استفسار!!

[كل شيء!]

السلام عليكم ورحمة الله وبركاته
اما بعد
اخواتي بنات كلية العلوم
ابي استفسر عن قسم الحاسب .. هل هو قسم جيد حلو صعب
كيف مجالاته كثيرة ووش اقسامه وهل تأيدوني ادخله وأبديه عن الادارة والاقتصاد
الله لايهينكم حاولوا تساعدوني على قدر الامكان
بكون شااااكرة لكم وممتنه

[noo0oona]

حبيبتي كل شيء يسعدني اكون اول وحده ارد عليكي
واحب افيدك عن الحاسب بصراحه هو صعب وهذا من كلام صديقاتي وهما مرة دوافير بس كل واحد يجتهد ولكل مجتهد نصيب لان الانسان اذا كانت رغبته بشي وحاط له هدف معين فباذن الله راح بوصله
هو طبعا افضل من الادارة والاقتصاد بكثير انا كنت بالادارة واستخرت وبحثت بس لقيت ان الحاسب افضل بكثير
طبعا انا حولت علوم بس كان ناقصني شي اتقل من البسيط عن المعدل المطلوب واتخصصت رياضيات حتى الرياضيات مجالاته اكثر من الاداره لان الاداره محصورة بالاعمال الاداريه والشركات فقط
واخيرا انتي اقعدي مع نفسك وشوفي اش هدفك واش طموحك وميولك هذا اهم شي
وبالتوفيق حبيبتي واي استفسار انا جاهزة

[كل شيء!]

هلا اختي نوونا
ولله اشكرك مرة على المساعده اللطيفة لاهنتي ..
انا كان نفسي بالحاسب بس كثير قالوا لي انك ممكن تحصلينها بالدورات
ودراستها محصورة بالبرمجة والاوفس مافيه دراسات عن الشبكات والتصميم
هل هذا الكلام صحيح ؟
وبعد قسم الرياضيات وش ممكن تكون مجالاته ؟

وتسلمي حبيبتي والله يجزاك الف خير :)

[noo0oona]

شوفي حبيبتي لاتسالي ناس مو قد كذا عندها ثقافات بالتخصص لانهم ممكن يشوفو نفسهم انهم اعلى شي وانه جميع التخصصات ممكن تتناخذ عن طريق الدورات
شوفي حبيبتي مافي اي دورة حاسب تغطي على تخصص الحاسب اول شي اللي يتخصص حاسب في جامعة الملك قليلين ولمن يتخرجو يكونو افضل بكثير من اللي ماخذ مجرد دورات
قريبتي متخصصه حاسب تقولي لقيت وظايف كثير بشركات وب7 و8 بس هي اضطرت تروح لمدينه ثانيه غير جدة وقدمت ع وظيفه حكوميه وماشالله مافي شهر الاجات موافقتها وبراتب 5الاف ونص
تخصص الحاسب له مجال وظيفي كبير يعني هو تقريبا بعد الطب والهندسه على طول
والرياضيات انا عرفت انه له مجال في البنوك والشركات بالاقسام اللي تتعلق بالارقام والحسابات
هذا غير التدريس وغير انك لو جبتي معدل باذن الله ممكن تصيري معيده
حبيبتي انتي سنه تحضيريه؟؟

[كل شيء!]

ايه انا تحضيري تأهيلي واخترت مسار اداري والحاسب مب موجود هناك لكن اعتقد انه يمكنني التحويل
انا بستخير واشوف الله يسهل لي ..
بس حابه اسئل لو ماثقلت عليك نونا .. دراسة الحاسب كلها بالانقلش ؟!
وقبولهم بالسنة التحضيرية لازم بمعدل عالي فوق 4

[northstar]

لا الدراسة مو بالانجليزي بالعربي
وشدي حيلك وربي راح يوفقك

[M!Ss AmoOoLa]

لا الدراسة مو بالانجليزي بالعربي وشدي حيلك وربي راح يوفقك

نوورث ستار سلامات

الدراسه في كلية الحاسبات باالأنقلش

وجميع التخصصات في كلية العلوم الدراسه فيها باالأنقلش معدا الأحياء

[=--> (أخـــر همـــي) <--=]

والله ياخيتوو انا اللي سمعته من صديقتي بالحاسب

انه حلووو بس عيبه انه في جامعتنا مااحد معطيه حقه

يعني شوفي الحين صار الحاسب مسارات

مسار علوم حاسبات وهذا تدرسين برمجه وكذاا وكذااا وهذا القسم الوحيد المتقن في الحاسب لانه من زمااااان كان موجود


اما المسارين الجديده

مسار نظم معلومات { على مااعتقد كذا اسمه } ومسار تقنيه معلومات وهذولا حلوين بس عيبهم انهم جديدين يعني مااحد معطيهم حقهم


وانا اقولك اختي جابت معدل مررره ماشاء الله عالي وكان المفروض تدخل حاسب بس اتأخرت بالانجليزي مااخذته فما حطوها حاسب واللي صاااير ان كل صحباتي بالحاسب قالولها احمدي ربك وروحي ادالره واقتصاد

وهي استخارت وتبغى تحول اداره واقتصاد الحين


وانا لو يرجع بي الزمن لورا كنت على طووول اخترت اداره واقتصاد

ترى اداره مررره حلوه لانها تخصصات جديده مو مثل دراستنا من يوم دخلنا الابتدائيه لين الحين واحنا بندرس نفس المواد


لازم نغير شوووووي





بالنهااااايه استخيـــــــــــــــــــــــــــــــــري والله يوفقك ان شااااء الله

[كل شيء!]

الله يسهل يارب ويكتب الي فيه الخيــر ومررررررررة مشكووورين
نوونا
نورث ستار
غرور
اخر همي
الله يجزاكم الف خير ولا هنتوا والله ساعدتوني كثير ^_^