مساعدة ضروري جدا جدا جدا

[بيو كيميائية ^_^]

المشاركة الأصلية كتبت بواسطة amir.ah السلام عليكم ورحنة الله وبركاته ........ اسمي عامر .......الحمد لله اتخرجت من الثنوي ودخلت السنة التحضيرية في جامعة الملك عبدالعزيز وخلصتها الحمد لله على خير .وجات التخصصات وحاليا حطوني في كلية العلوم ...مع اني كنت ابغى طب وكان نفسي افرح اهلي بي دا الشي بس قدر الله وما شاء فعل والحمد لله على كل شي ... انا حاليا مسجل في كلية العلوم ....بس الا الان ما ادري كيف اختار التخصص ....يعني احياء ولا كيميا ولا فيزياء ما ادري بالمرة .... يعني لمن ادخل على الملف الخاص فيا الي هوا ال((odus)) الاقي اني في التخصص مكتوب كلية العلوم بس مو مكتوب التخصص .....الي ابغى اعرفو كيف اختار التخصص وعلى فكرة انا حطوني في الفرع الجديد الي هوا فرع شمال جدة ......وكمان ايش التخصص الي مستقبلو حلو جدا يعني لمن الشخص يتخرج يتوظف بسرعة وراتب حلو ......والسؤال الاخير هل في امل انو لو دخلت تخصص احياء او احياء دقيقة اني ادخل طب بشري بعدين. .... وكمان على فكرة انا احب الاحياء وعشان كدة سالت السوال دا . واتمنى انكم تساعدوني لاني من جد محتاااار لدرجة اني ما انام والله ...وابغى الشي الكويس الي مستقبلو حلو ...اتمنى انكم تفيدوني يا اخواني ويا اخواتي ....معليش على الشرح السيئ -__- بس والله من كتر الحيرة والخوف . وشكرا ...

وعليكم السلامـ والرحمة

إختيار التخصص من البداية يعني بعد فترة راح تنزل خانة لتحديد الرغبات ومن الترم الجاي تبدي تدرسه

الكيمياء الحيوي هو أقرب شيء للطب وله مستقبل حلو خصوصًا إذا كملت ماستر

أو أخذت سنة أو سنتين وتصير مثل خريج المختبرات

وهذا البرنامج موجود في سعود والفيصل

وفي الوظايف أول شيء مختبرات بعدين كيمياء حيوي بعدين أحياء دقيقة

ويقال راح ينفتح قسم جديد اسمه تقنية حيوية وماندرس بينفتح أو لا

أما على الوظايف هذهـ على الله في ناس خريجي كليات غير عن العلوم وماتوظفوا ومعدلهم عالي

والكيمياء تشتغل في المصانع وفيه في آرامكو وسابك

والإحصاء برضوا له مستقبل رائع

أنت شوف ميولك إلى ايش وإختارهـ

بالتوفيق

المشاركة الأصلية كتبت بواسطة .,.نيــــــــــــــــــــران.,. وعليكم السلام ورحمة الله وبركاته التخصص على حد علمي نص الترم الجاي يتحدد واتوقع انك تقدر تحول طب لكن جيب معدل عااالي والاحياء هو العمود الفقري في الطب الله يوفقك

نيران تغيرت المعلومات صار من البداية

والكيمياء الحيوي ترا هو الأقرب للطب بعدين الأحياء

حبيت أصلح لك معلومتك فقط