الدورات الصيفية في الجامعة + مايردوا ع الرقم

[علوم فلكية]

السلام عليكم و رحمة الله وبركاته
بما انه مافي اختبارات ستيب الا مع بداية عام 1432 قلت ادخل دورات مع مجهودي في ترجمة قطع الايلتس
و بصراحة مافي قريب مني معاهد ماعدا الجامعة بحكم اني في حي الامير فواز ( جنوب جدة )
حبيت اسأل فيه احد منكم منضم الى الدورات الصيفية في الجامعة ؟؟
و للاسف انا اتصل عليهم و يردوا عليا ... لانه فيه دورة انجلش حتبدأ يوم
19\8
و قرأت انه فيه دورة توفل
ارجو الافادة .. جزاكم الله خير

[متفائل رغم الأنين]

ماأدري إذا فيه دورات وإلا لا ياأختي بس أنا اللي أعرفه
إذا كنتِ من كلية الأداب وإنقبلتي في الماجستير فيه لهم دورة بديل التوفل تكون مع الدراسه للماجستير تدفعي 2000ريال طبعاً
أما بالنسبه للتوفل للأقسام الأخرى وفيه جدول بالإختبارات يمكن يبدأ مع الدراسه تدفعي 200ريال إذا لاسمح الله مانجحتي بإمكانك تعيدي الإختبار وتدفعي كمان200وهكذا
ممكن الأستاذ عماد يفيدك كمان
الله يوفقك

[بنت جدة المنكوبة]

بديل التوفل تلغى من الجامعة وسار بدالوا ستيب

[علوم فلكية]

شكرا لكم بس انا اقصد الدورات الصيفية الي تقام في الجامعة مو دورة الاداب :)
فيه دورة للتحضير للتوفل هل فيه احد سجل فيها ؟

[lost dreeam]

انا كمان والله حابه اسجل لو في دورات صيفيه ممكن تفيدنا وتعدي الستيب

[علوم فلكية]

بحول الله بتصل بكرا السبت و ان شاء الله يردوا عليا :)

[صمتي وفا]

طمنينا اذا ردو عليكي عشان نسجل مع بعض ونفيد ونستفيد

[معلمة مكه]

متى وقت الدورات هذي هل هي مسائيه

[عماد الحسن]

نرحب بكم جميعاً ... أنا أخذت عدة دورات في العام الماضي بكلية خدمة المجتمع في الجامعة وأعتقد أنه توجد دورات حالياَ ولكن موقع الجامعة معلق ، و عمادة خدمة المجتمع تعطي شهادات معتمدة للدورات وأتمنى لكم الن تسجلوا فيها ، وسأحاول البحث عن رقمهم لأضيفه هنا قريباً.

[علوم فلكية]

ايوة اخ عماد انا اقصد هذي الدورات
انا عندي كم رقم لكن مافي اي اجابة .. ماعدا الرقم تبع قسم الطلاب لكن ماعندهم اي خلفية عن شطر الطالبات