كلية المعلمــــــــــــات ...؟؟؟

[جامعية جديدة]

السلام عليكم ورحمه الله وبركاته

لو سمحتو عندي كم استفسار ياريت تردو عليا بسرعة
انا رحت كليات البنات وقالولي نقدر نقبلكي في كليه اعداد المعلمات بجدة تحضيري مسار علمي
طيب ايش رايكم بهذا الكلية من ناحية الدراسة طريقتها
شكل الكلية وموقعها فين بجدة بالضبط
الزي الي لازم نلبسو والدوام حقهم كيف
يعني بأختصار عطوني رايكم اسجل ولا لا
وكمان لازم اروح ادرس في المدارس تدريب زي بنات الكلية الي يجو في المدرسة
ولا اختياري باالنسبة للعلمي
ودحين عرفت ان الكليات انتظمت للجامعة يعني اقدر احول بعد سنة للجامعة ولا لكلية التربية ولا غيرها

الي تعرف شي عنها ياريت تفيدني وتفيد غيري

معليش صح اسألتي كثير بس والله محتارة
ماني عارفة ايش اسوي ولازم اروح بكرة

سامحوني راح اتعبكم معاية

افيدوني بأي شي

[أروى]

يا اختي والله ودي اساعدك بس كل إلي أنا أعرفه إنّا كلية إعداد المعلمات مرررررررررره ماهي حلوه لأن لم يعد لها مستقبل وأقرب مثال أختي متخرجه منها ولها تقريباً 6 سنوات وإلى الآن مالقيت أي وظيفه أما بالنسبة لتربية العملي إلي يسوه بنات الكليه في المدارس ألغي هذا العام لأن جميع الكليات انظمت لجامعة الملك عبدالعزيز يعني أنظمتها جامعية أما بالنسبه عن موقعها اصبري عليّ حتى اسألك أختي ورد لكِ خبر أكيد بإذن الله.
والله يوفقك للي في الخير..

[sounzr zr]

يقولوا الكلية العلمية في البغدادية ..

[جامعية جديدة]

تسلمي اروى وsounzr zr

شكرا على الافادة

ماتقصرووووووووو

[أروى]

يا خيتو المحتاره سألت لكِ عن موقع كلية المعلمات توجد في حي الشرفيه خلف الإسكان بالقرب من مخابز بدره..
أما بخصوص التحويل مثل ماسمعت إنّا التحويل من الكلية إلى الجامعة صعب بس ممكن تقدري تحولي لكلية التربية والله أعلم..
أنصحك يا أختي المحتاره لا تضيعي عليك هذه الفرصه وتوكلي على الله وسجلى في كلية إعداد المعلمات وكملي تحضيري فيهاوالله يسهلك النقل إن شاء الله السنه القادمه..
. موفقه خيتو المحتاررره والله يسهل أمرك ..

[جامعية جديدة]

تسلمي حبيبتي
والله ماقصرتي
وان شاء الله ماراح اضيع الفرصة

والله يسهلي ويسهلك وللجميع