اختبار القدرات العامة للجامعيين للبرامج الخاصة + العامة ....

[alahmadi]

لينا بس سؤال هل قسم الحاسب راح يلغوا الاختبار الخاص فيهم ويكتفوا باختبار القدرات للجامعيين

[روح الأنوثه]

والله ماله داعي نختبر قدرات وكفايات كل يوم يطلعو لنا بنظام وقرار جديد
مو كفايه تفحيطنا على البكالريوس 4 او 5 سنوات وبعضنا 8 سنوات
يبغونا كمان نفحط على قدرات كم سنه
قلت لاهلي قبل شوي ابغا ادخل الاختبارات تاني لأنه درجاتي مو حلوه حسيتهم شوي ويقتلوني
ليتهم يحسو فينا مو تعب علينا وبس حتى على اهالينا

[طموحهـ ولكنـ]

المشاركة الأصلية كتبت بواسطة leenah2010 صلي على النبي طيب (: (عليه الصلاة والسلام) هذه شروط الماجستير الخاص (المدفوع).. في الماجستير العام (الغير مدفوع) الاختبار عليه 40% والمعدل عليه 60% والانجليزي شرط للقبول لكن ما يدخل في حساب النسبة.. هل جميع البرامج العامة معتمدة هذا النظام؟ أنا انقبلت في كلية الحاسب فما أقدر أجزم بالنسبة للبقية.. ولكن أغلب الظن نعم ويبقى المعدل يلعب دور كبير في القبول بالبرامج العامة..

اللهم صلي على نبينا محمد ,,

مبروك علي قبولكـ ,,

انا لسة بقدم في شهر 11 ويااخوفي راح يطلع قرار جديد ويكون مثل الخاص ,,
وراح اقدم كمان في الخاص وماعجبني ان يكون الانجليزي يدخل في المفاضلة ,,

وان شالله معدلي يدخلني البرامج العامة اذا كان للمعدل 60 % ,,

ويارب مايطلعوا قرار جديد ,, ماني ناقصة قرارات ,,

[طموحهـ ولكنـ]

المشاركة الأصلية كتبت بواسطة روح الأنوثه والله ماله داعي نختبر قدرات وكفايات كل يوم يطلعو لنا بنظام وقرار جديد مو كفايه تفحيطنا على البكالريوس 4 او 5 سنوات وبعضنا 8 سنوات يبغونا كمان نفحط على قدرات كم سنه قلت لاهلي قبل شوي ابغا ادخل الاختبارات تاني لأنه درجاتي مو حلوه حسيتهم شوي ويقتلوني ليتهم يحسو فينا مو تعب علينا وبس حتى على اهالينا

كويس انك قلتي لااهلك على درجاتكـ

انا ماقلت لهم درجاتي الخايسة ,,

خليني امهد لهم الموضوع شوية شوية ,, عشان ماينصدموا ,,

وان شالله راح اقول لهم درجاتي في ليلة رمضان

[meme_3223]

ياجماعة الخبر واضح :
توزيع النسبة المذكور للماستر الخاص + العام {كلية الاقتصاد وكلية الآداب} ..

هذا هو التوزيع الجديد بعد إضافة القدرات كشرط للقبول ،،
وحتى شرط اللغة كان شرط والآن يحتسب كنقاط أثناء المفاضلة ..
وطبعاً العشرين % الباقية أكيد بتكون حسب الكلية أما على الخبرات أو الدورات ..

والله يعين ويسهل ..

[عزة نفسي_تكفيني]

صح انه مذكوور فقط للأداب والإقتصاد

لكن الخووف انه يشمل البااقي مستقبلا

ومو بعيدهـ عنهم

[طموحهـ ولكنـ]

المشاركة الأصلية كتبت بواسطة meme_3223 ياجماعة الخبر واضح : توزيع النسبة المذكور للماستر الخاص + العام {كلية الاقتصاد وكلية الآداب} .. هذا هو التوزيع الجديد بعد إضافة القدرات كشرط للقبول ،، وحتى شرط اللغة كان شرط والآن يحتسب كنقاط أثناء المفاضلة .. وطبعاً العشرين % الباقية أكيد بتكون حسب الكلية أما على الخبرات أو الدورات .. والله يعين ويسهل ..

طب الجغرافيا من كلية الاداب ؟؟

الله المستعان ,,

[بنت جدة المنكوبة]

المشاركة الأصلية كتبت بواسطة feras.abood سامحيني اجل يابنت جدة !!!!!!!!!!! بكذا والله معاك حق جدة منكوبة !!!!! بالتوفيق

لا عادي أنا مو مكبرة الموضوع بأمزح
بس أنا وقت ماسميت كنت أبغى بنت جدة بس مافي لأن الإسم مستخدم
ووقت لما سميت الإسم كانت في مشكلة السيول فسميت بنت جدة المنكوبة

[meme_3223]

http://www.skaau.com/vb/member.php?u=114487 نعم الجغرافيا من أقسام كلية الآداب والعلوم الإنسانية ..

[meme_3223]

http://www.skaau.com/vb/member.php?u=43235 سمعت بهذا القرار من زمان ..
من وقت المفاضلة للماستر العام من أكثر من دكتورة ..
لكن بعض الكليات ماوافقت على القرار واعترضت على جعل
القدرات معيار أساسي للقبول بدلاً من المفاضلة ..
ومنها كلية العلوم وغيرها ..

طبعاً ممكن يُطبّق مستقبلاً وممكن لا ،، العلم عند الله وحده ..