مكافآت الامتياز والمعضلة الجديدة >(انتظام طالبات) wan/мαѕooяy/دنا

[بحر الحرية]

أهلا أختي نيران..

ولو إنه مكتوب ف العنون ( انتظام طالبات )، لكن عرق اللقافة ما نقدر نتخلى عنه

بصراحة أنا أأيدك في موضوعك لتأخر الصرف فقط، لكن إرجاع الشيكات واستبدال نظام الحسابات البنكية ما أأيدك فيها، يعني بصراحة مو عذر إنك تقولي راح تصير لخبطة في أرقام الحسابات، ولا عذر إنك تقولي ممكن تكون الحسابات مجمدة، لأنوو المفروض إنتي كطالبة تهتمي بدقة البيانات اللي تعطيهم هيا وانتي تهتمي على إنوو يكون حسابك غير مجمد، ولكن لو كان الغلط منهم في أرقام الحسابات ف راح يتحملوا نتيجة غلطهم، لكن أختي طريقة الصرف البنكي تراا برأيي أفضل لو تفعلت بالشكل الصحيح.

يعني أنا أفضل إنكم تشوفوا إيش مشكلة تأخر الصرف وتحاولوا توصلوها وتحلوها.
لأنوو لو الصرف صار إلكتروني ف راح يكون أسهل وأوفر ف الوقت والجهد، بحيث إنه تكون كل المعاملات مرتبطة إلكترونيا، وما يحتاج تراجعيهم أو تروحي لهم بنفسك عشان تقدمي عليها.
وشوفوا إيش مشكلة عدم استفادكم من النظام التطويري بدل من إنكم ترجعوا النظام القديم، لأنه تقريبا مستحيل يوافقوا لكم على نظام الشيكات يرجع بحكم إنوو الإلكتروني أفضل.

إنشاا الله نشوف آراء تانية وتستفيدوا منهاا أكتر..

موفقين ياارب؛؛