حيرتي مع شهادة الثانوية وتسليمها للجامعة ومطابقتها للبعثة ؟!

[عَـــهـــد]

السلام عليكم ورحمة الله وبركاته


أتمنى الجميع يكون بصحة وعافية


ماكتبت الموضوع هنا الا من شدة حيرتي .. لدرجة انو مخي شوية وحينفجر


دحين انا طالبة متخرجة من الثانوية ..

وابى اقدم على ابتعاث للمرحلة السادسة

وبنفس الوقت مااضمن انقبل مع انو الشروط المطلوبة تنطبق عليا ..

فعشان كدا قلت اقدم هنا كمان .. وسجلت في عبد العزيز

لكن اللي سمعتو انه راح ياخدو الشهادة الاصلية حقت الثانوية ؟؟!!

طيب وفي البعثه برضو راح يطلبو الشهادة الاصلية عشان يطابقو الصورة

ايش الحل ولو احد مر بموقف زي دا ايش سويتو وقتها ؟؟


وهل يمديني يوم تسليم الوثائق لعبد العزيز اجيب الشهادة الاصلية والشهادة المصدقة
ويطابقوها بعدين ياخدو المصدقة بس ؟؟

اتمنى أحد يفيدني




ومرة شكرا


:)

[همسات حق]

عهد ..//~

ماعندي اي خلفيه عن الموضووع ..//~

ان شاء الله يفيدوونك الاخوات والاخوان (=

وربي ان شاء الله يسهلها وييسرها لك .. يآآرب (=

[عَـــهـــد]

اووكي ياعسل مو مشكلة

الله يوفقك يارب


:)

[البادي]

عادي انا شهادتي الأصلية بجامعة عزووز وانا الحين ادرس برا وجامعتي ما طلبوا الشهادة الاصلية ولا حتى لما جيت انضم للبعثة ما طلبوا مني شهادتي الاصلية
وعتدي اختين شهاداتهم الاصلية بالسعودية ويدرسون بشهادات طبق الاصل
ماشاء الله

اعتقد لازم تسلمين شهادتك الاصلية لعزووز وبعدين إذا جا وقت تدقيق الاوراق يمديك تسحبين شهادتك الأصلية من عزووز عشانها يطابقونها مع طبق الاصل بعدين ياهذون الطبق ويمديك ترجعين الاصل لعزووز
والله اعلم
وبالتوفيق

[sparkling]

مشكووورة الله يعطيكي العافية :)

[عَـــهـــد]

البادي ..


يديك العااافية والله ريحتني ..

الله يوفقك يارب


:)

[عشق الورد]

ربك يسهلهااااااااااااااا ياقمر
وماعندي خلفيه

بالتوفيق

[Butterfly Hope]

اش الفرق بين الصورة وطبق الاصل ؟؟ كيف يعني طبق الاصل؟

والله يوفقك ياااااااااااارب وتدرسي برا ويقبلوك في البعثة والله يخترك اللي فيه الخير :)

دمتي بود ^_^

[عَـــهـــد]

امين يارب ويوفقك انتي كمان...

الفرق بين الصوره وطبق الاصل انه طبق الاصل هي نسخه من الشهاده الاصليه بس انها مختومه من الرئاسه لو تبغي صورة طبق الاصل صوري الشهاده الاصليه 4 او 5 نسخ زي ما تبغي وخلي الرئاسه تختملك هي طبق الاصل
بس قالو فعزوز مايحتاج مااعرف اتاكدي ^.^

[طابة متخرجة]

بكالوريس الطب فقط هو اللي موجود لخريجي الثانوية