نشوفكم بالكلية إن شاء الله :)

وعليكم السلام ويا هلا فيك ^.^ اجل الحين اعتقد عددنا خمس اللي اعرفهم دارسين معانا

نستنى نشوف وين الباقين, مبروك على القبول خيو

[ROBOT]

يا ليت احد عنده اجابة عن الحذف والاضافة

[مجرد جامعي]

وأنا معاكم كمان أخوكم سلطان

اسأل الله أن ييسر أمورنا أجمعين ويجعلنا متعوانين فيما بيننا .

[xanaza6]

المشاركة الأصلية كتبت بواسطة مجرد جامعي وأنا معاكم كمان أخوكم سلطان اسأل الله أن ييسر أمورنا أجمعين ويجعلنا متعوانين فيما بيننا .

مبروووووووووووك سلطان ^.^
وامين إن شاء الله

[ramy lazoz]

المشاركة الأصلية كتبت بواسطة xanaza6 يعني احنا مع بعض سوا ^.^ مبروك القبول, الف مبروك خيوووو نشوفك في الكليه إن شاء الله المواد الاساسيه في السنه العامه: Ar190 - ar191 - la121 - urp130 - la141 "طبعا المواد الباقي الغير اساسيه هي العربي والثقافه الاسلاميه" ar190: اتصال بصري, ندرس الرسم باليد ونتعلم الادوات الهندسيه وتطبيقاتها la121: مقدمه لتصاميم البيئه la141: الانسان وعمارة البيئه urp130: تطوير البيئه المبنيه ar191: اسس التصميم اختبار القبول والمقابله الشخصيه خلها مو وقتها, السنه الجايه إن شاء الله ^.^ اكيد في دكاتره زينين وموزينين ولكن المنظور لها ناحيه شخصيه بحيث ان الطالب عجبه دكتور معين وماعجبه غيره. وطالب غيره العكس. الصراحه الحضور والتدرب هي اللي تخلي الواحد زين بعد توفيق ربي, وطبعا الحمدلله على كل خير ومره ثانيه مبروووك على قبولك. حيعطونا يوم تعريفي بالكليه والاشياء هذي. عن الحذف والاضافه انا لسه مستني الاجابه. لكن الامور حتوضح فلا تشيل هم !.!

اهلين حبيب قلبي والله تسلم على الرد والتوضيح بس بصراحة انهميت شويا انا ما احب شي اسمو عربي وقواعد ومدري ايه وثقافة اسلامية خلاص يعني ما خلصنا منها بالثانوي ولا دي زي مواد مساعدة
ان شاء الله خير يارب ,
ومن ناحية تانية اكيد لين دحين نحن اربع اصحاب والله لا يفرقنا حبايبي

[احمد ربيعة]

^^^^^^^^^^^^^^^^^^^^^^^^^^^^^^^^^^^^^^^^^^^^^

مبروكـ لكم ياشباب القبول في الكلية الرائعة ...

بنسبة للمواد الي حتدروسوها فكلها بإذن الله سهلة وميسرة ...

وفي منها انجليزي ومنها عربي ولكن حيكون شرحها بالعربي ان شاء الله

بنسبة لكم متطلب عليكم ثقافة اسلامية 4 مستويا وللغة العربية مستويين طبعاً المستوى الاول صعب لانو كله اعرابات والمنهج دسم اما المستوى الثاني فهو اسهل من شرب الماء تقدر تاخذ فيه a براحة.

بنسبة للحذف ولاضافة وغالباً المستجدين في الكلية تواجهم مشاكل في الحذف والاضافة منها امتلاء الشعب والتعارض وووو ,,, ولكن الحذف والاضافة يبداء قبل الدراسة بسبوع...

والافضل انك كطالب مستجد تمشي مع الخطة المنزله لك في الاودس علشان مايصير معاك مشاكل ....

طبعاً مادة ar190 و ar191مهمة جداً جداً لزم تتأكد انها نزلت في جدولك مع بداية الدراسة لانها لنك ماتقدر تتخصص في اي تخصص الا لزم تكون ماخذ هذي المادتين والي يبغى يتخصص عمارة يشد حيله فيها لانو طالبين في المادتين من 85 واكثر واعتقد السنة هذي حتصير 90 واكثر ....


طبعاً اذا وواجهت اي صعوبة في اضافة اي مادة لزم تروح الشؤون التعليمة الي في الكلية بجوار البوفية وهم يضيفونها لك .............




اتمنى انو يكون الموضوع واضح


ولاتستعجلون على الحذف والاضافة لانها ماراح يفتح الا في شهر 10 قبل الدراسة بسبوع وهم راح يعلنون عنه






احمد ربيعة

[xanaza6]

المشاركة الأصلية كتبت بواسطة ramy lazoz اهلين حبيب قلبي والله تسلم على الرد والتوضيح بس بصراحة انهميت شويا انا ما احب شي اسمو عربي وقواعد ومدري ايه وثقافة اسلامية خلاص يعني ما خلصنا منها بالثانوي ولا دي زي مواد مساعدة ان شاء الله خير يارب , ومن ناحية تانية اكيد لين دحين نحن اربع اصحاب والله لا يفرقنا حبايبي

شوف حبيبي الصراحه انا كنت مزفففففت مره بالعربي والمواد غير العلميه, هذي مو مواد الكليه هذي مواد اجباريه تبعت الجامعات بالمملكه, لو تدرس بامريكا المواد الالزاميه عندهم هي التاريخ الامريكي والقانون الامريكي ومواد مالها داعي بس اجباري للتخرج, تقدر تاخذها وقت ماتبي اذا في العطله او غيره ^.^ بس لازم تعديها ماتستاهل. ماعتقد حتى انها بهالجديه خاصة انها مش مواد تخصصيه, وكلها اضافيه, لكن بالنسبه لي مواد غثيثه الصراحه, وكلها ساعه بالاسبوع اعتقد لكن للاسف في 4 مستويات ثقافه اسلاميه ومستويين عربي

في واحد جدوله عجبني خاصة اذا مافي انجليزي وفيزيا ورياضيات فحيكون في فراغ

الترم الاول:
ثقافة اسلاميه 101
عربي 101
ar190
la141
la121

الترم الثاني:
ثقافة اسلاميه 201
عربي 201
ar191
urp130

على الاقل نتخلص من العربي في نفس السنه قبل التخصص, ويبقالنا مادتين شريعه, او حتى افكر اني ادرسهم بالصيف. وإن شاء الله نعديهم ^.^