كم سؤال في بالي ومهمين بالنسبالي ,, :)

[besho2009]

السلام عليكم
هادا اول موضوع ليا في المنتدى ومن جد حابة انكم تساعدوني ..
انا قبل لا اكتب دا الموضوع لفيت على كزا موضوع واخدت خبرة شوية بس مع كدا الا مايكون في راسي علامة استفهام ابا استفسر عنها وخاصة انو دي الفترة بالنسبالي فترة قلق وتوتر وكل شي والله يعين الجميع ..
من جد حابة انكم تساعدوني وتطمنوني لانو طموحي كان كبير وكل مالو بيقل مع الاسف .. :(
بس ربنا كريم .. وغير كدا الي عنده خبرة عن دا الشي زي يلدرم وكدا يفيديني بليييييز ..
انا موعدي التلوت دا يوم 15 ازا ربنا اراد ..
وانا من الردود وكدا مرررة خفت انو على حظي يتقفل الانتظام ولا اني ما اتقبل في السليمانية لاقدر
الله:(

يعني هوا في امل اني اتقبل انتظام مسار علمي وفي الفرع الي اباه ؟؟

مع العلم انو موعدي لو تلاحظوا لا هو في البداية ولاهو في النهاية ..في الوسط يعني ممكن حيكونوا خلاص اكتفوا ..؟؟

امااانة قولولي طمنوني وريحونيييي بلييز

وفي حاجة كمان هل يحتاج اني اطبع درجة القدرات والتحصيلي ؟؟ ولا الجامعة خلاص عندهم علم
بيها ومايحتاجوها ؟؟

وشهادة الثانوي اختمها ولا مايحتاج ؟؟؟

الي حيجاوبني حكون ممنونة له من جد
والي عنده اي اضافة او راي لايبخل عليا
وشكرا مقدما

[besho2009]

نسيت اقلكم انو نسبتي الموزونة 84.48 الحمد لله على كل حال :)

[منووش]

بيشوووووووووووووووووو
انا معاك ف نفس اليوم وربي نفس اللي يدور براسي وخاااااااااااااااااااااااااااااااايفه

[besho2009]

والله مرررررة انا كمان خااايفة لابعد درجة :(
الله يسهل للجميع ويعيننا كلنا ,,

[روعة طموح]

شوفوا ياحلوين نسبتكم حلوة واختي كمان معاك بنفس اليوم اذا ماانقبلتي في السلمانية حاتنقبلي ان شاء بالسلامة ولا ماانقبلتي انتظام حاتنقبلي انتقائي او تاهيلي ان شاء وفي كل الاحوال خير ان شاء غير كده الموعيد حايكون الين 22 /8 يعني انتوا مرةبدري وموعدكم كويس ومااعتقد ماتلقوا مقعد لانوا معنى الرسالة انكم لكم مقعد والله يوفقكم يارب
وغير كده في المتدى المستندات الا لازم تاخذيها (موضوع مثبت )وشهادتكم الاصل لازم تاخذوها

[besho2009]

موو هيا المشكلة انا مرررة ابا انتظام ما ابا تاهيلي وانتقالي :( بس مني عارفة ايش حيسيير ومرة شكرا حبيبتي على مشاركتك

[AM00NA]

والله نفس سؤالي وياليت احد يطمنا ... وانا نفس موعدك ..
بس على درجات القدرات والتحصيلي اطبعيها يختي منتي خسرانه شي عشان تروحين مرتاحه ...
اممم والشهاده يقول الدكتور المشاط عميد القبول والتسجيل ماتفرق مختومه ولا مو مختومه ..
بس الافضل انك تختمينها ..
هااذا اللي اعرفه والله ....والله يوفقنا ان شاءالله ويتحقق اللي في بااالنا عاجلا غير آجلا ....
دعواتك

[غروكـ و غيروكـ]

ايش تسوي اللي موعدها يوم 20

نسبتك ما شاء الله حلوه وان شاء الله تنقبلي انتظام في الجامعه

خلي امك بالله كبير وادعي ان الله يكتبلك اللي فيه الخير مو مهم المكان


.
.

موفقه

[besho2009]

شكرا حبايبي والله يعطيكم العافية ..

ياارب وفقنا كلنا ويسر امرنا واكتبلنا الي فيه الخير كلنا يااااااااااااااااارب

واي احد عنده شي لايبخل علينا ويطمنا

[شوشو الاموره]

لاتخافي روحي وتوكلي على الله بالنهايه كل اللي راح يقولوه هنا مجرد توقعات